Bib sou entènèt

Paj dakèy
Bib sou entènèt
Godigo Sęba Tagala Palai Bidigo Po 9:16

Godigo Sęba Tagala Palai Bidigo Po 9:16 - Godigo dwagi yai po buku

¹⁶ Tama ena digi aga ola mawaibao, agai ena nogi selasa pelama, tigidali we bidibolo pusa mawaibao, te me me sęgę, me me sęgę aga pageba asaibao,” Genuai Bidigo te po wai.

Gade chapit la Kopi

tounen moute ⬆

Godigo Sęba Tagala Palai Bidigo Po 9:16
22 Referans Kwoze

Godigo Sęba Tagala Palai Bidigo Po 21:11

Tama aga da pageba aselama, agai Polgo kugulu selama, tama Agabus aga digi nogo dabe sągą dabe kęnama, agai dabolo te po ola mani, “Dagego odao, e po Godigo Dwagi Yai Mobo Bidigo enabolo mawai po eno dagebolo obao,” wali. “E kugulu page bidi te Jerusalemde te Juda bidi dabego e ebo tiwai nogo sągą kęnama, kalabus yaibao,” wali. “Tama augwaligo aga tama tilama, te Juda hani isąwai bidibolo mawaibao, aga tigide augwaligo dwai kolesaga emainu yaibao,” Agabus agai homugo koneama, te po dabolo wali.

2 Korin 6:4

Menio. Da Godigo sę ebo bidi bidiyu, tama tede sesemane sogo dago wiegi yai kolesaga ebogo tigidali bidibolo dago ola mayu, te tiwai ebao: te haniani sęgę daba pedalubaso, tama dwai naigo da dolobadi me, tama te dabolo pedalobo dwai sogo tego da dąų obadi, te da bomo elama mu dolalubo dao. Tama tibaso, tigidali bidigo konebo dao, te da Godigo sę ebo bidi dabe mu dao.

Dwagi Yai Gesi Po Jongo Asęani 15:20

Eno tamadi wali po dagego bugagia ma koneao. Eno dagebolo te po wai, ‘Te nogi meni yai sę ebo bidi agai aga genuai bidigo nogi aiyaba elalugobeo.’ Tama te tiwai me, te tǫde we bidi augwaligo ena dali dwai sę yaligo da, teda dage eno sę ebo bage dali me augwaligo dwai sę yaibao. Tama augwaligo eno po wali pigi sogo da, te dagego po me augwaligo wali pigi dao.

1 Pita 4:14

Tama dage Krais wali pobaso augwaligo dage dali te nogi posobo dwai po weyu da, teda dage dwagi yai homu yao, God aga moni ula yai Mobo Bidi aga dage dali bugagia bidibaso.

Polgo Si Wali Pas Timotiba Asęani - 2TI 1:12

Tama tiyu, ena kalabus bidi megi bidiyu, tama te sęgę eno tolobao. Tiali goli, ena tede hale me egobeo. Menio. Ena da, te eno Godiba homu tia pai bidi da weyu, te aga eno konebaso hale egobeo. Tama eno koneani, agai ena nogoba te muani sę te agai mu tonaluyu, tama te sesemane sogo bugagia bidada peyu, te genuai bodolu pedalubo sogoba usu nigi pabo aga usu yaibao, te sę hagagobeo.

Matyu 5:11

“Tama dagebolo sęgę mabo bidi dabe augwaligo suali dagego ena wali pabo subaso da, te augwaligo dage dali dwai posobo po weyu, tama dene mobadi augwaligo te kedu meni yai tibo po haniani weyu ebaso da, teda dage homu pemene wiegi yai yao.

Matyu 24:9

“Te tebo sogo augwaligo dage selama, dene ilama, sęgę mobadi yaibao, tama augwaligo dage ela muaibao. Tama tigidali we bidi hani augwaligo dwai homu mu dagebolo yaibao. Magi baso meni, eno nogi dagede elalubaso augwaligo dage dali tama tiaibao.

