Godigo Sęba Tagala Palai Bidigo Po 8:26 - Godigo dwagi yai po buku

²⁶ Te Godigo ensel bidi me deligo Filipbolo te po wai, “Nage sisi elama, te saut eba pedai badu soao, te Jerusalem pabo tų tagalama, te bulu nogi Gasa teba pabo tųba pao,” te po wai. Te pabo tų te kemi tǫ naga bega palai elalubo bulu da. Te sunumi te bidi meni yai badu elalubao. Tama tibaso, Filip aga sisi elama, polo pali.

Godigo Sęba Tagala Palai Bidigo Po 8:26 Referans Kwoze

Godigo Sęba Tagala Palai Bidigo Po 5:19

Tiali goli, te hulide Godigo ensel bidi deligo te kalabus be tų dayagasali. Tų dayagaselama, te Jisasgo tagala palai bidi dabe buluba tagala palama, augwalibolo te po wai,

Hibru 1:14

Te ensel mobo bidi dabe augwali da, te noma bidi, tama augwaligo te Godigo sę ebo dao. Te Godigo augwali tagala palaibao, te aga augwaligo sęgę sali sela sąnama ma sainogo ebo we bidi dabe tau somainogo tebo dao.

Godigo Sęba Tagala Palai Bidigo Po 27:23

Megi piali hulide Godigo enabolo po me olama, todalio. Te God eno agabolo lotu weyu, eno agai sę eyu ebo da. Te Godigo enabolo agai ensel bidi me deli ena pageba tagala palali.

Te Israel me Juda Hani Sigo Tuni Bidigo Po Elalubo Buku Si 1:3

Tiali goli, te Genuai Bidigo po sela pabo ensel bidigo te profet bidi Elaija te Tisbe taun hanude bidibadi e tiwai po wali, “Tama nage pelama, te Samaria king bidigo te taun Ekronba tagala palali bidi dabe nago augwali tiąba pelama, tama nago augwalibolo e tiwai po tama wao, ‘Magi baso te dagego homugo Ekron augwaligo tibo god Balsebup hanalugi sobawe?’ wao,” wali. “‘Tialima, Israel bidi dabeo, dage dali God bidibewe?’ wao,” wali, “‘tibaso dage sobawe?’ wao,” wali.

Godigo Sęba Tagala Palai Bidigo Po 12:23

Tama Herot agai Godigo nogi ugwaba sisąbaso, Godigo ensel bidi me deli agai Herotgo tigide elali. Tama te dwai gasi agai tigide pedelama, te dwai osoganigo agai tigide tudu pedelama, te nosali aga mu isali.

Godigo Sęba Tagala Palai Bidigo Po 10:22

“Dage magi pogo asaliwe?” wali. Augwaligo te po wei ponoyu, te po wali, “Te Rom ami genuai bidi nogi Kornilius, agai da nage pageba tagala palali. Te bidi da, aga dwagi yai bidi mu. Agai tigidali sogo Godibolo lotu po wabo bidi dao. Te Juda we bidi tigidali augwaligo agai nogi ugwaba sabo dao. Godigo dagalude sę ebo ensel bidi me deligo agabolo te po wai, ‘Nago Pita i olama, tama aga nago beba asomainao, Pitago wabo po nago odomainu tama yao,’ te ensel bidigo te po wali,” augwaligo te po wai.

Godigo Sęba Tagala Palai Bidigo Po 10:7

Te po olama, aga pali. Tama Korniliusgo aga bede sę ebo bidi si me i wali. Agai te ami bidi me deli me i wali, te bidigo Godibolo lotu po wabo bidi. Te bidigo Kornilius tigidali sogo mu tau sali.

Sekaraia 9:5

Tama te Askelon we bidi dabe augwaligo te tiwai sę tede pedalubo dabe sulama tama augwali wi yali. Tama augwali me dolama, tama nosali augwaligo bulude te bidi dabe meni yai. Te gasa bulu bidi dabego me te genuai sęgę augwaliba pedalubo sulama, te augwaligo king bidi isaibao. Te Ekron bulu bidi dabego sulama, te sęgę tiwai augwali me saibao. Augwaligo homugo te Tair dabego augwali tau saiba homu yaibao. Tiali goli, menio. Te augwali mu hagawaibao.

Josua 15:47

Asdot me Gasa tede te hanu me te bulu dabe dali elaluali, te Isip dwasianu wę sesegede, me te Mediterenian Tamu Ąį te wę si pąde elalua pali.

Tuni Bidi Dabego Po Elalubo Buku Deli 22:16

te tama nai dabego haniani nai nigibo koneai bidi hauwa elalubao. Nago sę hodolao, tama te Genuai Bidi nage dali bidaibao,” Devitgo te po wali.

Josua 13:3

te tǫ te dwasianu wę Sihor te Isip tǫ sesede elalubo, tedu gagalasa, te palio olama, te Eklon tǫ bogo baduba dąį igi pelama, hasia bolo te Kenan dabe bidaluai madi. Te Filistia dabe tonalubo bidi dabe te bulu Gasade me, te Asdot, me te Askelon, me Gat, me Eklon, me tama te Av dabego moni tǫ te giliga dega sabo bogo badu elalubao.

Tigidali Nai Gagalama Nigali Side 10:19

Tama Kenan dabe bidali tǫ dąį te Saidon tedu gagalama, tama pelama, te Gerar tǫba dąį igi pai, tama te Gasa nogi wabo tǫ te pedai badu me dąį igi pali. Tama sesegedu begelama, te Sodomba, me Gomora, me Atma, me Seboim, te hanu dabeba sabaligi palima, tama pelama, te tǫ Lasa teba sabaligi pai.

Godigo Sęba Tagala Palai Bidigo Po 8:5

Me bidi nogi Filip, agai te Samaria buluba dulama, tama agai te we bidi dabebolo te po wai, “Te Jisas da, Godigo we bidi tau somainu sa muai bidi Krais dao,” te po wai.

Godigo Sęba Tagala Palai Bidigo Po 8:29

Tama Godigo Dwagi Yai Mobo Bidigo te Filipbolo te po wai, “Nage te kibu hos kegasa pabo te bidi dulalubo karis pąba pelama, bidao.”