Biblia Todo Logo
Bib sou entènèt

- Piblisite -




Godigo Sęba Tagala Palai Bidigo Po 7:45 - Godigo dwagi yai po buku

45 Nosali dago wąį augwa ogwago te ugwa be selama, te tobolu bidi Josua wali pelama, gasa hanigo tǫ sali. Godigo augwali tau selama, te tǫ sai. Tama te ugwa be tede elalubadi, genuai bidi Devit bidibo sogo te be me elaluali.

Gade chapit la Kopi




Godigo Sęba Tagala Palai Bidigo Po 7:45
20 Referans Kwoze  

Nago digi te Israel hani isąwai bage te augwa tǫde sela sąnama, tama nago te tǫ te da Israel bagego wąį nǫų dabeba mani, tama augwali tede bomo elalu bidali. Nago te gasa hani dabego yali dwai kolesaga wei ponani, tiali goli nago te dena wąį nǫų dabe te bugagia bidimainu elama, tama hauwa umabo we bidi pedalumainu yai dao.


Tama Godigo te Kenan tǫde bidali hani a nogo olama, me badu nogo si wagi solama bidai bidi hani ela silali. Tama ela silama, Godigo te tǫ te Israel hanibolo mani.”


Te da asali sogo, Genuai Bidigo te tigidali hani bage ela gudulubo sę yali, te Amor dabe dali, augwali te e tǫde bidibadi tiali. Tama tibaso, dago me te Genuai Bidiba lotu waibao wali. Aga deli naga te dago God dao,” augwaligo te po wai.


“Genuai Bidigo te genuai bidi dabe me, te bomai we bidi hani me, sela sąyu ela gudulama, tama mena bidi me deli te aga bomo elama dolalu, te dage me sela sąbeo.


Te Israel dabe augwaligo boi hwįnama, te tigidali bulu bidi dabe aiyaba elaluama, tama augwa hani tigidali te Siloba sisinani. Tede augwaligo te God dali sisinabo lotu be, te ugwa be, te augwaligo dodolama muai.


Te polobadu te tobolu bidi Josuago te Israel we bidi augwali te Godigo mawaibao wali toma nabo pesage tomoba selasa pigi sogo da, teda Godigo nosali te gasa sogode me da po wagi menio.


Agai te gasa hani dabe te aga hani dabe asobo si, te augwali sela sąwani. Tama agai te tǫ te Israel hani dabeba doba yali. Tama agai augwali te augwa ugwa be dabede bugagia bidimainu yai dao.


Tama augwaligo te Kenan hani bidi dabe dali te boi hwįani sogo, nago digi te Kenan dabe aiyaba elalumainu ilama, tama te bulali wąį nǫų dabego te tǫ somainu yali. Tama augwaligo te hani aiyaba elalubo sogo, tama nago te augwa homu kolesaga wali pomainu elama, tama te we bidi dabeba dene mabo sę dwai ilali, tama te Kenan tǫ king dabeba me te dwai mu yai dao.


Te sogo, te Genuai Bidigo sel ugwa be me te agaba ofa ebo alta dabe, te lotu wabo pesage mu te Gibeon taunde elaluali. Polobadu Mosesgo te sel ugwa be sę yani te Israel dabe augwali te tǫ wa pai bulude bidali sogo te tobage be sę yai dao.


Tama Devitgo te pris Sadok aga ama dali dąį ilali, te gasa pris dabe, te Gibeon taunde elalubo sel ugwa bede lotu wabo sę tonalumainu yalio.


Tama te meba pris me Livai dabe daligo te Genuai Bidigo ugwa lotu be, me te Godigo nai da weyu sa muani te ugwa bede muani doado bage me selama, tama te Genuai Bidigo tempel be pąba selasa pali.


Te polalubo bidi te hetman dabego te po wali silibo side, teda te ami bidi dabego te bidi meba Siloba tagala palama, tama augwaligo te Dąų Wali Bomai Po Munalubo Halobage te Genuai Bidigo Tigidali Bomo Elalubo, te halobage sigi pomainu tagala palai. Te halobagede te ensel bidi noma nigali elalubo, te ugwadu daide elaluai, tama te Genuai Bidi king duabo sia sai tiwai elaluai. Tama augwaligo te halobage sela asobo sogo da, teda te Eligo ogwa si, Hopni me Finias sigo te Dąų Wali Bomai Po Munalubo Halobage sela asobo tonalua asu, te bidi dabe dali asai dao.


Tama te Maikago tibo god dabe tede elalubadi, te Godigo ugwa be te Silo bulude elaluai dao.


“Nage te Moap dabego bulu du te Abarim bulu duba dabe pao. Te bulu du dabe te Jordan wę pąde elalubao, tama Jeriko hanu te ąį u badu dolo si elalubao. Nage te bulu du Neboba holama, tama eno dage Israel dabebolo mawainogo ebo te buluba tonao.


Polobadu nago te ni wain deli te Isipdu selasa asali. Tama nago gasa hani dabe te tǫde sela sąnama, tama nago te ni wain te augwaligo tǫde bulai dao.


tama Elisama te Nungo aya, tama Nun te Josuago aya dao.


Swiv nou:

Piblisite


Piblisite