Godigo Sęba Tagala Palai Bidigo Po 26:29 - Godigo dwagi yai po buku

²⁹ Tama Pol agai agabolo te po wali, “Dwasianu pogo ma, te bobobage pogo ma, te usu dao, magigo menio. Tiali goli, eno Godibolo po olama, nage dali, e po mibo bede bidibo we bidi me tigidali ena yaligia emainu ebao. Tiali goli, eno homugo dage ena kalabuside bidibo tiwai bididalio,” Polgo te po wai.

Godigo Sęba Tagala Palai Bidigo Po 26:29 Referans Kwoze

Efesus 6:20

Ena da te Godigo dwagi yai po pusubo bidi. Tama te tebo pode te ena kalabuside bidibao. Tama tibaso, ena te wi ebo homu aiyaba kęna sigulumainu tama ena te bomo elama te Godigo wiegi yai po pusumainu dagego God hanalu wabo po wao.

Kolosi 1:28

Tama tibaso, dago Kraisde po te tigidali bidibolo pusubo dao. Dago homugo tigidali we bidi deli deli augwali Krais dali wadolama, tama bugagia holama, tama wiegi yai we bidi mu bidimainogo eyu, tama dago augwali Godibolo mawaibao, bidigo aga wiegi yai nai ofa te Godibolo mabo tiwai. Tama emainogo dago tigidali wiegi yai homu kolesagago augwali ola mayu, tama dua dao, e pode geda mugio, te tobage po weyu dago tigidali we bidi Kraisde po ola mabo dao.

Polgo Po Pas Rom Dabeba Asęani 10:1

Eno ama dede dabeo, eno homu dene eyu tama te Godigo te eno hani Israel bage augwali ma dobola somainogo ebo homu godolo mu elama, tama sesemane sogo eno Godibolo gedu haluasa po tede bomonama wabo dao.

Godigo Sęba Tagala Palai Bidigo Po 21:33

Tama te ami tobolu bidi aga Pol pageba aselama, Pol nogo tuali. Tama enesigi bidi me badubolo te po wali, “Te bidi dagego aligabo bono si selama, te bidi nogode kęao.” Tama agai te Juda bidi hanibolo te po hanalu wali, “E bidi dewe? Agai dwai magi sę yaliwe?” wali.

2 Korin 11:1

Te dageba nosali asali bidi dabe augwaligo augwa digi augwa nogi ugwaba siyu, tama homu kolesaga meni yani po wali goli, dagego augwali tede tagalao wabeo. Tama tibaso, eno homugo dagego ena me gogolama, tama eno te homu kolesaga meni yai po dwasianu waio. Awe, dagego ena gogolao.

1 Korin 7:7

Te eno homugo tigidali we bidi te ena digi tiwai bidimainu homu ebo dao. Tiali goli eno koneani, te Godigo tigidali bidi deli delibolo te haniani sę yabo kolesaga mani. Te me deligo te gasa tobage me tiwai tedali siyu, te gasa mego te gasa tiwai tedali sali.

1 Korin 4:8

Awe, dagego homugo te dagego haliga pągąna palio! Dagego homugo te dage tigidali nai elalu tama dage usu yai elalubao. Te dagego da aiyaba elaluama, tama dage te gavman tuni bidi king tiwai pedalalio! Mu tama dawe? Woo, te duga homu naga dao. Eno homugo dage te tuni bidi king mu pedalomainao. Dage tama tigi sogo da, teda da me dage dali te tuni bidi dabego bomo elalugi da.

Godigo Sęba Tagala Palai Bidigo Po 25:14

Tama augwali si Sisaria be nanide hauwa sogonu bidama, te Festus agai te Pol po Agripabolo wali. Agai tama po wali, “Te kalabus bidi me deli bidibo, agai nogi Pol da. Tama Feliksgo te agai po tų silisąbaso, aga te kalabus bede bidibo.

Godigo Sęba Tagala Palai Bidigo Po 12:6

Te Herot agai homugo ‘Pita te we bidi gesabiba do kigamu odasa asaibao, po tų yai hagede,’ homu yai. Tama te sogo hulide Pita te tonaluabo enesigi bidi si tomode piai. Augwali sigo nogo dali Pitago nogo dali daganama, aligabo bonogo kęwai. Tama te kalabus be tųde tonalubo enesigi bidi dolaluali.

Dwagi Yai Gesi Po Jongo Asęani 5:34

Bidi mego eno wabo po tau sabo bidi elaluyu da, te usu da. Me ma, te tobage bidi meni baso da, te me usu da. Tialima, eno homugo Godigo dage ma somainogo. Tama teyu, eno Jon badi dagebolo me eno e po obao.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Te Israel me Juda Hani Sigo Tuni Bidigo Po Elalubo Buku Si 5:3

Nosali te Israel wegi ogwa wego te Namango webolo e tiwai po tama wai, “Tialima, te naga bidi aga pelama, te Samaria bulude bidibo profet bidi sugi pobaso da, teda te dwagi yai mu yaibao. Magi baso meni, te profet bidi agai nago bidi te gasi ma usu ilaibao,” wali.

2 Samuel 18:33

Kingo te po odolama, tama aga haliga dwai mu elama, tama aga hogodasa peyu, te obo bagulali sunumi te elalubo pąde daiba te be habu tomoba pelama, tama aga gela udali. Tama aga ugwaba holiyu, te tama tiwai i wali, “Te eno ogwa, Apsalom o. Eno ogwao, eno ogwa, Apsalom. Te eno nage hasegeliyu, te ena isigi sogo da, te wiegi yai mu igi dao. O Apsalom, eno wai o, eno wai o!”

Israel Hanigo Namba 11:29

Tiali goli, Mosesgo te po wei ponoyu, e tiwai po wali, “Nago homugo ena bidi mebago hasegelaiba homu sęgę ebawe? Homu sęgę tagalao. Eno homugo Genuai Bidigo agai mobo bidi tigidali we bidibolo menama, tama tigidali we bidigo profet bidigo po omainao.”

Ma Dobola Sali 16:3

Augwaligo te bidi si dali te po wai, “Dago homugo Genuai Bidigo da Isipde eligi sogo da, usu igi dao. Polobadu da Isipde bidibadi, mena tiwai nai dabe, me hasa mi me, te dago homugo digi sai dao. Tiali goli, dage sigo da e nai meni yai wa pai buluba odasa asai, tama dage sigo homugo da nai sili bidilama, tama da tigidali isimainogo homu yai. Tama da Isipde bidibadi isigi sogo da, te wiegi yai mu igi dao,” wali.

Jeremaia 38:20

Tialima, Jeremaiago te po wai, “Augwaligo nage te Juda dabego nogoba me mugobeo. Menio. Nago te Genuai Bidigo nageba mayu, eno pedauwalide wabo po tigidali wali pali da, teda nage bugagia bidiyu, te augwaligo nage me ela mugobe dao.