Godigo Sęba Tagala Palai Bidigo Po 4:24 - Godigo dwagi yai po buku

²⁴ Tama te Godigo po odama wali pabo bidi hani augwaligo te po odama, augwali deli homu ebadi, Godibolo te po wai, “Genuai Bidi, dago sę Tolalubo Bidi, te dagalu dede, tǫ dede, te tamu ąį dede, te augwali tomode bidibo nai tigidali me, nagaduba nigali.

Godigo Sęba Tagala Palai Bidigo Po 4:24 Referans Kwoze

Ma Dobola Sali 20:11

Nago te tama tiao, te magi baso meni, te a naga olama me badu nogo kibisa deli sogo naga Genuai Bidi eno te tǫ dagalu, me te tamu ąį, me te tigidali elalubo nai nigai. Tiali goli, te a naga olama me badu nogo si wali, te me deli sogo eno olo bidiyu, toma tuai dao. Tama tibaso, Genuai Bidi eno te Sabat side te gasagi yai side te me tedali mu ilai. Tama te side te eno bodolu dolo mu dao.”

Jeremaia 32:17

“O God, Genuai Bidi, te nago genuai bomogo nago te dagalu me tǫ nigai dao. Te nago isą yabo sę deli me elalube dao.

Nehemia 9:6

Nagaduba deli naga nage Genuai Bidi da. Nago te dagalu me, hǫ dabe me, tǫ me, tamu ąį, te tigidali elalubo nai augwali nigai. Tama nago te tigidali naiba te bidabo ula mabo dao. Tama te tigidali dagalude bidibo ensel mobo bidi dabego nageba kidu sugunama, lotu po wabo dao.

Te Israel me Juda Hani Sigo Tuni Bidigo Po Elalubo Buku Si 19:15

Tama te king Hesekia agai te Genuai Bidi dolo gedu haluasa e po tama wali, “Genuai Bidi, nage da Israel hanigo God, tama nage e bede naga sę ebo ensel mobo bidi si noma si ugwadu daide bidibo dao, tama nage king naga te dugabo ni namede dugulalubao. Nage te nage God mu dao, te nago naga te e tǫde te tigidali bulu hani dabe tonalubo dao. Naga deli naga te tǫ me, te dagalu me, naga naga nigai dao,” te po wali.

Jeremaia 20:13

Te Genuai Bidiba balia po weyu, agai nogi ugwaba saibao. Magi baso meni, agai te walu doado bage meni yai bidi dabe tau siyu, tama te dwai sę ebo bidi dabego aga aiyaba me elalugobeo.

Aisaia 51:12

Genuai Bidigo aga we bidiba te tiwai po wali, “Ena digi eno dagego haliga dąų walama, te dagego tigidali sęgę sia somainu ilibo dao. Tama magi baso dage te gasa bidi dabede wi ebo dawe? Augwa bomo me elalubeo. Tigidali bidi isama, te nosai polo sia sabo tiwai gilama ebo dao.

Te Israel me Juda Hani Sigo Tuni Bidigo Po Elalubo Buku Si 19:19

God, dago Genuai Bidi, megi tama eno homugo nago da tau selama, te megi te king Senakeripgo nogode nago tama nago da ma dobola sao,” wali. “Tama tiyu, tigidali tǫde hani we bidi dabe augwaligo nage bugagia mu konemainao, nage deli mu God mu dao.” Te king Hesekiago te God dolo gedu haluasa po weyu, e tama po wai dao.

Godigo Sęba Tagala Palai Bidigo Po 16:25

Te huli tomode mu Pol dali Sailas dali sigo Godibolo po weyu, aga nogi ugwaba sabo balia dabe weyu bidali. Tama te kalabus bede bidali bidi dabe me badu augwaligo te balia po wabo odali.

Godigo Sęba Tagala Palai Bidigo Po 4:23

Te kaunsil dabe augwaligo te Pita dali Jon si olo tagala palama, tega si augwa si haniba polo pai. Tama sabolama, te po pusa mani, te pris hani genuai bidi dabe dede, monu dabe dedego tamadi wali po.

Godigo Sęba Tagala Palai Bidigo Po 14:15

“Dagego te kolesaga egimio. Dadi si me bidi dage tiwai tama dao,” wali. “Dadi si dage pageba asali, Godigo dwagi yai po dagebolo pusa mawainogo asai dao. Tama dagego te odolali lotu po wabo tibo god tudiba muiyąo. Tudiba munama, dagego te God mu pageba asiąo, hauwa sogo bida bida peduabo God pageba asiąo. Agai te dagalu me, tǫ me, tamu ąį me, tigidali tede bidibo nai dabe me agai nigai dao.