Biblia Todo Logo
Bib sou entènèt

- Piblisite -




Godigo Sęba Tagala Palai Bidigo Po 7:35 - Godigo dwagi yai po buku

35 Stivengo te po me wali, “Te Mosesgo aga Israel bidi hani augwaligo polobadu aga sela sąwai, agabolo te po wai, ‘Nage da, da tonalubo bidi menio. Nage da dabolo po tų dodolabo bidi menio.’ Tiali goli, te bidi Godigo aga augwali tonalumainogo eyu sa muai bidi, augwali te boi bidi nogode dagala sąnama, Godigo aga te sę emai hagede sa muai. Te sogo Godigo dagalude sę ebo ensel bidigo te po Mosesbolo pusa mawai, te isi dabo dwasianu nide.

Gade chapit la Kopi




Godigo Sęba Tagala Palai Bidigo Po 7:35
32 Referans Kwoze  

Tama te po olama, tama te digibulu gasa buluba pabo gagalali. Tiali goli, te genuai bidi dologode bidaibao wabo bagego bidi me badu tagala palu, te po wai, ‘Dagego te gavman genuai polalubo bidibolo te po wao, “E bidi dago buludu asai bidi, da tonalubo bidi nigibo hagelabo” wao,’ te po wali.”


God agaduba deligo naga dago kolesaga dagalaibao. Agai te bidi me deli aiyaba elalu, tama te gasa bidi ugwaba sagoa sabo dao.


Tama tibaso, dago Genuai Bidibolo i olama, da tau sao po wai dao. Tama agai dago i wabo odama, tama agai ensel bidi me taga palali. Tama ensel bidigo da Isip bulude selama, odasa asai dao. Tama megi da Kadesde bidibao, te nago kantri bogo badu elalubo bulu.


Te Godigo Ensel Mobo Bidi te Israel hani dabe polasa pabo bidi, tama augwali tede tagalama, aga augwali nosali pai. Tama te Israel dabe pabo tedu polasa pabo pǫ, te me geasa te augwali tudi badu ma doligi sai.


Tama tiyu, augwaligo te Godigo sę yali bidi Mosesgo polobadu wali tęąbi weyu, tama te Kibu Sipsip Waigo tęąbi me wai. Te tęąbi po wali e dao: “Genuai Bidi, nage te God te Tigidali Bomo Elalubo Bidi dao. Tigidali sę nago ebo, te genuai mu eyu, tama dago te sę ebo suyu, tama da noma siyu homu hauwa ebo dao. Nage tigidali hani bidigo tuni bidi, tama nago kolesaga te dolo eyu tama tigidali mu naga ebo dao.


Magi baso meni. Polobadu Godigo po meba te ensel mobo bidi dabebolo pusama, tama augwaligo te we bidibolo ma pusali. Tama pusama, tama te po Godigo bomonama bugagia dąų walali. Tama tiyu, tama bidigo te po bolama tama te po sela sąwani bidi tigidali, augwali te dwai dene mu te augwa yali dwai kolesaga usu nama sai dao.


God aga te dago susiąbo bidi goli, Krais te God tiwai mu bidiyu tama bidigo gedugo suali bidi bidai. Aga Godigo hasia ogwa dao, te tigidali nigali naigo nogi agai nogigo aiyaba elalubo dao.


Te bidi Stivengo te kaunsil dabebolo te po ma wai, “Dage da te po sela sąbo bidi dabe dao. Dagego kolesaga da, Godigo po odisąbo bidigo kolesaga tiwai dao. Dagego Godigo Dwagi Yai Mobogo po tigidali sogo sela sąbo dao. Polobadu duga wąį dabego po sela sąyani tiwai megi dagego te tibao.


Te kaunsil dabebolo Stivengo po me ola mayu, te po wai, “Te Moses aga te bidi meni yai bulude bidibadi, te Sainai bulu du pąde, te kibu be te 40 yia olama silali. Tede Godigo dagalude sę ebo ensel bidi me deli dwasianu ni tomode isi dabo digi bididuali, te Mosesgo suali.


Tama Godigo selama, ogwaba pelama, Jisas te Godigo dolo nogo badu bidibo, moni nogi elalubaso. Tama tede bidibo, te we bidi tobolu elalubo bidi da, te tau sabo bidi da, te Israel we bidi augwaligo homu begelama, Godigo augwaligo yali dwai sę dabe sela sąmainu ebao.


