Godigo Sęba Tagala Palai Bidigo Po 27:38 - Godigo dwagi yai po buku

³⁸ Tama dago te nai tuali, tabiali. Tama dago te tubo nai ge bek hauwa mu geba tabide muai te tigidali dago selama, tamu ąįba sąyani, te geba yadala pomainu yali.

Godigo Sęba Tagala Palai Bidigo Po 27:38 Referans Kwoze

Jona 1:5

Tama te sip tomode sę ebo bidi dabe augwali dwai wi mu elama, tama tigidali deli deligo augwa god i ola palio. Tama augwaligo te sip sęgę mu idali homu elama, tama augwaligo te walu dabe meba te tamu ąįba sąwani. Tiali goli Jona da, te sip aiyadu dologo tomoba mu dulama, tama pila mudalio.

Matyu 16:26

Bidigo e tǫde elalubo tigidali nai aga sai goli, tama te nai sobadi aga mu bidabo ula doloyu da, teda te tigidali sali naigo aga tau sabo usu egobeo. Te bidigo te bidibo ula ma abelainu te mena nai mobaso, te usu me egobeo. Te menio.

Matyu 6:25

“Tama tibaso, eno e po dagebolo obao, dagego duga bidibo ula tigi tau mabo naide homu hauwa eyu, te po wagimio, ‘Da magi nai tugowe?’ ma ‘Da magi wę tueibawe?’ Tama dagego duga tigi tau siyu gudabo ugwade homu hauwa elama te po olamuo, ‘Da magi ugwa gudugowe?’ Te bidabo ula elalubogo te tubo nai aiyaba elalubo dao. Me te tigi elalubogo te gudabo ugwa aiyaba elalubo dao.

Hibru 12:1

Te da me, da magi ebawe? Te polobadu bidali we bidi augwali doligulama tama da te genuai pǫgo bagulubo tiwai elama, tama augwaligo dabolo te Godide konealubo homu dąų wabo kolesaga ola mawai. Tama tibaso, dago me te ususu si yainogo uda yabo bidi tiwai eyu, te tigidali sęgę yai nai guda sąyao, te dade dąų wabo dwai kolesaga tigidali me te dago guda sąyao. Tama dena homu dąų ilama, tama Godigo dabolo sa muyu uda yao wali madi sabolainogo da bomonama te dąįba uda iyąo.

Jopgo Po Asęani Elalubo Buku 2:4

Te po obaso, Satango te po wei ponoyu, te po wali, “Mu tamawe? Tiali goli, eno homugo bidi me aga bugagia bidaibao homu eyu da, teda te bidi aga tigidali nai menama, aga bidibo ula abelaibao.

Matyu 4:18

Te me sogo Jisas te Galili sigi wę sesegedu pobadi, tama agai te augwali ama name si suali, te bidi me nogi Pita, me aga ama, Andru, augwali sigo te sųgų sabo wa te sigi węba sąbo sę yai. Te augwali sigo te sųgų selama mone sabo bisnis sę yai dao.

Kolesaga Koneai Bidigo Pusali Po Elalubo Buku 3:6

Agai te nai hagawai gegabo sogo bodolu muyu, te hagawai nai tagalabo sogo bodolu muyu yali. Agai te nai doado bage bugagia muabo sogo bodolu mubadi, te nai dabe sela sąbo sogo bodolu muai dao.

Dwagi Yai Gesi Po Lukgo Asęani 12:23

Tubo nai da, sęgę menio. Tialima, bidi bidibo ula elalubode te sęgę elalubao. Gudabo ugwa dabede da, sęgę menio. Tialima, duga bidibo tigi elalubo da, te sęgę te ebao.