Bib sou entènèt

Paj dakèy
Bib sou entènèt
Godigo Sęba Tagala Palai Bidigo Po 5:12

Godigo Sęba Tagala Palai Bidigo Po 5:12 - Godigo dwagi yai po buku

¹² Te tibo sogo Jisasgo tagala palai bidi dabego te we bidi tomode augwaligo bomai sę mu yalio, te bidi noma sabo sę me. Tigidali bidi Jisasgo po wali pabo bidi Moni Lotu Be tempel beba sisinagasai, sesemane sogo, te Solomongo Be Mabode.

Gade chapit la Kopi

« Previous

tounen moute ⬆

Godigo Sęba Tagala Palai Bidigo Po 19:11

Te sogo God agai genuai bomo mu Polbolo mani. Tama Godigo tigidali we bidibolo haniani bomai sę bidigo ebo usu isąwai sę mu ola mawai.

Gade chapit la

2 Korin 12:12

Ena dage tomode bidibadi, te gasa bagego enabolo mani sęgę tigidali eno bugagia toloyu, tama dage tomode sę hauwa elama, tama ena da, te Godigo po sela pabo bidi mu da ola mabo bomai sę eno nogode pedalali. Te e dao: te haniani bidigo isąwai bomai sę dage tomode pedalali, te Godigo sę sa munama, tama bidi dodola midigi selama, tama Godigo bomo sumainogo yalio.

Gade chapit la

Hibru 2:4

Tama ebadi, God me agai te po te haniani bomai sęgo me tama agai haniani bomo yai idualigo te po mu po dao dabolo hania ola mani. Tama tiyu, agai te Mobo Bidigo olo mabo haniani wiegi yai sę ebo kolesaga te we bidi dabe augwaliba dobayali, te God aga digi homugo tama tiai.

Gade chapit la

Godigo Sęba Tagala Palai Bidigo Po 14:3

Augwali si Aikoniamde hauwa sogo mu bidama, augwali sigo Genuai Bidigo po bomo elama, mu pusali. Augwali sigo te po wai, “Te Genuai Bidi agai we bidibolo dwagi yai sę ebo homu ebo dao.” Tama Genuai Bidigo agai bomo augwali sibolo menama, augwali sigo we bidi noma sabo sę dabe yali, te we bidigo ‘Te bidi sigo wabo po mu dao’ omainogo yai.

Gade chapit la

Polgo Po Pas Rom Dabeba Asęani 15:19

Tama agai eno nogode te haniani bidigo me isąwai bomai sę yai. Tama Tedali Mobo Bidigo me enabolo sę bomo yali. Te tigidali sę agai yai, te gasa hani dabe hodolama, tama augwaligo te Godigo po wali pomainogo yalio. Tama tiyu, eno te sę Jerusalemde gagalama, tama eno Kraisde wiegi yai gesi po tigidali augwalibolo pusali, tama ena bilali te tigidali habuba te digibulu mu bulu nogi Ilirikum dąį egi pelama, tama te sę ela silai dao.

Gade chapit la

Godigo Sęba Tagala Palai Bidigo Po 3:11

Te bidi agai Pita dali Jon dali tagalabo homu meni, tama te bidi si nogogo toalio. Tama bidi sela Moni Lotu Be tempel tomode dolalubo, te be mabode, te mabo nogi Solomongo Be Mabo. Tigidali we bidi augwali noma selama, udulama, te bidi sela pageba sabolali.

Gade chapit la

Dwagi Yai Gesi Po Jongo Asęani 10:23

Tama te olo bidibo side Jisas aga te Moni Lotu Be tempel moni mabode bilali. Tama te be mabo te polobadu genuai nogi yali bidi Solomon agai nigali be mabo dao.

Gade chapit la

Godigo Sęba Tagala Palai Bidigo Po 4:30

We bidigo nago bomo sumainao. Gasi ebo we bidi dwagi yai ma ilao. Da tagala palama, nago dolo sę ebo bidi agai nogide we bidigo polobadu susiąwai bomai sę emainao,” augwaligo te po wai, Godibolo.