Polgo Si Wali Pas Timotiba Asęani - 2TI 3:11

Te bidi dabego dwai kolesaga ena dali ebo tigidali te nago koneani, tama tigidali dene ena te bulu Antiokde me, Aikoniamde me, te Listrade me sai. Te tigidali sęgę augwaligo enabolo menama tama eno te sęgę tolobo nago koneanio. Tiali goli Genuai Bidigo ena tau siyu, tama te sęgę tigidali agai sila palali.

Godigo Sęba Tagala Palai Bidigo Po 21:4

Tama pelama, Jisasgo po wali pabo hani gegelama, augwali dali bidibadi, Sabat deli bidali. Tama te sogo Godigo Dwagi Yai Mobo Bidigo augwalibolo po me deli wali. Augwaligo Polbolo te po tama wali, “Te nage Jerusalemba pelamuo,” wali. “Augwaligo nage elabuo,” wali.

Kraisgo Geme Dualali Sę Pedelabo Po Jonbolo Ola Mani 1:9

Ena Jon, ena duga ama dao. Ena dage dali hodobo te Jisasde wadolama, tama da deli hani elalubaso, tama gasa bage augwaligo dabolo dene dali, sęgę dali mayu elama, tama da tigidali hodobo bomo elama dolaluyu, sęgę bugagia tolobo dao. Tama ena Godigo we bidi tonalubo sę tomode dage dali hodobo bidibao. Tama eno te we bidi dabebolo Godigo po dali, te Jisasgo hania hanilali mu po dali, te po si augwalibolo pusubaso augwaligo ena sela sąnama, ena te tamu ąį tomode elalubo dwasianu tǫ nogi Patmos teba kalabus mugi pali dao.

Godigo Sęba Tagala Palai Bidigo Po 9:14

Tama te pris tobolu bidi dabe augwaligo agabolo pas asęna manio, te aga Damaskus aselama, te agai nago nogi wabo we bidi da kalabusiba muainu,” te po wai.

Aisaia 33:1

Dage te gasa bulu dabe dolobo hani, dage dolaibao. Te mu tama, dage me dolobe dao. Tiali goli, dagego gasa bulu dabe dolobo bodolu sia saibao. Tama duga digi duga dolaibao. Dagego te gasa hani dabe ili po walama, tama dagego te po mia selama, tama dagego augwali te boi bidi dabego nogoba mubo dao. Te mu tama, te gasa hanigo da dage me ili po me ola masiąbadi goli. Tiali goli, dagego te gasa bidi dabe ili po wabo sogo te sia saibao. Tama te gasa bidi dabego dage ili po olama, tama dage te boi bidi dabego nogoba muaibao.

Godigo Sęba Tagala Palai Bidigo Po 9:6

“Megi nage hogodama, Damaskus hanu tomoba pao. Tama bidi me deligo agai te nago sę yabo po ola mawaibao,” te po wai.

Godigo Sęba Tagala Palai Bidigo Po 14:22

Augwali sigo te Jisasgo po wali pabo we bidibolo dwagi yai po mobo mani, augwaligo Jisas konealubo homu dąų walomainu. Augwali sigo te genuai po ola mawai, “Dago te Godigo tųdu pobadi, gasa we bidi augwaligo dabolo haniani sęgę mawaibao, tama nosali Godigo da tonalubo buluba da sabolaibao,” te po wai.

Godigo Sęba Tagala Palai Bidigo Po 21:13

Tama tiali goli, Polgo te po wei ponoyu te po wali, “Magi baso dage gela obawe? Dagego gela wagio. Tama dagego te homu sęgę ena magio. Suao, ena Jerusalemba pobao. Tama augwaligo ena kalabuside mubaso da, eno wi menio. Eno Genuai Bidi Jisasgo po pusa mobadi, augwaligo homugo ena elabo homu ebaso me, elemainao,” te po wai.

Swiv nou:

Lyen patwone

Piblisite

Piblisite