Godigo Sęba Tagala Palai Bidigo Po 4:19 - Godigo dwagi yai po buku

¹⁹ Tiali goli, Pita dali Jon si dolalubadi, te Pitago te po wei ponoyu te po wai, “Dadi sigo Godigo po tagalama, dagego po wali pobaso, Godigo gedude te dolo yaibawe? Duga digi gedugo dagaliąo.

Godigo Sęba Tagala Palai Bidigo Po 4:19 Referans Kwoze

Godigo Sęba Tagala Palai Bidigo Po 5:29

Te tiali goli, Pita dali, me badu Jisasgo tagala palai bidi dabe, augwaligo te po wei ponoyu, te po wai, “Te dago dagego wali po wali pogobeo. Godigo dabolo mani genuai po mu dago wali paibao.

Ma Dobola Sali 1:17

Tama te we si God dali wi elama, tama augwali sigo te tuni bidigo wali po wali pabeo. Tama te we sigo te Israel we dabego ogwa ame nabo elisiąma tagalama elaluai, te we sigo te ogwa ame nabo elebeo.

1 Korin 10:15

Dagego kolesaga elalubaso, tama eno dagebolo te po obao. Duga digi eno pusubo po dagaliąo. Eno po e dao.

2 Timoti 2:3

Te tobage gedu haluasa po wabo kolesaga dwagi yai dao, tama tede te da ma dobola sabo bidi God aga dwagi yai homu ebo dao.

Dwagi Yai Gesi Po Jongo Asęani 7:24

Dagego gedugo naga ena olo dali osola sulamuo. Dagego bugagia osola suyu, homu kolesaga dolo mu yao,” Jisasgo te po wai.

Te Israel me Juda Hani Sigo Tuni Bidigo Po Elalubo Buku Deli 22:14

Tialima, Mikaiago ofisa bidiba te tama po wai, “Te Sesemane Sogo Bidibo Genuai Bidigo nogide, eno mu po nageba obao, mena po Genuai Bidigo enaba mani, te po naga eno pusaibao,” wali.

Daniel 3:18

“Tiali goli, agai da tau sisąbaso da, te tagalao, dago te nago god dabeba lotu po me wagobeo, tama me dago nago te dodolali gol piksaba me kidu sugunugobeo,” augwali selago te po wai dao.

Matyu 22:21

Tama augwaligo te po wali, “Te Sisargo dao.” Tama agai augwalibolo te po wai, “Tama tibaso, te Sisargo nai, te dagego te Sisar agabolo wei ponoyu mao. Tama Godigo nai da, te dagego Godibolo mao,” wali.

Amos 7:16

Tialima, Genuai Bidigo po odao. Agai te Israel dabede wado po elalubao, tiali goli nago enabolo te profet po augwaliba pusubo te habu selibo dao.

Hosea 5:11

“Te Juda dabego genuai sęgę te Israelba mawai. Te Israel dabe te gasa king meba bidiboba pali, tama augwaligo te augwali tau saibao homu yali. Tiali goli, te king dabe te olo bidi tiwai, tama augwali tau sabo usu meni yai.

Daniel 6:10

Tama Danielgo te po dąų walali po odobo sogo, aga te aga beba hogodasa palio. Tama aga te ugwa badu elaluali be habu dai badu holama, tama te windo pąde kidu sugunama, te Jerusalemba tonono yalio. Tama agai te sesemane sogo gedu haluasa po weyu, te nage usu da po te Godiba wabo tiwai yali. Agai te deli deli sogo bubugade te gedu haluasa po sela sogo weyu yai dao.

Godigo Nogi Ugwaba Sabo Tęąbi Po Wabo Buku Dabe 58:1

Dage te tobolu bidi dabe, dagego te doloba pai po te po tųde wabo da, agawe? Te dagego tigidali bidigo po bugagia dagalubo da homu eba, agawe?

Te Israel me Juda Hani Sigo Tuni Bidigo Po Elalubo Buku Si 16:15

Tama te king Ahasgo te pris bidi Uriabolo e tama po wali, “Tigidali sogo nago te ofa nai ulainu da, teda nago te gesi alta saiba naga pelama, ofa nai ulao. Tigidali sogo te kigamu naga nago te isigo dela pabo ofa nai naga uluyu, me te tigidali sogo te pio naga te sia gagawai nai te witgo naga ofa nai ulao. Tama nago te king bidigo ofa nai ula mayu, tama te tigidali we bidigo ofa nai uluyu yao,” po wali. “Te ofa te tigidali te siaba sese ula palobo ofa nai da, tama me te sia gagawai nai witgo ula mabo ofa nai da. Tama me te nago te gasa ofa ebo te we bidi dabe ofa tama yao,” wali, “te ofa te nago te wain wę gelao. Tama nago te tigidali hasa kaneme selama, te ofa elama, tama te gesi alta saiba segeni sąsąga pao. Tiali goli, te brasgo te nigali te alta sai, te ena naga dao. Te alta sai eno naga dolaluabo page te eno Godibolo hanaluama, tama agai enabolo te tigidali sę eno yabo sę te agai mobogo te eno mobo ola momainao,” te po wali.

