Godigo Sęba Tagala Palai Bidigo Po 9:27 - Godigo dwagi yai po buku

²⁷ Tama te bidi Barnabas agai Sol tau sali. Agai aga odasa pelama, Jisasgo tagala palai bidi pageba tagaligi pali. “Tama agai tųdu pobadi, Genuai Bidi sabolagasali, te Solgo aga suali. Genuai Bidigo agabolo po wali.” Barnabasgo te po me wai, “Te Damaskusde Sol agai Jisasgo nogide po pusali, te aga wi me ebeo,” te po wai.

Gade chapit la Kopi

« Previous

tounen moute ⬆

Godigo Sęba Tagala Palai Bidigo Po 4:36

Te augwaligo te tobage sę ebadi, te bidi me deli bidali, agai nogi Josep. Augwaligo nogi me poai, te nogi Barnabas. Te nogi page, ‘Abagi pogo bidi tau sabo da.’ Agai hani nogi Livai, agai page bulu te Saiprus tǫde, te tamu ąį tomode elalubo tǫ dao.

Gade chapit la

Godigo Sęba Tagala Palai Bidigo Po 4:29

Genuai Bidi, augwaligo da elaibao po wai, te po nago odao. Da da, nago sę ebo bidi dabe da. Nago da bomo ilao, tama dago nago po pusubo wi egobeo.

Gade chapit la

Godigo Sęba Tagala Palai Bidigo Po 4:13

Te Pita dali Jon sigo te po tama olama, wi meni baso, te Judago po tų ebo kaunsil bidi dabe noma sai. Augwaligo odai, te bidi si skulba pabe, olo bidi si naga dao, tama tibaso, augwali noma sai. Augwaligo te sogo koneai, te bidi si Jisas dali bidai dao.

Gade chapit la

Galesia 2:13

Tama te Antiok bulude bidali Juda bage, te Kraisgo po wali pabo bidi, augwaligo me wi eyu, te Pitago yali dwai sę tiwai yai. Augwaligo koneai, te gasa hani we bidi dali nai tubo sę te Godigo gedude usu dao, dwagi yai sę dao. Tama augwaligo te tiwai koneai digi augwali te Jerusalemdu asai bidi dabe dali wi eyu, tama te Juda hani isąwai bage dali nai tubo tagalali. Tama Barnabas me, augwaligo te yali kolesagago te Barnabas aga digi kege elama, tama Barnabas agai me te kolesaga yai.

Gade chapit la

Galesia 2:9

Tama Jems dali, Pita dali, Jon dali augwali te Godigo hani bidi tomode te be ni bomo elama dolalubo tiwai bidama dolaluai, te we bidigo gedude. Tama te bidi sela augwaligo koneai, te God agai ena olo mu tau siyu, tama enabolo te sę mawai. Tama tibaso, augwaligo ena dali Barnabas dali si nogo mani. Tama nogo mayu, da tigidaligo te homu yali, te da sigo te Juda hani isiąwai we bidi tomode Godigo sę yaibao, tama augwali selago te Juda bidi hani tomode te sę yaibao.

Gade chapit la

1 Korin 15:8

Tama augwaligo sula silama, tudi badu mu aga te ena geduba me pedalai, ena te wai bǫų tiwai te aga idago te ame nesiąbo sogo ame nani.

Gade chapit la

1 Korin 9:6

Te gasa Godigo po sela pabo sę ebo bage tigidali augwaligo te Kraisde po pusubo sę sesemane sogo ebaso, tama augwa nogogo te masigi sabo sę ebo meni. Te ena me Barnabas da sigo naga te tiwai me ebo usu meniwe?

Gade chapit la

Godigo Sęba Tagala Palai Bidigo Po 15:2

Tama Pol dali Barnabas dali augwali sigo te po wabo mu hagela yali. Tama augwali sigo te Juda bage dali moni pogo wąbi hwįani, tama augwali sigo moni wado mu yali. Tama Antiokde bidali Jisasgo po wali pabo we bidi hanigo Pol dali Barnabas dali si, te bidi dabe me badu me, augwali Jerusalemba moni po miboba augwali pomainu homu yali. Jisasgo tagala palai bidi dabe me, tobolu bidi dabe me, augwali deliba sisinama, te po dodolomainu yaibao.

Gade chapit la

Godigo Sęba Tagala Palai Bidigo Po 13:2

Tama augwaligo tubo nai osogo gisilama, Godibolo nage dwagi yai da obadi, tama Godigo Dwagi Yai Mobo Bidigo augwalibolo te po wai, “Te Barnabas dali, Sol dali si te tedali sę emainu tedali muao, te eno dąį ilali sę augwali sigo emai yaibao,” wali.

Gade chapit la

Godigo Sęba Tagala Palai Bidigo Po 12:25

Te Barnabas dali, Sol dali, augwali sigo sę silama, Jerusalem taga pelama, Antiok be naniba ma sabolali. Te bidi Jon, aga nogi me Mak, te bidi si dali hodobo pali.

Gade chapit la

Godigo Sęba Tagala Palai Bidigo Po 11:25

Te nosali Barnabas te Tarsus buluba te bidi Sol gegegi pali. Tama agai gegelama, sulama, Antiok buluba odasa asali.

Gade chapit la

Godigo Sęba Tagala Palai Bidigo Po 11:22

Te Jerusalemde bidali Jisasgo po wali pabo we bidigo te Antiok bulude Godigo genuai sę mu ebo po augwaligo odalio. Tama tibaso, augwaligo te bidi Barnabas tagala palali, te bulu Antiokba.

Gade chapit la

Godigo Sęba Tagala Palai Bidigo Po 9:17

Tama te po obaso, Ananaias pelama, te beba sabolali. Tomoba pelama, agai nogo te Sol toboluba muani. Agai te po wai, “Sol, nage da eno ama dao. Tama Genuai Bidi Jisas aga digi ena nage pageba tagala palai dao. Nage te pabo tųdu edaba asobadi, Jisas aga digi nagebolo sabolali. Agai ena tagala palali, nago gedu ma dwagi yai ilimainu yai. Tama agai homugo Godigo Dwagi Yai Mobo nage tomode bidimai hagede, te sę yai,” Ananaiasgo te po wai.

Gade chapit la

Godigo Sęba Tagala Palai Bidigo Po 9:29

Tiali goli, augwaligo aga elabo sunumi gegali.

Gade chapit la

Swiv nou:

Lyen patwone

Piblisite

Godigo Sęba Tagala Palai Bidigo Po 9:27 - Godigo dwagi yai po buku

Godigo Sęba Tagala Palai Bidigo Po 9:2720 Referans Kwoze

Godigo Sęba Tagala Palai Bidigo Po 9:27
20 Referans Kwoze