Godigo Sęba Tagala Palai Bidigo Po 9:31 - Godigo dwagi yai po buku

³¹ Te side Jisasgo po wali pabo we bidi te Judia tǫde me, Galili tǫde me, te Samaria tǫ me, te bulu we bidi augwali bugagia bidali, wi ebe. Godigo Dwagi Yai Mobogo augwali tau selama, te umabo we bidi Jisasgo poba augwa homu tigidali munama, bomo yali. Augwaligo Genuai Bidigo nogi ugwaba mu sali, te augwaligo Genuai Bidigo po wali pali.

Godigo Sęba Tagala Palai Bidigo Po 9:31 Referans Kwoze

Godigo Nogi Ugwaba Sabo Tęąbi Po Wabo Buku Dabe 111:10

Te bidi te kolesaga koneai bidi pedelainogo eyu da, aga te Godide wi yao. Agai te wiegi yai homu kolesaga te agaba homu mubo we bidiba mabo dao. Dago aga nogi sesemane bidada pabo sogo ugwaba sao.

Aisaia 33:6

Tama tigidali sogo agai aga we bidi dage bugagia tonaluyu, tama agai dage bomo elama, tigidali sogo bidimainu yaibao. Tama agai dagebolo dwagi yai homu kolesaga dabe, me kolesaga dabe hauwa mu mawaibao. Tama dagego mu tobolu dįa holai elalumainu yaibao. Te wi elama, Genuai Bidi dologode elalubo kolesagade, Genuai Bidi agai wiegi yai nai dabolo maiabo dao.

Bugagia Bidibo Kolesagade Po Asęai Buku 23:17

Nago te dwai sę ebo bidi dabego ebo kolesaga wei me igio. Menio. Sesemane sogo nage te Genuai Bidigo dologode bidabo bomo mu yao.

Godigo Nogi Ugwaba Sabo Tęąbi Po Wabo Buku Dabe 86:11

Genuai Bidi, eno homugo te nago eno emainu ebo kolesaga te ena bugagia ola mao, tama eno te nago mu po wali sesemane paibao. Te ena bugagia ola mayu, te eno nageba naga konealu, tama eno nago sę sesemane sogo yaibao.

Polgo Po Pas Rom Dabeba Asęani 5:5

Tama tiyu, tama te dago aga bugagia tonalubo kolesaga te tulalugobeo, te kolesaga ebogo da guni bula sabo bidi tiwai pedalogobeo. Magi baso meni. Godigo aga Tedali Mobo Bidi dabolo mani, tama agai te Godigo da dali wiegi yai homu eyu tama godolo mu ebo kolesaga te da homude gisiga ola mawai dao, te kolesaga dwasianu menio.

Bugagia Bidibo Kolesagade Po Asęai Buku 1:7

Te God Genuai Bidide wi eyu, aga dologode bidibo bidi, agai te dwagi yai homu kolesaga page konebo gagalai dao. Me ma, te wiegi yai homu kolesaga elalusiąbo bidi dabe augwaligo te kolesaga konebo skul olama, te wiegi yai kolesaga sabo te hagela homu mu ebo dao.

Polgo Po Pas Rom Dabeba Asęani 15:13

God da, aga te dago homu agaba tialuama tama dwagi yai homu eyu te agai dabolo nosali yabo sę tonalubo kolesaga page bidi dao. Tama eno gedu haluasa po weyu tama wabo dao, “God, te Rom bulude bidibo we bidi augwaligo nageba te konealubo po dąų wali dao. Tama tebogo nago augwali wiegi yai homu pemene genuai elama, tama nagame yai homu te augwaliba pedalama tama pągąnalumainogo yao, te eno homugo dao. Tama nago Tedali Mobo Bidigo bomogo augwali tau siyu tama augwaligo te nago nosali yabo sę bugagia tonalubo kolesaga te geninama mu pedalomainao,” eno te tobage po te Godibolo hanalu wabo dao.

