Godigo Sęba Tagala Palai Bidigo Po 3:20 - Godigo dwagi yai po buku

²⁰ Tama te elama, Genuai Bidigo dage dwagi yai toma tuabo sogo mawaibao, te agai dagego kolesaga dąų walaibao. Tama nosali Jisas tagala palaibao, aga Godigo sa muani bidi Krais, tama da tau somainu yaibao.

Godigo Sęba Tagala Palai Bidigo Po 3:20 Referans Kwoze

Kraisgo Geme Dualali Sę Pedelabo Po Jonbolo Ola Mani 1:7

Suao, Krais aga te dagalu pǫ me tomodu tiąba asaibao, tama tigidali bidi augwa digi gedugo aga te pǫ tomodu tiąba asobo sueibao. Tama te aga tigide enani bidi dabe augwaligo me sueibao. Tama tigidali tǫde we bidi augwaligo aga asobode homu eyu, tama agai augwalibolo dene wei ponaibao homu elama, tama augwali homu sęgę eyu gela waibao. Awe, te tama tiaibao. Mu tama dao.

2 Tesalonaika 2:8

Tama te tų palialuali bidi bogia solama, tama te sogo naga te bomo yai po sela sąbo bidi hania bulu ulaba pedalaibao. Tama Genuai Bidi Jisas nosali asama, tama agai te bidi agai po wabo mobogo ela muaibao. Tama Genuai Bidi Jisas aga bomo dali ula dali hania pedalama, asaibao. Tama agai te bomo yai ulago te bomo yai po sela sąwani bidi mu dolaibao.

2 Tesalonaika 2:2

Bomo elama, dagebolo te po obao, bidi mego dagebolo te Genuai Bidi asabo bodolu te pedalai dao te po obaso, dagego te wabo po odolama, dage polo homu hauwa eyu, dage homu sęgę egio. Bidi mego na eyu, Jisas ma asai dao po te bidigo odali bogo. Ma, bidi mego aga homugo digi te po waliwe? Ma, augwaligo, ‘Woo, Pol agai te Jisas ma asai dao po pasde asęna tolai dao, dabolo,’ tama me augwaligo waliwe?

Dwagi Yai Gesi Po Lukgo Asęani 19:11

Te we bidi augwaligo Jisasgo wabo po odobadi, agai gasa po me augwalibolo pusali, te po digi po. Tama Jisas te be nani nogi Jerusalem pąba sabalobaso, tama augwaligo geda muyu, te homu yali, Jisas te Jerusalem be naniba sabalobo si, Godigo we bidi tonalubo sę tamadi tama gagalaibao, augwaligo te homu yali.

Hibru 9:28

Te tiwai me Kraisgo te aga bidibo ula aga digi te Godibolo deli sogo naga mani, te we bidi hauwago sęgę sela sąwainogo eyu tama tiai. Nosali te aga si sogo ma asiyu, te agai te sęgę sela sąwainogo me asogobeo. Menio. Te aga ma asobode te dwagi yai homu elama tonaluyu bidali te we bidi dabe augwali naga te agai mu ma sagasaibao.

Godigo Sęba Tagala Palai Bidigo Po 17:31

Tama agai deli sogo me bodolu mawai. Nosali te sogo agai tigidali tǫde bidibo we bidi po tų ela mawaibao. Augwali po tų yabo bidi Godigo sa muai dao, te bidi agai dwagi yai doloba pai po tų mu yaibao. Tama Godigo te sa muai bidi agai dabolo hania ola mani. Mena sę elama, da tigidaligo sualiwe? Agai te bidi isąma, gų pagede ma hodaluama, ma gesi bida bida paibao,” Pol agai te po wai.

Dwagi Yai Gesi Po Lukgo Asęani 21:27

Tama te ebo sogo ena te Godigo Bidi Mu ena gasa dagalu pǫ medu asaibao, te eno moni bomo dali, moni ula dali asobo augwaligo te sogo sueibao. Te moni ula te giliga sesena pai nanobo tiwai yaibao.

Dwagi Yai Gesi Po Makgo Asęani 13:26

Tama te tebo sogode teda augwaligo te Godigo Bidi Mu te dagalu tomodu te pǫ me deli daide ugwadu dualasa asobo sueibao, te aga genuai bomo me genuai wiegi yai ula elalubadi te asaibao.

Matyu 24:3

Te aga pelama, tama te dwasianu bulu du Oliv teba sabolama, aga tede dualaluyu, tama aga wali bilibo bidi dabe naga augwali aga pageba aselama, augwaligo te po wai, “Nago dabolo wao, nisu sogo te Moni Lotu Be tempel dolobo sę pedelaibawe? Magi sę bolo hasia pedelama, dago koneai elalubadi, nage ma asiyu e tǫ siligowe?”

Matyu 16:27

Magi baso meni. Nosali Godigo Bidi Mu te aga Ayago genuai bomo me, ula me dali, te ensel mobo bidi dabe dali hodobo si asaibao. Te sogo te agai tigidali we bidigo yali kolesaga usu nama wei ponaibao.

Godigo Sęba Tagala Palai Bidigo Po 3:19

Tama tibaso, dagego kolesaga begelama, Godigo kolesagadu wali piąo, tama Godigo dagego dwai sęgę sela sąmainu tama yao.

Godigo Sęba Tagala Palai Bidigo Po 3:21

Megi agai dagalude tonalu bidibo, Godigo tigidali nai gesi ma ilibo sogo, te sogo asobo tonalubo. Te po polobadu Godigo agai po pusa mabo bidigo dabebolo wai, mu dolo yai bidi dabe. Tama augwaligo te po pusa mani.