Godigo Sęba Tagala Palai Bidigo Po 7:42 - Godigo dwagi yai po buku

⁴² Tialima, te sę ebaso, Godigo augwali tudiba ilalio. Godigo augwali tagalama, ‘Giliga dede, polua dede, hǫ dede, te naibolo lotu po emainao,’ Godigo te homu elama, sula tagalali. Augwaligo te sę yai hagede, Godigo po pusubo bidi dabego te po nosali asęani, ‘Godigo te po wai, “Dage Israel we bidi odiąo. Dage te bidi meni yai bulude bilidubadi, kibu be bidi si nogo sągą sese silali. Tama te sogode dagego hasa hauwa mu elama, lotu po olama, dagego enabolo te lotu po wabe.

Godigo Sęba Tagala Palai Bidigo Po 7:42 Referans Kwoze

Esekiel 20:39

“Te dage Israel hani da, ena, God Genuai Bidi, eno te tama po te dageba obao, te dagego homu godolo ebo wida, dagego duga te tibo god dabe wali pao. Tegobao, te dagego godolo yali homu simina ela siminao. Tiali goli, dagego te tiwai ebaso da, teda nosali dagego eno po odoyu, mu wali paibao. Dagego te duga tibo god dabeba ofa eyu, eno nogi da aiyaba munu me elalugobe dao,” wali.

Bomai Po 4:19

Tiyu dagego dagalude elalubo subo nai dabeba lotu po waidalio, te giliga, me polua, me hǫ dabeba lotu olamuo. Menio. God dago Genuai Bidigo te gasa we bidi dabego te nai dabeba lotu omainu sula tagalai dao.

Aisaia 63:10

Tialima, te augwaligo agaba hagoma eyu, te agai homu ogwa wai mobo te haliga sęgę mu ilali. Tama tibaso, aga digi augwaliba boi bidi elama, te augwaliba hwįani.

Godigo Sęba Tagala Palai Bidigo Po 7:36

Moses te Isip bulu nosali taga pelama, polasa peyu, te tigidali Israel we bidi nosali aga wali asalio. Tama te Isip bulude me, te mama tamu ąį sesegede me, te bidi meni yai bulude me, tede bidi noma sabo bomai sę mu hauwa yali. E sę dabe edubadi, kibu be bidi nogo sągą sese si 40 yia silali.

Hosea 4:17

Te tibo godigo te Israel dabe kegalio. Tagalao, te augwa homu wali pomainao.

Esekiel 8:16

Tialima, agai ena te aga be sunumi dolo pąba sela palio. Te pesagede, te alta me sunumi si tomode, te 25 bidi bidali. Augwaligo te be tudiba ilama, te giliga pedaluboba tonalualio. Te augwa bogoli sugunama, te gesabidi tǫba pǫgulama, te giliga geba lotu wabo sę eyu tama yalio.

Aisaia 66:4

Te pagede tama te augwaligo tolabo sęgę eno sa muani, augwa te wi mu ebo sęgę dao. Magi baso meni, eno augwaliba i obadi, te eno i wabo augwaligo wei ponobeo. Te eno po me augwaliba pusubadi, tiali goli augwa wali me pabeo. Menio. Augwa eno po sela sąyu, te eno gedude dwai kolesaga naga yali, te eno godolo homu isąbo kolesaga dabe mu dao.”

Josua 24:20

Tama mu tama, agai polobadu dagebolo wiegi yai sę mu yali, tiali goli te dagego Genuai Bidi tagalama, tama te gasa hanigo tibo Godiba lotu po obaso da, teda Genuai Bidigo po wado po olama, tama agai dage dene ilama, tama agai dage dolaibao,” te po wai.

Esekiel 20:25

“Tama me, eno gasa tobage po me te dwai bomai po meba augwaliba mani, te bomai pogo augwali tau selama, bugagia me bidigobeo wali.

Godigo Nogi Ugwaba Sabo Tęąbi Po Wabo Buku Dabe 95:10

Eno te hani we bidide dwai haliga iduali, te kibu be bidi sese siba usu nai. Tama tibaso, eno te po wali, augwa hagoma mu yali. Augwaligo te eno wali pabo homu me isiąwai.