Godigo Sęba Tagala Palai Bidigo Po 8:1

Te sogo, Stiven isali sogode, augwaligo Jisas wali pabo we bidi elebo sę gagalali, te Jerusalemde. Te tebo sę genuagi mu yali. Tama Jisas wali pabo we bidi tigidali te Judia tǫ, Samaria tǫ te bulu siba wi tedela pali. Tiali goli, te Jisasgo tagala palai bidi dabe wi pabe.

Bugagia Bidibo Kolesagade Po Asęai Buku 8:13

Te Genuai Bidide wi eyu, aga dologode bidibo bidi da, agai te dwai kolesaga dabe te wei mu me egobeo. Eno te hagoma ebo kolesaga me, te bidi aga digi aga nogi ugwaba sabo kolesaga me, tama te tobage dwai sę ebo kolesaga me, te tibo po wabo kolesaga me, te eno wei mu me ebeo. Menio. Eno te tobage kolesaga ebo hagela mu ebo dao.

Jopgo Po Asęani Elalubo Buku 28:28

Tama God da tǫde we bidibolo e tama wai dao, ‘Bidi ena Genuai Bidide wi eyu, ena dologode bidibo bidi, agai te dwagi yai homu kolesaga page konebo gagalai dao. Tama dwai kolesaga tudiba mubo bidi, te bidi da, dwagi yai homu kolesaga elalubo dao,’ Godigo te po wai,” Jopgo te po wali.

Nehemia 5:9

Tama eno po wadoa selama, te tama po wali, “Dagego kolesaga dolo me ebeo. Dage te God dologoba pelama, tama doloba pai kolesaga sesemane yao. Te dagego te tiwai ebaso da, teda te dago boi bidi dabego me te dago ebo kolesagaba te posobo po me wagobeo.

Efesus 4:12

Tama agai dabolo te haniani wiegi yai sę yabo homu kolesaga magi baso dobabo dawe? Te Godigo we bidi hani augwaligo we bidi tau sabo sę ebode bugagia sisi elama bidimainogo agai tebo dao, te Kraisba augwa homu tigidali muai we bidi hani augwali Krais aga tigi tiwai bidiyu, augwali geninama eyu bomo siyu bugagia bidimainogo agai te dwagi yai sę yabo homu kolesaga dabolo tama dobabo dao.

2 Korin 13:10

Megi ena digibulu bidiyu, tama eno te dagebolo po asęna tolali, te pagede naga dao: te ena dage dali bidagasobo sogo tama sesena pai bidi tiwai eyu, eno dage te dago Genuai Bidigo enabolo mani sę yabo bomogo eno dage selebo sę idalio. Agai dena yabo sęde te bomo dali, genuai nogi dali si dabolo mani, te dago dagego Kraisde homu tialubo kolesaga ebode dąų walomainogo yali. Te dage dolomainogo eyu agai te bomo dabolo mabeo.

2 Korin 10:8

Magi baso meni. Dago Genuai Bidigo dabolo te sę emainogo te genuai nogi dabolo mani, te dago dagego Kraisde homu tialubo kolesaga ebode dąų walomainogo yali. Te dage dolomainogo eyu agai te bomo dabolo mabeo. Tama eno dena te sęde dena nogi ugwaba mu sali goli, tede ena hale me sogobeo, te dolo dao, dago dena sę bugagia yaibao.

2 Korin 7:1

Eno ama dede muo, dago te Godigo te da dali dąų wali po dabe tama salio. Tama tibaso, dago dena tigide me homu elalubo meda tigidali sela sąnama tama wiegi yai tedali bidinao. Tama dago Godide wi elama, tama wiegi yai doloba pai kolesaga mu naga sesemane sogo wali pinao.

Godigo Sęba Tagala Palai Bidigo Po 16:5

Tama tibaso, Jisasgo po wali pabo hani tigidali augwaligo bomo salio. Tama umabo we bidi te Jisasgo po wali pabo we bidi tomoba tigidali deli deli sogo asali.

