Godigo Sęba Tagala Palai Bidigo Po 5:42 - Godigo dwagi yai po buku42 Tama te Moni Lotu Be tempel tede me, te we bidigo bede me, augwaligo sesemane sogo te Dwagi Yai Po te we bidibolo pusa mayu ola mani, te Jisas da, Godigo sa muai bidi Krais dao po wai. Gade chapit la |
Te sogo agai augwalibolo te po hania wali, te Godigo sa muani bidi, te we bidi tau somainu sa muai bidi Kraisde po agai ola mani. “Suao,” wali. “Godigo po elalubo bukude e po elalubo, te bidi Godigo dabolo tagala palaibao,” wali. “Agai moni dene tolama, isaibao. Tama nosali aga gų pagede ma hodalueibao. Tama megi eno dagebolo Jisas aga digi te Godigo sa muani bidi Krais dao obao,” Pol agai te po wai.
Tama augwaligo te sęde augwa nogi ugwaba sabo dao. Tiali goli, ena digi eno te dago Genuai Bidi Jisas Krais agai da tau somainogo aga ni pedaide isali po, te po weyu, tama eno aga nogi naga ugwaba sabo dao. Tama te ni pedaide eno te po obao, eno ena tigigo e tǫde ebo dwai kolesaga ela silai dao, te ni pedaide elali gilama tiwai. Tama ena me, te tobage dwai kolesaga ebode mu isali bidi tiwai dao, te tǫde ebo kolesagago eno homu ma hodologobeo.
Tama te Epikuria hani po ola mabo bidi dabe me, te Stoik hani po ola mabo bidi dabe me, augwaligo Polgo po aiyaba elaluai hagede, pogo wąbi hwįai ąǫ yali. Te bidi me badugo te po wai, “Te bidi aga da, te mu konesiąwai bidi da. Agai dabolo magi po obawe?” Me badu bidigo te po wali, “Agai te po wabo gasa habuba bidibo Godigowe?” te po wai. Pol agai te Jisasde po ola mobadi yaide, isai bidi te gų pagede ma hodaloabo po ola mobadi yaide, augwaligo te tobage po tama wali.
“Tama dadi si me dage pageba sabolama, te Godigo dwagi yai gesi po dagebolo pusa mobao. Tama te bomo yai po Godigo polobadu dago wąįbolo walai po dao. Tama megi te po augwaligo wai puluba da pagede mu pedalalio, da tau somainu yai. God agai Jisas gų pagede ma hodolai dao. Polobadu bidi me deligo te Godide dwagi yai homu eyu wabo tęąbi buku yabe side te po asęani, ‘Godigo te po wai, “Nage eno ogwa mu dao. Tama megi nage eno ogwa mu nigilai dao.” ’
Tama agai ena i olama, tama agai eno homu mu hasegelainogo eyu, tama agai homu ‘Megi eno Polbolo eno ogwa waselaibao,’ te homu eyu, tama te sogo agai aga ogwa Jisas enabolo waselai. Tama eno te Juda bidi hani isiąwai we bidibolo te bidi Jisasde gesi dwagi yai po pusigi pomainogo eyu, God agai ena i olama, tama ena gasa bidigo bidibo digiba pabeo, agai enabolo te sę page ola momainogo eyu teba pabeo. Te menio.