Godigo Sęba Tagala Palai Bidigo Po 27:15 - Godigo dwagi yai po buku

¹⁵ Tama te wali polo aselama, te geba bomo elama pogolama sabilali. Tama dago te wali asoboba geba guni dodolai hagede, sę bomo yali. Tiali goli, dago usu ebe. Tama te geba te waligo selasa pomai hagede tagalali.

Godigo Sęba Tagala Palai Bidigo Po 27:15 Referans Kwoze

Jems 3:4

Tama dagego homugo te moni geba sip, tede me bilibo kone palao. Te moni geba sip te genuai nai mu dao, tama tiyu bomai waligo te sip selasa, te tamu ąįdu bilibo dao. Tama te sip tolasa bilibo nai te dwasianu nai mu dao. Tiali goli, te sip tolasa bilibo bidi agai homugo gasaba painogo da, te bidi agai te sip tolasa pabo nai teba begelama pabo dao.

Godigo Sęba Tagala Palai Bidigo Po 27:27

Te moni waligo da selasa pelama, te tamu ąį nogi Adria tomode bilibadi, Sarere si silali. Te sogo huli tomode mu, te geba tomode sę ebo bidi dabe augwa homugo bulu me deli pąde elalubo homu yali.

Godigo Sęba Tagala Palai Bidigo Po 27:14

Tiali goli, tama pelama goli, moni wali mu polo asali, te Krit tǫba pedai badu asali. Augwaligo te tobage moni wali mu nogi ‘te giliga asoboba polobadu pobase nogo pedai badu asobo wali dao,’ nogi wabo da.

Godigo Sęba Tagala Palai Bidigo Po 27:16

Tama da te dwasianu bulu me nogi Kauda tǫ pąba asali, te tamu ąį tomode elalubo tǫ. Tama da uba pedai badu te bomai wali meni yai madigi pali. Tama te dwasianu geba moni gebade bono polobadu gebelama, kegasa asobo dao. Tama te moni gebade sę ebo bidi dabe augwaligo homugo ‘Te dwasianu geba hagaidali weyu, dago selama, moni gebaba muinao,’ wali. Tama augwaligo te dwasianu geba kegebo moni sę mu yali. Tama augwaligo te dwasianu geba kegelama, moni geba daiba munama, tama bonogo bugagia kęani. Te kęna silama, tama gasa bono me selama, te bono ąįba sąnama, a dologo badu solama, te bono gąų yai naigo selama, te moni gebade kęani, te geba dilide dąų olama, kęani. Te moni geba bomo te tiwai munama, da ma pali. Te moni gebade sę ebo bidi dabe augwali te waligo geba te Libia buluba pobogolo pobaso, augwali moni wi mu yali. Te nabis bulu dwai nagame yai kemi ebo pesagedu painu ebaso, wi mu yali. Tama tibaso, augwaligo te moni ugwa aiyaba dagala muani, te moni geba waligo naga tamu ąįdu olo dali sabilimainu tagalali.