Godigo Sęba Tagala Palai Bidigo Po 12:24

Te sogo Godigo po te umabo we bidigo odama, augwaligo Godiba augwa homu tigidali muani, te haniani bulude.

Godigo Sęba Tagala Palai Bidigo Po 6:7

Tama tibaso, we bidi dabe hauwa augwaligo Godigo po odama, konealuali. Te Jerusalem hanude te Jisas wali pabo we bidi hauwa mu yali. Tama te pris bidi hauwa me augwaligo Jisasgo po wali pali.

Nehemia 5:15

Te ena gavman bidi bidisiąbadi, te provinsde polasa gavman bidali bidi dabe, augwaligo te we bidi dabeba genuai sęgę mawai. Augwaligo te we bidi dabede te nai me, wain me, te mone 400 kina anoma elama siyu yali. Tama me te gavman bidigo sę bidi dabego te we bidi dabe augwali aiyaba elalu yai. Tiali goli, ena te God dologode bidiyu, tede homugo kone palobaso, tama tiyu, eno te tiwai kolesaga me ebeo.

Jutgo Asęani Pas 1:20

Tiali goli dage abagi dabe mu, dagego te Godide konealubo po bugagia dąų olama, tama bidigo aga be bugagia sę ebogia tama duga digi duga homu kolesaga dąų olama te sęde bomo yao. Te konealubo po te gasagi yai tedali mu dao. Tama te Godigo Mobo Bidigo dage te gedu haluasa po wabo tau siyu, tama dagego te po sesemane sogo bugagia dąų weyu yao.

Hibru 4:9

Tiali goli dago koneani, te toma nabo sogo te me elalubao. Te Godigo tigidali nai nigila silama, tama aga toma nani sogo, te tiwai tama te toma nabo sogo asobo te Godigo we bidi augwali tonalubo dao.

2 Timoti 1:4

Tama wao, “Dagego te haniani olo namu po dali, te polobadu wąį dabego nogi hauwade po mibo dali, te tobage po mibo tagalao,” te po bomonama augwalibolo wao. Magi baso meni. We bidi augwaligo te po odolama, tama tede po miyu, tama augwa hasi wado po wabo dao. Tama tebogo te we bidi augwaligo Godigo sę yabo homu konebo tau sabo menio. Te dago te Godide konealubo po dąų wabo, tebogo naga dabolo Godigo sę yabo homu ola mabo dao.

1 Tesalonaika 5:11

Tama tibaso, duga hasi te pogo duga abagi dabe augwali homu kolesaga dąų waliyu, tau siyu, te po augwalibolo ola mao, tama megi dagego te ebo sę tiwai tama naga yao.

Kolosi 1:10

Tama agai te homu kolesaga dagebolo mobaso, teda dagego ebo kolesaga te dago Genuai Bidigo gedude te usu yaibao, tama te kolesaga tigidaligo aga homu dwagi yai ilaibao. Tama dagego haniani dwagi yai sę yaibao, te dwagi yai ni aga du walobo tiwai yaibao. Dagego God koneama tama te konebo sę genuai pedalaibao.

Filipai 2:1

Te dage Krais dali wadolama tama bidu, tama dagego bomo tama elalubo dao. Tama agai dage dali dwagi yai homu eyu godolo ebaso, tama dagego homu nagame elama bugagia bidibo dao. Dage agai Tedali Mobo Bidi dali deli homu eyu kisasa biliyu bidibo dao. Tama dagego duga hasi tomode te abagi homu eyu, homu dene eyu duga hasi tau sabo dao.

Efesus 5:21

Te bidi Krais agai genuai nogi mu elaluama, tama dagego duga digi aga dologoba muani obaso, duga hasi dali duga ama dede dologode bidao.

