Godigo Sęba Tagala Palai Bidigo Po 28:21 - Godigo dwagi yai po buku

²¹ Te Juda dabe mego Polbolo te po wai, “Te Juda bidi dabe augwaligo nagede po pusumainu dabolo pas me tolobe. Be bidi me Jerusalem badu asama, nagede dwai po me pusagasobe.

Godigo Sęba Tagala Palai Bidigo Po 28:21 Referans Kwoze

Aisaia 54:17

Tiali goli, te hwįbo nai dabe me deligo nage me dologobeo. Te nage bomonama dolalu, te bidi dabego nageba haniani po kisilama wabo po te wei ponoyu, aiyaba elalueibao. Eno te kolesagade ena sę bidi dabe tigidali bugagia tonalu, te augwali doloba pai we bidi pedelaibao. Ena Genuai Bidi, eno te po wai dao.”

Aisaia 50:8

God pąde bidiyu, te agai te po waibao, eno dwai sę me ebeo. Te bidi me deligo ena po tų ilabo homu eba, agawe? Teda agai ena te po tųba odasa pelama, te agai ena po tų ilabo po pusumainao wali.

Aisaia 41:11

Te dagede haliga sębę elama, te dage po tųba odasa pobaso da, te dage augwaligo aiyaba elalusiąbaso, te augwali hale dwai mu yaibao. Te augwali olo nai tiwai mu pedelama, te augwali mu hagawaibao.

Godigo Sęba Tagala Palai Bidigo Po 22:5

Tama te pris tobolu bidi me, te Juda lotu po wabo kaunsil bidi tigidali me, augwaligo dagebolo pusabo te yali sę po eno tibo po wabeo. Tama augwaligo enabolo pas me deli mawai dao. Eno te pas selasa pelama, te Damaskusde bidibo Juda hanibolo momainu eyu tama pali. Eno homugo ena Damaskusba pelama, Juda bidi hanigo ena konemainu, eno Jisasgo po wali pabo we bidi kalabus yainogo asai yaba homu emainu yali. Tama eno homugo augwali Jerusalemba odasa pelama, augwali moni sęgę me, dene me somainu tiwai dao.

Ma Dobola Sali 11:7

Tiali goli, eno dwai sę deli me te Israel we bidi augwali dali, me te augwaligo bulmakau nai dabe dali, dwai sę me egobeo,’ Genuai Bidi Yawego te po wai. Tama nago koneama, aga da te Genuai Bidi Yawe da, te homu emainogo yai, agai te deli tigi tiwai kolesaga te Israel bage dali ebe, te dage Isip dabe dali ebo kolesaga tiwai ebo menio.”

Godigo Sęba Tagala Palai Bidigo Po 3:17

Te Pitago po me wai, “Eno ama dede, dage dali dago genuai bidi dabe dali, dagego Jisasgo page bugagia konesiąwai baso, te agabolo te dwai sę yali, te eno konebao.

Godigo Sęba Tagala Palai Bidigo Po 28:14

Tama te bulude Jisasgo po wali pabo we bidi tede bidalubo suali. Tama augwaligo da augwali dali bidao wali. Te po baso, da augwali dali Sarere deli bidali. Tama da, dago augwali taga pelama, tǫdu naga pidubadi, moni genuai hanu nogi Rom teba sabolali.

Polgo Po Pas Rom Dabeba Asęani 9:3

Eno homugo te Godigo eno ama dede augwali ma dobola somainogo ebo homu godolo ebao, augwali ena dali deli kaneme elalubao. Tama te tų elalugi sogo da, augwali tobade te eno Kraisba gedu haluasa po olama agai ena i ola mayu tama sela sąnama tama ena hagamainogo elama tama augwali tau somainogo hasegeligi da. Eno te homu bomonama ebo dao.