Te Israel me Juda Hani Sigo Tuni Bidigo Po Elalubo Buku Deli 21:11

Te Jesril taun tobolu bidi dabe, me genuai bidi dabe, augwaligo te pas sabo si da, teda augwaligo te Jesebelgo po wali pelama,

Te Israel me Juda Hani Sigo Tuni Bidigo Po Elalubo Buku Deli 14:16

Tama te king Jeroboam agai me te sęgę sabo sę me eduali, tama agai te Israel hani augwali me kegelama, tama sęgę sabo kolesaga eyu sęgę sali. Tama te Genuai Bidi Godigo te augwaligo te sęgę sabo kolesaga homu kone palama, tama agai te Israel hani dabe augwaliba agai tudi ola mani,” Ahiyago te po wai.

Te Israel me Juda Hani Sigo Tuni Bidigo Po Elalubo Buku Deli 12:30

Tialima, te we bidi dabe augwaligo te tibo god te bulmakau noma siba lotu po wali. Tama te tibo kolesagago te augwaligo sęgę sali. Tiali goli, hanu Dan te digibulu elalubo bulu goli, te tigidali we bidi dabe augwali te Dan taunde elalubo tibo god bulmakau nomaba augwaligo lotu po wagi pabo kolesaga iduai dao.

Jems 2:4

Tama dagego te bidi si dali te tobage sę eyu da, teda dagego duga ama dede dagego homugo augwali osalama, dagalobao. Tiali goli dagego te kolesagade geda muyu, dagego bugagia dagalobeo. Dage te bidi po tų dodolobo bidi jasgo dwai homu elalu te bidi dabe po tųde dagalabo kolesaga tiwai dagego homude me gagabo. Tegio.

Efesus 6:1

Dage wai dabe dagego te Genuai Bidigo po wali pobaso, te ida ayago wabo po wali pao. Te tama tebo kolesaga te dolo dao.

2 Korin 4:2

Menio. Dago te geme dualama hale ebo kolesaga te tudiba muanio. Te tibo po wabo kolesagade da me bilibeo. Tama dago Godigo po me hasegelegobeo. Menio. Dago mu po hanilama mu pusubo da, tama tigidali bidi deli deli augwa homugo dago pusubo po mu po dao konemainogo ebo dao, tama augwa dago ebo sę God gedude konemainogo ebo dao.

Maika 6:16

Dagego te king Omrigo dwai kolesaga wali pali, me aga ogwa king Ahapgo kolesaga me wali pai. Dagego augwali sigo polobadu te yali tobage kolesaga tiwai yali, tialima te eno dage dolaibao, te gasa bidi hani bagego dage tudiba muaibao. Te tigidali bulu pedaide bidibo hani bidigo te dageba gesabidi tuluga selama, tama dwai posobo po waibao,” wai dao.

Hibru 11:23

Te Mosesgo aya de ida sigo konealubo po Godiba dąų olama agaba tią peyu bidai. Tama te Mosesgo idago aga te Isip bulude ame nenama, tama augwali sigo suali, aga sawi yai wai mu bidai. Tama tibaso, polua selade augwali sigo aga geme dualama bidai. Te Isip gavman tuni bidigo bomai po weyu, te po polobadu gana wai dao, “Te Israel dabego we dabego te wai ogwa dabe ame nobaso, augwali ela muao,” te po wai. Tiali goli augwali si te tuni bidigo bomai pode wi me ebeo. Tama tibaso polua selade augwali sigo aga geme dualama bidai.

Jeremaia 26:12

Tialima, Jeremaiago te tobolu bidi dabe me te tigidali we bidi dabego po wei ponoyu, te po wali, “Genuai Bidigo digi ena tagala palama, eno dagego te odali profet po pusagasali. Aga digi po weyu, te be me te taun dolaiba po wai dao.

Dwagi Yai Gesi Po Lukgo Asęani 22:8

Tama Jisasgo aga bidi Pita dali Jon dali “Dage si pao” augwali sibolo weyu, te po wai, “Dage si pelama, te nai sisi egi pao, te dago Pasova tubo nai,” te po wai.

Godigo Sęba Tagala Palai Bidigo Po 4:13

Te Pita dali Jon sigo te po tama olama, wi meni baso, te Judago po tų ebo kaunsil bidi dabe noma sai. Augwaligo odai, te bidi si skulba pabe, olo bidi si naga dao, tama tibaso, augwali noma sai. Augwaligo te sogo koneai, te bidi si Jisas dali bidai dao.

Godigo Sęba Tagala Palai Bidigo Po 5:28

“Te dago dagebolo Jisasgo po pusamuo olama, habu selai. Dagego homugo te da olo nai dao. Megi dagego tigidali we bidi Jerusalemde te Jisasgo po ola mawai. Dagego homugo dago Jisas elama, isilai,” agai te po wai.

Te Israel me Juda Hani Sigo Tuni Bidigo Po Elalubo Buku Deli 13:19

Tama te Juda hanigo profet bidigo te po odama, tama aga te monu dabe profet bidigo beba pelama, tama te nai tuyu, te ąį tuyu, tama yali.

Te Israel me Juda Hani Sigo Tuni Bidigo Po Elalubo Buku Si 16:16

Tama te pris bidi Uriago te kingo tigidali po odama, tama tigidali sogo agai wali pali, tama agai wali po wali peyu, e tama sę ela silali.