Te Israel me Juda Hani Sigo Tuni Bidigo Po Elalubo Buku Si 21:3

Te king Manase agai te dwai haniani kolesaga naga tama yali. Tama agai te tibo god dolo lotu po wabo pesage ma nigibo sę yali, polobadu aga ayago, te king Hesekiago, sela sąyani pesage. Tama agai te tibo god Bal dolo lotu po wabo pesagede agai te alta sai nigibo sę yali. Tama agai te tibo god we nogi Asera noma nigibo sę yali, te polobadu te king Ahapgo yali tiwai, te Israel hanigo king bidi, te agai te sę yai, tama me te agai te dagalude elalubo hǫba lotu po wabo sę iduali.

Te Israel me Juda Hani Sigo Tuni Bidigo Po Elalubo Buku Si 17:16

Tama augwaligo te Godigo bomai po tigidali sela sąyani, augwa Genuai Bidigo po. Tama augwaligo te gol selama, te bulmakau kibu omai si nigilama, tama augwaligo te kibu noma siba lotu po wali. Tama me te tibo god we Asera noma nigaliba lotu po weyu yali. Tama me te augwaligo te dagalu hǫba lotu po wali, tama me te tibo god Balba lotu po weyu yali.

Bomai Po 17:3

Teda agai Godigo bomai po sela sąnama, tama agai te tibo godiba lotu po waibao, te giligaba lotu weyu, o te poluaba lotu weyu, o te hǫba lotu weyu yaibao, tama agai te nai dabe wali peyu tiaibao.

Aisaia 43:23

Te dagego haliga homu kolesaga enaba beaga sisąma, te dagego haniani ofa ebo sogo tama tibao. Te dagego te sipsip dabe te tigidali siaba mu uluyu, ofa tiwai ebo sogo, tama dagego te tobage awi te denami ebo nai abelama, te agaba ofa ebo sogo, te dagego te kibu hasa ili hauwa pesage holama, te ofa tiwai eyu ebo sogo, te dagego enaba homu kone palama, te ofa dabe ebeo. Eno dageba te sęgę mayu, te dageba po bomo eyu, dagego te wit ofa me, te wiegi yai denami ebo hano ebo ofa me, sesao po wabe, tama te sę dene ebaso, te dagego enade hagela homu ebeo. Mu menio. Tiali goli, dagego genuai sęgę enabolo menama, tama ena dagego te dwai sę ebode, me haniani dwai kolesaga ebode hagela mu ebo dao.

Hibru 3:9

Tama Godigo te po wai, ‘Tede dagego wąį nǫų dabe augwaligo eno yali bomai sę tigidali te kibu be bidi sese si tede usu nama augwaligo suai. Tiali goli te sula tagaliyu, augwaligo ena usu mu sai.

Jeremaia 8:2

Te Juda dabego te giliga, me polua, me hǫ dabe, te godolo homu mu yalio. Tama augwa te nai dabeba kidu sugunama, gedu haluasa po augwaliba weyu, te augwali tau somainu augwaliba hanalu wali. Te augwaligo te tobage kolesaga dabe augwaliba lotu weyu ebo sę dabe yali. Tama tibaso, te boi bidi dabego te Juda dabego tigi dili dabe selama, te tǫba sąyu, te yowigo di tabo tiwai yaibao. Te giligago, me poluago, me hǫ dabego te tigi dili sueibao. Tama te dili dabe selama, te ma pubulabo bidi dabe meni yaibao.

Dwagi Yai Gesi Po Jongo Asęani 6:45

Te Godigo nosali yabo sę po pusa mani profet bidi dabe augwaligo te po asęani, ‘Godigo tigidali we bidi ola mawaibao.’ Mena bidi me Ayago po odolama, tama koneama, te bidi ena pageba asobo dao.

Godigo Sęba Tagala Palai Bidigo Po 13:40

Tama dage dua dao. Te Godigo po polobadu pusa mani profet bidi dabe augwaligo wali po dage pagede mu pedalidali weyu, dua dao.