Godigo Sęba Tagala Palai Bidigo Po 3:1 - Godigo dwagi yai po buku1 Te me sogo Pita dali Jon dali te bidi si te Juda dabego Moni Lotu Be tempel teba pali, pioba poloba. Tama te Juda dabego pioba poloba Godibolo gedu haluasa po wabo sogo da. Gade chapit la |
Tama Danielgo te po dąų walali po odobo sogo, aga te aga beba hogodasa palio. Tama aga te ugwa badu elaluali be habu dai badu holama, tama te windo pąde kidu sugunama, te Jerusalemba tonono yalio. Tama agai te sesemane sogo gedu haluasa po weyu, te nage usu da po te Godiba wabo tiwai yali. Agai te deli deli sogo bubugade te gedu haluasa po sela sogo weyu yai dao.
Tama te pio mu ebode te ofa ebo sogo, te Godigo po pusali bidi profet Elaija te alta pąba pelama, te gedu haluasa po te tama wali, “God, te Abraham, me Aisak, me Israel, te augwaligo Genuai Bidi, eno homugo nago te tiwai nago te we bidi dabeba megi ola momainu homu ebao, nage naga te Israelgo God dao. Tama me nago augwaliba te tiwai ola momainu ebao, ena nago sę bidi eno nago po naga wali pelama, eno te tigidali sę yai dao.
Tama Jems dali, Pita dali, Jon dali augwali te Godigo hani bidi tomode te be ni bomo elama dolalubo tiwai bidama dolaluai, te we bidigo gedude. Tama te bidi sela augwaligo koneai, te God agai ena olo mu tau siyu, tama enabolo te sę mawai. Tama tibaso, augwaligo ena dali Barnabas dali si nogo mani. Tama nogo mayu, da tigidaligo te homu yali, te da sigo te Juda hani isiąwai we bidi tomode Godigo sę yaibao, tama augwali selago te Juda bidi hani tomode te sę yaibao.