Tama Mosesgo polobadu te Juda dabebolo po wai, ‘Te Genuai Bidi, dago God, agai ena dagebolo tagala palai dao. Tama nosali agai te tiwai te po pusa mabo bidi me dagebolo tagala palaibao, dagego hani bidi deli. Agai wabo po tigidali dagego bugagia odiąo.


Te Pitago po ma wai, “Eno dagebolo te po obao, dage Israel we bidi tigidali, dagego hania koneao, te duga te nide enani bidi Jisas, te bidi Godigo te Genuai Bidi ilali, te Godigo we bidi tau somainu sa muani bidi Krais,” Pitago te po wai.


Te augwaligo po dagą weyu, te po wai, “Te bidi sela sąyao, te bidi sela sąyao,” tama po wai, “Te bidi ni pedaide elao,” te po wai. Pailat tuni bidigo augwali Juda bage dali te po wai, “Dagego homugo eno duga tuni bidi ni pedaide elao, te homu ebawe?” Te pris hani tobolu bidi dabe augwaligo po wei ponoyu, te po wai, “Dago tuni bidi me menio, te dago tuni bidi te Sisar deli tama dao,” te bidi dabego tama po wai.


Tama te bidi dabe augwaligo i hae me po dagą me genuai mu olama, te po wai, “Te bidi Jisas menio, nago te bidi Barabas daba olo tagala palao,” te po olama i wai. Te bidi Barabas agai da te bidi eleyu mena nai anoma elama sabo bidi bidai.


Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.


Nage te tonalubo bidi mu tiwai elama, tama nage polasa pobaso, tama te we bidi dabe nage wali pelawai. Nago sę te Moses de Aron sibolo menama, tama augwali sigo te augwali tonaluai dao.


Tama tiwai dao. Te wąį monu Jekop te aga we wai dabe dali te Isip tǫba pelama bidigi pali sogo, te Isip bulu bidi dabego te duga wąį nǫų dabeba dwai sę mu yali. Tama tibaso, te augwali tau somainu Genuai Bidiba gela wali, tama agai te Moses dali Aron si augwaliba tagala palali. Tama augwali sigo te wąį nǫų dabe te Isip tǫde selama, tama augwali odasa aselama, te tǫ pedaiba bidagasomainu yai dao,” wali.


Tiali goli, te hagoma ebo bidi mebago te po wai, “Magi elama tama, te bidigo da tau saibawe?” Tama augwaligo te Sol hagela homu mu elama, tama augwaligo te wiegi yai nai me deli agaba me ma mabeo. Tiali goli, Solgo te po me deli augwaliba me wabeo.


Tama eno ensel mobo bidi me deli te dage pabo madi polasa tagalama, tama eno te Kenan hani, me Amor, me Hit, me Peres, me Hivi, me Jebus, te hani augwali eno sela sągi paibao.


Tialima, megi nage pelama, tama te we bidi augwali selama, tama eno nagebolo te po wali te buluba pao. Odao, eno Ensel Mobo Bidigo dage te pabo tųdu odasa paibao. Tiali goli, nosali da, te dene mabo sogo ena asiyu, tama te dwai sę yali we bidi augwali eno dene mu ilaibao,” Genuai Bidigo te po wai.


Tama Genuai Bidi te bobage pǫde me te siade bidiyu, tama te be posobo pąde agai te Isip ami bidi aiyaba tonono bilama, tama agai augwaligo homugo kolesaga te polobo bidigo homu tiwai ilama, tama augwali midigi dwai mu yai.


Tama te bidigo Mosesgo po wei ponoyu, te po wai, “Nage te tobolu bidi, tama dago po dodolobo bidi menio. Tama nago ena elainogo, te nago Isip bidi me ela muani tiwai yainogo obawe?” Tama Mosesgo te bidigo te po wabo odolama, aga wi yai. Tama agai te homu yai, ‘Eno te Isip bidi me elali, te we bidi augwaligo polo koneai,’ te homu yai.


Tiali goli te isai bidi dabe ma hodaluaiba po wabo, te dagego te Mosesgo asęani bukude te dwasianu nide sia dali po wali te po nedebo meniwe? Te wali pode Godigo te po Mosesbolo te polobadu isali bidi dabede wai, ‘Ena te Abrahamgo God, me Aisakgo God, me Jekopgo God te dao,’ te po wai.


Swiv nou:

Piblisite


Piblisite