Godigo Sęba Tagala Palai Bidigo Po 28:8 - Godigo dwagi yai po buku

⁸ Tama te sogo te Publius aga aya moni gasi selama, bede pila mubo. Aga te gasi si sali, me haligadu kaneme yali, me tigide moni posolo yali. Tama Pol aga pelama, aga suali. Tama Polgo Godibolo po olama, agai nogo te gasi bidi toboluba muani.

Godigo Sęba Tagala Palai Bidigo Po 28:8 Referans Kwoze

Godigo Sęba Tagala Palai Bidigo Po 9:40

Tama Pitago augwali “Buluba piąo,” wali. Tama agai kidu sugunama, Godibolo po wali. Nosali agai isai we tigiba suali, te po wai, “Tabita, nage hodaluao,” wali. Tama te we agai gedu peda sanama, tonono bilali, tama agai Pita sulama, hodasa holama, duagulali.

Dwagi Yai Gesi Po Makgo Asęani 6:5

Tama agai te bomai sę me deli te bulude me egobeo. Agai nogo te gasi bidi si selaba naga munama tama augwali wiegi yai ma ilali.

Dwagi Yai Gesi Po Makgo Asęani 16:18

Te augwaligo augwa nogo te bidi gąų kelebo dwai hasamaniba mubaso, ma te konesiąbadi augwaligo te bidi isibo nai tubaso da, teda te hasamanigo me te isibo naigo me augwali dologobeo. Tama augwaligo nogo te gasi sai we bidiba mubo si da, tama te gasi sai bidi dabe usu ma yaibao,” Jisasgo te po wai.

Matyu 9:18

Te Jisasgo te Jon wali pabo bidi dabebolo te po odubadi yaide, tama te Juda hani genuai tobolu bidi me deli aselama, aga pageba kidu sugunagasu agai te po wai, “Te eno wegi megi tama isalio. Tiali goli nage eno beba aselama, tama nago nogo aga tigiba muagasiyu, tama eno wegi ma bidaibao.” Te Juda hani genuai bidigo te po wai dao.

1 Korin 12:28

Tama te Godigo po odobo we bidi hani tomode Godigo aga digi te sę dodolama, tama tigidali bidi te haniani sęba muani. Te hasia te po sela pabo bidi dabe nigilali, te si wali te Godigo po pusabo bidi dabe, te sela wali te agai po ola mabo tisa bidi dabe muani. Te dabe tudi badu nosali te bomo menama, te bomai sę ebo bidi dabe nigilali. Tama nosali ma te gasi yai bidi dabe usu ilibo bidi dabe elalubo, tama te we bidi dabe tau sabo bidi me, tama te haniani sę dabe tonaluabo bidi dabe muani, tama haniani homugo konesiąbo pogo po wabo bidi nigilai.

1 Korin 12:9

Tama te Tedali Mobo Bidigo gasa bidi mebolo te bomo mayu, tama te bidigo Godiba aga homu tigidali mayu agaba tialubo kolesaga, te kolesaga bomo menama tama te bidigo homu si isiąbadi tama agai genuai sę ebo usu dao. Tama gasa bidi mebolo te haniani gasi yai we bidi dabe usu ilabo bomo te Tedali Mobo Bidi deligo naga mabo dao.

Matyu 10:8

Dagego te gasi we bidi dabe augwali usu iligi pao, tama isai bidi dabe ma hodoliyu, tama oiyabe gasi sai bidi dabe wiegi yai meda isiąwai ma iliyu, tama dwai haubo mobo sela sąyu yao. Tama dage te sę yabo bomo te dagego olo sali, tama monego abelai menio. Tama tibaso, dagego te we bidi te bomogo olo tau sao, tama dagego augwalide mone sigio.

Matyu 10:1

Te Jisasgo aga wali pabo bidi dabe nogo si olama sągą badu si bidi asa olama i wali, tama agai augwalibolo bomo mani, te dwai haubo mobo bidi dabe sela sąmainogo, tama te we bidi tigidali te haniani gasi me, te tigi bomo meni yai gasi me usu ilimainogo yai dao.

Dwagi Yai Gesi Po Lukgo Asęani 13:13

Te Jisas agai nogo si te tudi basia selama te sugą sali wego tigide mubaso, tama polo tama te we tudi debela palu bugagia dolugulualio. Tama te wego Godigo nogi ugaba sali.

Dwagi Yai Gesi Po Lukgo Asęani 4:40

Te giliga ge aba degasaide, te gasi yali bidi aga abagi dedego augwali Jisas aga pageba odasa aselawali. Tama agai nogo te gasi we bidi dononama, mumuna bilali. Tama augwali tigidali ma gesa pali.

Dwagi Yai Gesi Po Makgo Asęani 7:32

Tama augwaligo bidi me deli agaba selasa asali, te aga olo degebadi te hamena begelebadi yai elaluai. Tama augwaligo Jisasba hanalu te bidiba nogo diąyao po wai.

Dwagi Yai Gesi Po Makgo Asęani 5:23

Tama agai bomonama agabolo te tiwai po hanalu wali, “Te eno dwasianu wegi te pąde isabo homu yai. Nago agaba nogo muagaselama, tama aga usu ma igulama bidimainogo obao,” te bidi Jairusgo te po wai.

Matyu 12:13

Tama te po olama agai te nogo dwai bidibolo te po wai, “Nago nogo dodolao.” Tialima agai nogo dodolali, tama nogo wiegi yai ma pedelai, te gasa me nogo tiwai yai.

Godigo Sęba Tagala Palai Bidigo Po 28:7

Te bulu pąde te me badu tǫ deli elalubo, te tǫ te bidi me deli agai tǫ da. Tama te bidi te Malta tǫde bidibo we bidi augwa tobolu bidi deli da, te bidi nogi Publius. Tama te bidigo da agai beba odasa pelama, da agai bugagia nai ula mayu bidali. Tama da sela sogo aga dali bidali.

Godigo Sęba Tagala Palai Bidigo Po 28:9

Agai te gasi sela sąnama, ma dwagi yai bidali. Augwaligo Polgo te tibo sulama, te Malta tǫde bidibo gasi yai we bidi tigidali Pol pageba sisali. Tama Pol agai te gasi yai bidi gasi sela sąsą pela silama, augwali ma dwagi yai ilali.