Efesus 4:29

Tama dagego dwai meda yai po me wagio. Menio. Dwagi yai po naga weyu, te bomo kimi meni yai we bidi augwali bomo somainu te bomo mabo po wabo usu dao. Tama tiyu, dagego te Godigo olo tau mabo wiegi yai kolesaga te dagego po odobo we bidibolo tama mao.

Efesus 4:16

Tama aga te dago tobolu bidiyu, tama da agai tigi tiwai bidibaso, teda agai da nogo sągą gedu tigide elalubo te tigidali agai tonalubo dao. Tama aga da tigidali tonalubaso, tama da tigidali bugagia deli tigiba wadolama, tama te dili dabe wadolobo nai augwaligo te tigi deliba bugagia dąų wabo dao. Tama dago tigi deli badu sę ebo augwa hasi tau sabo sę ebo si, tama te tebo kolesaga te tigigo ebo wiegi yai kolesaga genuai eyu, tama te wiegi yai kolesaga eyu godolo mu ebaso da, tama te tigi genuai bomo selama wiegi yai mu pedalobo dao.

2 Korin 12:19

Dagego eno tamadi asęani po tigidali tede homugo kone palama, tama tede dagego e tiwai homu idubadi bogo, ‘Te wali pogo te Pol agai aga nogi tau sabo sę naga ebao.’ Tiali goli te mu menio. Dagego da dali po tų eyu, tama dena yali sę osola suabo bidi dabe meni. Abagi mu dede, da Krais dali wadolama tama Godigo gedude dolalubadi, dago te po tigidali dagebolo asęna tolobao. Tama tiyu dage tau somainogo eyu dago te po dagebolo asęna tolobao.

1 Korin 14:26

Ama dedeo, dagego magi yaibawe? Dage lotu po wainogo eyu sisinibo sogo, dage tigidali deli deligo te duga hasi tau sabo sę elalubao. Me deligo te Godigo nogi ugwaba sabo balia weyu, tama me deligo te dage po ola mabo sę eyu, tama me deligo te Godigo agabolo tamadi mani po, tama agai te po pusaibao. Tama me deligo te dago konesiąbo gasa pogo po weyu, tama mego te po begelebo sę elalubao. Dagego ebo sę tigidali ebogo te dage Godigo po odobo we bidi tau siyu bomo momainogo iyąo.

1 Korin 14:12

Dagego me dagego te we bidigo konesiąbo pogo po weyu da, teda dage tama tiwai ebo dao. Tialima, dagego te Tedali Mobo Bidigo olo maiabo tau sabo bomo dabe sainogo homu godolo yaligo da, teda Godigo we bidi hani bugagia dolalumainao homu eyu, dagego te augwali wiegi yai mu tau mabo bomo sabo homu bomonama eyu, tama te Mobo Bidibolo te bomo da mao weyu bidiąo.

Polgo Po Pas Rom Dabeba Asęani 14:19

Tama tibaso, da te tų naga wali peyu, te da deli homu ilabo kolesaga dali, te dena hasi dena bomo mabo kolesaga dali si, te da pobasa pao.

Polgo Po Pas Rom Dabeba Asęani 14:17

Magi baso meni. Te Godigo da we bidi tonalubo sę page da, te nai me wę tubo kolesagade te page elalubeo. Menio. Te aga da tonalubo sę page e dao, te doloba pai kolesagade elaluyu, tama wiegi yai homu nagame eyu, tama wiegi yai homu pemene ebo kolesaga ebo. Te Godigo Tedali Mobo Bidigo te kolesaga da tomode nigilibo dao.

Sekaraia 8:20

Genuai Bidi Tigidali Bomo Elalubo Bidigo po me weyu, te tiwai po wali, “Nosali genuai taun hauwa we bidi dabe te Jerusalemba aselawaibao.

Aisaia 11:10

Tama te sogo Genuai Bidigo gesi tuni bidi me sa muaibao, te Jesigo hani bidi me deli dao. Agai te tigidali we bidi deliba ma sisinabo dąį tiwai bidaibao. Augwali te tigidali tǫ pedai kantri tedu augwali agaba asaibao, te Israel hani isąwai bage. Tama agai hanu da, genuai nogi mu elaluaibao.

