Godigo Sęba Tagala Palai Bidigo Po 8:31 - Godigo dwagi yai po buku

³¹ Tama te gavman bidigo te po wei ponai, “Tama tiali bidigo enabolo te po page ola masiąyu da, eno konegobeo. Tama nage te karisba holama, ena dali dugayagasao,” te po wali.

Godigo Sęba Tagala Palai Bidigo Po 8:31 Referans Kwoze

Polgo Po Pas Rom Dabeba Asęani 10:14

Tiali goli bidi me deligo te Juda dabede enabolo te po waibao, “Te augwaligo konealubo po Kraisba hasia dąų me wasiąbaso da, teda augwaligo agaba gedu haluasa po olama i wagobeo. Tama augwaligo agade po me odisąyu da, teda augwaligo konealubo po agaba dąų wagobeo. Tama te bidi me deligo po te augwalibolo me pusisąwani da, magi ilama augwaligo agade po odaibawe?

1 Korin 8:2

Te bidi me deligo agai te nai me deli mu koneani homu ebaso da, teda te bidigo koneani kolesaga sǫą pali, te usu yabo me elalubao.

Jems 1:21

Tama tibaso, dage deli deligo aga me ebo dwai dwai kolesaga tigidali mu sela sąyao. Tigidali dwai sę ebo homu me te tagalama, te tobage sęde digibulu bidao. Tama duga digi duga nogi aiyaba elaluao, te Godigo po dagego homude bulali po sao. Te po aga digi usu elama, dage tau siyu ma saibao.

Jems 1:10

Tama dage doado bage nai hauwa munalubo bidi dabe, dage me dwagi yai homu yao, God agai dage nai meni yai bidi tiwai bidimainogo yaibao. Te magi baso menio. Te nai hauwa munalubo bidi aga te noswai wiegi yai holobo tiwai elama, tama nosali te noswai ma isibo dao. Tama te tiwai te nai hauwa munalubo bidi isiyu tama tiaibao.

1 Korin 3:18

Tiyu te bidi me deli agade digi tibo po ola mayabuo. Te dage tomode bidi deli agai te e tǫde homu kolesaga wali peyu tama te tiwai homu eyu, ‘Eno kolesaga koneai elalubo,’ aga te homu eyu da, teda aga hasia bolo aga te tǫde we bidigo gedude te wabo pabo bidi tiwai pedalao. Tama tiyu aga te Godigo gedude te kolesaga koneai bidi mu pedalaibao.

Dwagi Yai Gesi Po Makgo Asęani 10:15

Eno mu po dagebolo obe dao, te bidi me deli aga te dwasianu wai puluba tiwai gagayu, te God bidibo madi tomoba pabo homu me isiąwani bidi, aga te tomoba painu ebo usu me egobeo. Mu menio,” te po wai.

Aisaia 35:8

Tama genuai sunumi me deli te badu elalueibao. Te genuai sunumi nogi e tiwai waibao, “Godigo Tedali Gasagi Yai Genuai Sunumi Digi Dao,” wai. Te God gedude wiegi yai isąwani bidi dabe, augwali te sunumide me biligobeo. Mu menio. Te Godigo we bidi dabego sunumi naga elalueibao. Te homu kolesaga meni yai bidi dabe, te augwali te pąba me pogobeo.

Godigo Nogi Ugwaba Sabo Tęąbi Po Wabo Buku Dabe 73:22

Tama eno homu te pania selama, tama eno nago kolesaga me konesiąwai. Eno te nago gedude kolesaga yali, te uni hasago homu kolesaga umuna pabo tiwai ilali.

Te Israel me Juda Hani Sigo Tuni Bidigo Po Elalubo Buku Si 5:26

Tiali goli, Elisago te po agabolo wali, “Menio, nago tibo po wabuo. Nago homugo da, eno nage subewe weyu obawe, a? Eno mobo nage dali bidibadi, tama eno sulali da, te bidi te kibu karisde duga yali tagaluyu, nage pageba asobo sualio,” wali. “Gehasi, megi da, te mone selama, te holobo ugwa me, me te oliv gi me, tama me te wain gi me, tama me te sipsip kibu me, tama me te bulmakau dabe me, tama me te sę bidi dabe me, me te olo sę we dabe me, te abelabo sogo megi menio.

Te Israel me Juda Hani Sigo Tuni Bidigo Po Elalubo Buku Si 5:9

Awe, kingo Namanbolo te po wai, tama Naman aga te kibu hosgo kegebo karis nai Naman aga tede dugulasa pali. Te me badu karis me te bidi aubo hos kibu me aga dali augwali hodobo pali. Tama augwali hodobo tama pelama, te Elisago be tųba sabaligi pali.

Godigo Sęba Tagala Palai Bidigo Po 8:30

Tialima te bidi Filip udulama, pąba pali. Te bidigo te Godigo po pusa mani bidi Aisaiago po asęai buku nedada pabo odali. Tama agai hanalu wali, “Nage te nedebo po page nago koneaniwe?” wali.

Godigo Sęba Tagala Palai Bidigo Po 8:32

Te bidigo te bukude nedebo po Filipgo koneama, tama dao, te po wai, “Augwaligo te kibu sipsip elai hagede, sela pabo sogo hwa wabo menio. Te tiwai te bidi agai hwa wabe. Augwaligo te kibu sipsip wai selama, nisi togwai hagede baso, te kibu sipsip wai dabe hwa wabo menio. Te tiwai te bidi agai hwa wabe. Agai po me wabe.