Godigo Sęba Tagala Palai Bidigo Po 7:36 - Godigo dwagi yai po buku

³⁶ Moses te Isip bulu nosali taga pelama, polasa peyu, te tigidali Israel we bidi nosali aga wali asalio. Tama te Isip bulude me, te mama tamu ąį sesegede me, te bidi meni yai bulude me, tede bidi noma sabo bomai sę mu hauwa yali. E sę dabe edubadi, kibu be bidi nogo sągą sese si 40 yia silali.

Godigo Sęba Tagala Palai Bidigo Po 7:36 Referans Kwoze

Ma Dobola Sali 14:21

Tama Mosesgo nogo ugwaba selama, tama tamu ąį hulide usu sai, tama Genuai Bidigo bomai wali te sia ge pedalobo badu asiyu pedelali, tama te waligo te tamu ąį te sia ponobo tiwai edubadi, tama be posai. Tama waligo te tamu ąį ma sela sąbode, tama tamu ąį tomode si peda pai.

Ma Dobola Sali 12:41

Tama te sogo mu dolo augwali Isip tǫde bidali kibu be bidi sese hauwa 430 mu bidama, tama Genuai Bidigo Israel hani dabe we bidi augwaligo te Isip tǫ taga soai.

Ma Dobola Sali 33:1

Megi da, Genuai Bidigo Mosesbolo e tiwai po wai, “Nage dali, te nago Isipde odasa asali we bidi me, dagego e bulu taga peyu, tama eno dagebolo po dąų weyu, dagebolo te mawaibao wali, te buluba piąo. Polobadu eno Abrahambolo, me Aisak dali, me Jekop dali, te tiwai po wai, ‘Tama eno te tǫ te duga hani wąį nǫų dabe augwalibolo mawaibao,’ wai dao.

Ma Dobola Sali 16:35

Tama Israel dabe augwaligo te nai mana te kibu be bidi sese side 40 tuai. Tama te kibu be bidi sese si silama, tama nosali augwali te bulu tǫ Kenan teba pedelama, tama augwali te tǫde bidiyu, gi sę yai.

Hibru 8:9

Te megi e sogo te dąų wabo gesi po polobadu eno te augwa wąį dabe dali dodolama dąų wali po tiwai me ebeo. Menio. Polobadu te eno augwali te Isip tǫ taga somainogo te eno augwali nogo bugagia tulama soali sogo te eno augwali tau sabo po dąų wai. Tiali goli augwaligo eno augwalibolo mani dąų wali po te pode augwaligo augwa homugo kęą pisiąma tama te po wali me pabeo. Tama tibaso, augwali eno tudiba munama tagalali,’” Genuai Bidigo te po wai.

Godigo Sęba Tagala Palai Bidigo Po 13:18

te kemi tǫ bidi meni yai bulude bilidubadi, kibu be bidi sigo nogo sągą sese te 40 yia silama yali. Tama te kibu be tomode bidibadi, augwaligo dwai kolesaga ebo sęgę Godigo selama, agai tonaluali.

Godigo Sęba Tagala Palai Bidigo Po 7:42

Tialima, te sę ebaso, Godigo augwali tudiba ilalio. Godigo augwali tagalama, ‘Giliga dede, polua dede, hǫ dede, te naibolo lotu po emainao,’ Godigo te homu elama, sula tagalali. Augwaligo te sę yai hagede, Godigo po pusubo bidi dabego te po nosali asęani, ‘Godigo te po wai, “Dage Israel we bidi odiąo. Dage te bidi meni yai bulude bilidubadi, kibu be bidi si nogo sągą sese silali. Tama te sogode dagego hasa hauwa mu elama, lotu po olama, dagego enabolo te lotu po wabe.

Godigo Nogi Ugwaba Sabo Tęąbi Po Wabo Buku Dabe 95:10

Eno te hani we bidide dwai haliga iduali, te kibu be bidi sese siba usu nai. Tama tibaso, eno te po wali, augwa hagoma mu yali. Augwaligo te eno wali pabo homu me isiąwai.

Nehemia 9:10

Nago te Isip king me, ofisa dabe me, te Isip we bidi dali, te augwali aiyaba elaluainu te nago gasagi yai tedali bomai sę me yai. Nago tama tiali, magi baso meni, te Isip dabego naga we bidi dabeba te dwai sę mu ebo nago suai. Te sogo nago naga bomo te tigidali we bidiba ola mawai. Tama augwaligo nageba genuai nogi mena mena asali, te megi e sogoba usu nagasobao.

Bomai Po 8:4

Te 40 kibu bede dagego ugwa dabe me pisila pai menio. Tama me dagego sągą dabe me, me bǫ dai menio. Meni, te bugagia naga tama bidali.

Ma Dobola Sali 3:20

Tama tibaso, eno bidigo isiąwai bomo yai sę haniani te Isip hani augwaligo tǫde eyu, tama eno bomogo te sę augwali dali yaibao. Tama te bomo yai sę dabe elama, nosali te Isip tuni bidi agai dage pomainao, te po waibao.”

Godigo Nogi Ugwaba Sabo Tęąbi Po Wabo Buku Dabe 95:8

Genuai Bidigo te po wai, “Dagego te duga haliga bomonama dąų ola sigimio, te polobadu duga wąį nǫų dabego te bulu Meriba me Masa, te tǫ wa pai bulude yali homu tiwai igimio,” po wai.

Dwagi Yai Gesi Po Jongo Asęani 4:48

Tama Jisasgo te gasi ogwa aga ayabolo te po wai, “Dagego te eno haniani bomai sę ebo susiąwai goli dagego duga homu tigidali enaba muao.”

Hibru 3:8

teda dagego duga olo palia sigio, te tiwai dagego wąį dabe augwaligo polobadu Godigo po sela sąyu hagoma yali sogo tiwai. Augwali te bidi meni yai madi bidiyu tama augwaligo God usu sai. Te sogo augwaligo augwa olo palia sali.

Hibru 3:9

Tama Godigo te po wai, ‘Tede dagego wąį nǫų dabe augwaligo eno yali bomai sę tigidali te kibu be bidi sese si tede usu nama augwaligo suai. Tiali goli te sula tagaliyu, augwaligo ena usu mu sai.