Godigo Sęba Tagala Palai Bidigo Po 5:3 - Godigo dwagi yai po buku3 Pitago agabolo te po wai, “Ananaias, magi baso Satango dwai kolesaga elama, nago te tǫ abelali masigi bogea siyu tama me badu dualama, te Godigo Dwagi Yai Mobobolo tibo po waliwe? Gade chapit la |
Te dagego duga homu bugagia dodolao, tama bugagia tonaluao. Te dagego boi bidi Satan aga susa bilibo dao. Te moni hasa nogi laion, te aga nasi baso bomo elama, tama moni hwa olama gaa weyu aga tuabo nai gegeyu bilibo dao. Tama te boi bidi Satan aga te tiwai eyu susa bilibo dao, te dage dolainogo ebo dao.
Eno homugo tego nago homu kolesaga hodaluama, nago e tama po wabo dao, ‘Godigo mena nai dabe koneaniwe? Aga dagalude ugwadu mu bilibo dao, tama moni pǫgo aga mesega sali, tama moni hulia saligo aga mesega sali. Tama agai da subeo. Agai dago kolesaga mena tama dagalogowe?’ nago te po wabo dao,” Elifasgo te po wai.
Te tǫ polobadu te nago tǫ mu da. Te tǫde magi sę yabo me naga homu naga da. Te tǫ me bidigo abelama, mone sabo me, te tiabo me naga homu naga da. Te tiali, nago mena homu elama, te mone me badu bogea sabo sę elama, tibo po waliwe? Nago bidi dabebolo naga tibo po wabe. Meni. Nago Godibolo tibo po wali,” Pitago te po wai.
Genuai Bidigo po ma weyu, te po wai, “Te Israel we bidi augwaligo enaba tibo po hauwa sogo mu wai. Te Juda dabego eno po sela sąbo sę mu idualio. Tiali goli, ena God, ena augwali tiwai menio. Ena doloba pai, te eno homu hasegelama, te eno tibo po me wagobeo, te we bidide eno homugo mu kęą pai God dao,” te po wai.