Godigo Sęba Tagala Palai Bidigo Po 28:26 - Godigo dwagi yai po buku

²⁶ “Godigo Aisaiabolo te po pusa wali, ‘Nage te Juda bageba pelama, tama te po pusao. “Dagego eno po oduda yaibao, tiali goli dagego te po page konegobeo. Dagego suyuda yaibao, tiali goli dagego munu me sugobeo,” te po wai.

Godigo Sęba Tagala Palai Bidigo Po 28:26 Referans Kwoze

Esekiel 12:2

“Tǫde bidio, te abagi dabe augwali megi nage dali bidibo bage, augwali te hagoma elama, po sela sąbo bidi dabe da. Augwaligo gedu elalubadi, tiali goli te augwaligo bugagia me tonogobeo. Augwaligo olo elalubadi digi, tiali digi augwa bugagia me odobeo, magi baso meni, augwali te hagoma elama, po sela sąbo bidi dabe bidibaso tebo dao.

Dwagi Yai Gesi Po Makgo Asęani 4:12

Te Godigo po bukude te gasa we bidide polobadu asęani po, te po page te megi bidalubo we bidide elalubao, te e tiwai dao: ‘Te augwaligo tonono bilibadi, tiali goli te augwaligo te subo nai page hania konegobeo. Te augwaligo po odobadi, tiali goli te po page augwaligo me konesiąwani. Tama augwaligo konegi sogo da, teda augwaligo homu begeleyu, tama Godigo augwaligo dwai sę yali sęgę sela sągi da,’ te po polobadu asęani,” Jisasgo te po wai.

Dwagi Yai Gesi Po Lukgo Asęani 24:45

Tama Jisasgo augwalibolo homu ula ilai, tama augwaligo Godigo asęani po page hania konemainogo yai.

Dwagi Yai Gesi Po Lukgo Asęani 24:25

Te Jisasgo te tama po augwali sibolo wai, “Ao, dage sigo homu kolesaga meniwe? Dage sigo homu te polobadu Godigo sę nosali pedelabo po ola mani bidigo po naga konealuai dawe?” Jisas po augwali si dali wai.

Dwagi Yai Gesi Po Lukgo Asęani 8:10

Jisasgo wei ponoyu, te po wali, “Godigo te we bidi tonalubo bomo geme dualalubo po page dagebolo da hanilai dao. Tiali goli, gasa we bidi dabebolo eno te po digi pogo naga ola mobe dao. Augwaligo gegali goli, te susiąmainu eyu, te odali goli, te konesiąmainu tebo dao,” Jisasgo te po wali.

Jeremaia 5:21

“Dage we bidi dabe te wiegi yai homu kolesaga meni yai. Duga gedu elalubao, tiali goli te elalubo nai dagego me susiąwai. Te dagego olo elalubao, tiali te dagego po me odobeo. Tiali te dagego olo eno te poba bugagia muiąo,

Aisaia 66:4

Te pagede tama te augwaligo tolabo sęgę eno sa muani, augwa te wi mu ebo sęgę dao. Magi baso meni, eno augwaliba i obadi, te eno i wabo augwaligo wei ponobeo. Te eno po me augwaliba pusubadi, tiali goli augwa wali me pabeo. Menio. Augwa eno po sela sąyu, te eno gedude dwai kolesaga naga yali, te eno godolo homu isąbo kolesaga dabe mu dao.”

Aisaia 29:14

Tama tibaso, eno gasa sę dabe mu te we bidiba pedalumainu yaibao. Tama augwali mu noma mu saibao. Eno te bidi dabego augwalibolo wiegi yai kolesaga mabo bidi dabego homu kolesaga sela sąwaibao. Tama eno augwaligo kolesaga sai bagego kolesaga eno mu silaibao,” wali.

Aisaia 29:10

Genuai Bidigo dagego gedu sęgę ilali. Tama dage te bidi godege mu pilama, isai tiwai bidali. Tama Genuai Bidigo te profet bidi dabego augwaligo suabo nai dabe goli augwaligo susiąmainu yaibao.

Bomai Po 29:4

Tiali goli, Genuai Bidigo dagego te sę dabe yali page konemainu sula tagalobeo, tama agai dagego gedugo tonomainu ebeo, tama me dagego ologo te sę yali page odomainogo me tagalobeo. Tama dage tama bida bida asidu gagali, megiba te usu naga sobao.

Godigo Sęba Tagala Palai Bidigo Po 28:25

Tama augwaligo po hauwa dogia pali. Tiyu augwaligo haliga digi deli ebe. Tama tibaso, Pol agai po me deli pusali, “God agai Dwagi Yai Mobo Bidi agai te Godigo po sela bilali profet bidi nogi Aisaia te bidibolo po me deli olama, tolalio, dagego nǫų mu dabebolo. Te po dageba me dolo te wabose,” te po wali.