Godigo Nogi Ugwaba Sabo Tęąbi Po Wabo Buku Dabe 94:13

Nago te sę ebo aga olo bidimainogo tiwai, tama sęgego aga gegeidali weyu, tama te dwai bidi dabe isilama, gų pageba paboba usu nigi pabo dao.

Tuni Bidi Dabego Po Elalubo Buku Deli 22:18

Tama agai te tiwai po augwaliba wali, “God, dago Genuai Bidi, te dage dali bidibao. Agai eno te e tǫde polobadu bidali we bidi hani dabe augwali aiyaba elalumainu ilama, tama megi da augwali te aga me dage dologode bidibao. Te tama tiali kolesagade agai te wiegi yai bodolu si dageba menama, te dage bugagia tegaluama bidu, te boi bidi augwaligo dageba munu ma boi hwįbe dao.

Tuni Bidi Dabego Po Elalubo Buku Deli 22:9

Tialima eno te wai ogwa me deli nageba mawaibao, tama aga te king pedalubo sogo, agai te we bidi augwali bugagia tegaluama bidabo sę mawaibao, tama te gasa bulu tǫ kantri dabe augwaligo agaba te boi bidi yabo sę me iligobeo. Eno nagebolo te mabo wai da, agabolo polabo nogi da te nogi Solomon, magi baso meni, te aga king bidibo sogo eno te Israel we bidi augwali homu wiegi yai bugagia nagame elama bidabo sę ilaibao,’ wali.

Te Israel Tobolu Bidi Dabe 3:30

Tama te Israel dabego te sogo te Moap dabe aiyaba elaluai. Tama te tǫde te boi me hwįsiąbadi, te kibu be bidi sese me si me si, te 80 yia bidai.

Josua 21:44

Tama Genuai Bidigo te boi pilama wiegi yai pemene ebo sogo augwalibolo mani, te agai augwa wąį dabe dali dąų wali po tiwai gilama yali. Te haniani boi bidi hani dabe augwali te Israel dabe tigidali badu bidai goli, tama Genuai Bidigo augwali tau siyu, tama augwaligo augwa boi bidi dabe tigidali aiyaba elaluama, tama te boi bidi dabe deli mego te augwali aiyaba elaluainu ebo te usu meni yani.

Bomai Po 12:10

Dage te Jordan wę nogebo si da, teda Genuai Bidigo dagebolo te tǫ mawaibao, tama dage te tǫde bidimainu yaibao. Agai dage bugagia tonaluyu, tama te boi bidi dabe dage pąba me asogobeo. Tama tiyu, dage homu nagame elama bidiagameo.

Godigo Sęba Tagala Palai Bidigo Po 2:47

Augwaligo te po wabo da, “Te God da, aga dwagi yai mu da.” Tama te olo we bidi tigidali augwaligo te Jisasde homu dąų wai we bidi dabebolo wiegi yai homu yai. Tama Godigo sesemane deli deli sogo te olo we bidi dabe selama, agai po wali pabo bidi dabeba wadolobo dao.

Godigo Sęba Tagala Palai Bidigo Po 5:11

Tigidali we bidi Jisasgo po wali pabo bidi te po odali, tama augwaligo moni wi mu yalio. Te olo bidi dabego me sulama, wi mu yali.

Godigo Sęba Tagala Palai Bidigo Po 20:32

“Te megi eno dage God aga digi tonalumainu, God agai nogoba mubao. Tama Godigo dabolo hobede ebo kolesaga da olo menama tau sabo da po, te wali pogo me dage tonaluaibao. God aga usu elama, dage bomo ilaibao. God agai sa muani we bidi hani bugai homu ilabo sę elalubo da. Tama agai usu elama, te tobage sę dagebolo mawaibao.