Gade chapit la

Godigo Sęba Tagala Palai Bidigo Po 1:14

Tama augwali hauwa sogo deliba sisinagasali, Godibolo po omainu yali. Tama te Jisas wali pai we dabe me, Jisas aga ida me, Jisas aga ama dede me, te bidi dabe dali hodobo deliba sisinagasali, Godibolo po omainu yali.

Gade chapit la

Dwagi Yai Gesi Po Makgo Asęani 16:20

Tama te wali pabo bidi dabe augwali pelama, tama augwaliba te ola mani po te tigidali tǫ pedai badu pelama, te po pususu biligi pai dao. Tama Genuai Bidi te augwali dali sę eyu, tama te augwaligo nogode te haniani bomai sę ebogo agai hania hanilali, te augwaligo ola mabo po te mu po naga dao.]

Gade chapit la

Godigo Sęba Tagala Palai Bidigo Po 16:18

Tama te wegigo agai umabo sogo tama naga tiali. Tibaso, nosali Pol aga hagela mu yali. Pol aga begegi solama, te dwai mobobolo te po wali, “Eno Jisas Kraisgo bomode nagebolo obao,” wali, “te wegi tagalama, nage pao.” Pol agai te po olama, tama te dwai mobogo te wegi polo taga pali.

Gade chapit la

Godigo Sęba Tagala Palai Bidigo Po 9:40

Tama Pitago augwali “Buluba piąo,” wali. Tama agai kidu sugunama, Godibolo po wali. Nosali agai isai we tigiba suali, te po wai, “Tabita, nage hodaluao,” wali. Tama te we agai gedu peda sanama, tonono bilali, tama agai Pita sulama, hodasa holama, duagulali.

Gade chapit la

Godigo Sęba Tagala Palai Bidigo Po 9:33

Tama te bulude agai bidi me deli suali, te bidi nogi Ainias. Tama te bidi sągą isa silai, aga bede naga bididubadi, kibu be nogo a olama, me badu nogo sela olama silali.

Gade chapit la

Godigo Sęba Tagala Palai Bidigo Po 2:46

Tama augwali te Moni Lotu Be tempel tede sesemane sogo sisinagasu sisinagasobo da, te deli hani tiwai. Tama augwaligo sesemane sogo wiegi yai homu dali nai tuyu bidali, te augwa be dabede. Tama augwali wiegi yai homu dali nai tubo da.

Gade chapit la

Jeremaia 26:9

“Magi baso nago te dwai po te Genuai Bidigo nogide pusubawe? Te Silo dolali tiwai gilama, te be dolaibao po nago me wagio. Te taun dolama, tama tede bidi me bidigobeo, te po me nago obao, te tiwai po nago me wagio,” wali. Te Genuai Bidigo bede bidali we bidi tigidali, augwaliaselama, te Jeremaia bobegela sagasalio.

Gade chapit la

Dwagi Yai Gesi Po Jongo Asęani 4:48

Tama Jisasgo te gasi ogwa aga ayabolo te po wai, “Dagego te eno haniani bomai sę ebo susiąwai goli dagego duga homu tigidali enaba muao.”

Gade chapit la

Godigo Sęba Tagala Palai Bidigo Po 28:9

Agai te gasi sela sąnama, ma dwagi yai bidali. Augwaligo Polgo te tibo sulama, te Malta tǫde bidibo gasi yai we bidi tigidali Pol pageba sisali. Tama Pol agai te gasi yai bidi gasi sela sąsą pela silama, augwali ma dwagi yai ilali.

Gade chapit la

Swiv nou:

Lyen patwone

Piblisite

Godigo Sęba Tagala Palai Bidigo Po 5:12 - Godigo dwagi yai po buku

Godigo Sęba Tagala Palai Bidigo Po 5:1222 Referans Kwoze

Godigo Sęba Tagala Palai Bidigo Po 5:12
22 Referans Kwoze