Godigo Sęba Tagala Palai Bidigo Po 8:24 - Godigo dwagi yai po buku

²⁴ Te bidi Saimon agai Pita dali Jon sibolo te po wai, “Dage sigo Genuai Bidibolo po wao, ena tau somainu, nago wali po ena pageba aselama, ena dolidali,” te po wai.

Godigo Sęba Tagala Palai Bidigo Po 8:24 Referans Kwoze

Israel Hanigo Namba 21:7

Tama te we bidi te Moses pageba aselama, e tama po wali, “Dago sęgę polo salio, te dago Genuai Bidi dali, me nage dali wado po walide. Megi nago Genuai Bidibolo gedu haluasa po wao, agai te gula mani sela sąmainao,” wali. Tama Mosesgo te we bidi tau somainogo Genuai Bidibolo gedu haluasa po wali.

Ma Dobola Sali 8:8

Tama tuni bidigo Moses de Aron si i olama, asobode augwali sibolo te po wai, “Dage sigo Genuai Bidibolo gedu haluasa po olama, agai te gedeli dabe da tigide bidibo sela sąmainao, tama eno nago we bidi pomainogo tagala paliyu, tama augwa Genuai Bidibolo ofa magi pomainogo yaibao,” wali.

Jems 5:16

Tama tibaso, dagego duga dwai sę yali te duga ama dabebolo pusao, te duga hasi tau somainogo Godibolo te po hanalu wao, te God agai dage dwagi yai ma usu ilimainogo yao. Tama tiyu, te doloba pai bidigo gedu haluasa po wabode bomo elaluyu, tama agai te gedu haluasa po wabogo te we bidi tau sabo sę ebo usu yaibao.

Jopgo Po Asęani Elalubo Buku 42:8

Tama tibaso, dagego kau kibu omai nogo a naga, me badu si sobadi, kibu sipsip a naga, me badu si sobadi, tama elama, tama eno sę bidi Jop pageba sela pao. Tama dagego augwali elama, tama ofa nai iside sese tama ulao. Tama Jopgo enabolo gedu haluasa po olama, tama eno dage dolabo homu yali tagalaibao. Teda eno agai gedu haluasa po wabo odaibao. Tama eno dagego te wali dwai po dabe usu nama, dagebolo dene me magobeo. Magi baso meni. Dagego eno ebo sę po dolo pusubeo, te eno sę bidi Jopgo pusali yali gilama,” Genuai Bidigo Elifasbolo wali.

Te Israel me Juda Hani Sigo Tuni Bidigo Po Elalubo Buku Deli 13:6

Tama tialima, te king Jeroboamgo te profet bidibolo e tama po wali, “Eno homugo nago te Godibolo gedu haluasa po wao,” wali, “naga Genuai Bidi Godibolo wao, tama agai ena tau selama, tama eno nogo ma gesa somainao,” wali. Tama tialima, te profet bidigo te gedu haluasa po wabode te Godigo te king bidi nogo dwagi yai ma ilama, tama te kingo nogo te polobadu tiwai ma ilai.

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.

Ma Dobola Sali 12:32

Tama te kibu sipsip, me meme, tama te kibu bulmakau me selama, tama te Isip mu tagalama, dagego polobadu wali po tiwai eyu pao. Tama nago gedu haluasa po Godibolo obaso, agai ena dwagi yai ilimainao,” te Isip tuni bidigo augwali sibolo te po wai.

Ma Dobola Sali 10:17

Tama dage sigo eno sęgę megi deli sogo digi ma sela sąyao. Tama dage sigo Godiba gedu haluasa po weyu, tama dagego Genuai Bidi agabolo hanaluyu, tama te dwai naigo ena dolainogo ebo te sela sąmainao.”

Tigidali Nai Gagalama Nigali Side 20:7

Tiali goli, megi nago te we aga bidiba ma tagala palao. Te bidi aga te eno po pusubo bidi profet dao, te agai gedu haluasa po weyu da, te nage me isigobeo. Te nago te we ma tagala palisiąwani da, teda nage me, te naga bidalubo tigidali we bidi dali, mu isila paibao,” Godigo te po wai.

Esra 8:23

Tialima, dago te osogo nai gisilama tama gedu haluasa po bomo elama, Godiba weyu, te agai da te sunumidu pabo tonalumainu emainao, tama agai dago te gedu haluasa po wali odolama, tama agai da bugagia tonaluali.

Esra 6:10

Dagego te tama tibaso da, teda te augwaligo te augwa dagalude bidibo Godiba te wiegi yai ofa ebaso, tama te agai wei eyu godolo homu mu yaibao. Tama augwa te Godiba gedu haluasa po weyu, te enaba me, te eno ogwa dabeba me, te bugagia bidimainu te tama tiaibao.”

1 Samuel 12:19

Tama teyu, te we bidi dabego te tiwai po Samuelbolo wali, “Genuai bidio, dago homugo te nago gedu haluasa po te Godiba omainu homu ebao, te dago Genuai Bidibolo, tama agaba hanalu, te dabolo olo mu tau sabo wiegi yai homu kolesaga emainao, teda da isimainu me egobeo. Dago te dwai sę hauwa yali, tama megi dago koneani, dago te gasa sę me ma eyu, te dago nageba hanalu, te king me deli sa muyu nigilao po wali sogo, te sęgę me dago salio,” augwaligo te po wai.

Tigidali Nai Gagalama Nigali Side 20:17

Yawego te Abimelekgo hanide te tigidali we sibi haliga palia silama, te augwaligo wai ame nabo usu isiąwani. Agai tama tiali, te Abimelekgo te Abrahamgo we Sarabolo yali, te kolesaga wei ponoyu, tama tialio. Tama Abrahamgo Godibolo gedu haluasa po olama, tama Godigo Abimelek usu ma ilali. Tama Godigo Abimelekgo we me usu ilibadi, te aga sę ebo we dabe dali usu ilama, tama augwaligo wai ame nabo usu ma yai dao.

Jeremaia 37:3

Me sogo deli sogo king Sedekaiago Jehukal tagala palali, te Selemiago ogwa, te pris Safanaia dali, te Maseago ogwa, te profet Jeremaia sugi pelama, agabolo te tiwai po wali, “Kingo homugo nago te Godiba gedu haluasa po omainogo yali, te dago Genuai Bidi dao, te agabolo hanaluama, te da tigidali bugagia bidainogo obao,” wali.

Jeremaia 42:2

te Jeremaia bidibo madiba pali. Te augwaligo agabolo te tiwai po wali, “Edao, te nago Genuai Bidi Godiba nago gedu haluasa po weyu, te agabolo hanalu, te da dwasianu hani we bidi tau somainogo yao. Polobadu da hauwa elaluali, tiali goli megi nago suali, da dwasianu hani naga bidibao,” wali.