Godigo Sęba Tagala Palai Bidigo Po 24:25 - Godigo dwagi yai po buku

²⁵ Tiali goli, Pol agai te po ola mayu, te po wai, “Tigidali we bidi dwagi yai doloba pai kolesaga mu elama, bugagia tonaluao, dagego dwai kolesaga egio.” Tama agai te po wali, “Godigo we bidi tigidali po tų yaibao,” wali. Tama te sogo Feliks agai te po odama, agai wi mu elama, agai Polbolo te po wali, “Nage megi te kalabus beba ma pao. Tama nosali me sogo eno sę meni baso, nage eno i obaso da, te nage ena pageba asagameo.”

Godigo Sęba Tagala Palai Bidigo Po 24:25 Referans Kwoze

Dwagi Yai Gesi Po Jongo Asęani 16:8

Tama aga asobo si, tama agai te tǫde we bidi augwaligo te dwai sęde geda muani sę augwalibolo hanilagasaibao. Tama agai augwaligo dwai sę ebo page ola mawaibao. Te doloba pai kolesaga page me, te po tų ebo page me, te Mobo Bidi agai augwalibolo ola mawaibao.

1 Pita 3:15

Te meni. Dage duga homugo “Krais aga da, dago Genuai Bidi mu dao” homu eyu, aga dologode mu bidao. Tama teyu, dagego duga homu hasia bugagia dodolama, tama me sogo bidi mego dagego Kraisde konealubo po page hanalu obaso da, dagego agabolo te konealubo po page bugagia ola mao.

2 Pita 1:6

Tama te kolesaga ebadi, te duga digi duga tigi dali homu dali si bugagia tonalubo kolesaga, te me yao. Tama te kolesaga ebadi, e kolesaga me yao, te dagego dene hauwa sogo bugagia tolao. Tama dene bugagia tolobadi, dagego Godigo kolesaga naga dolo mu wali pabo kolesaga yao.

Galesia 5:23

te imilai bidigo ebo homu kolesaga me, te dago homu kolesaga bugagia tonalubo kolesaga me, te tobage kolesaga tigidali te Godigo Mobo Bidi agai dago homude hodolobo dao. Tama te tobage dwagi yai kolesagade te bomo yai po me deligo habu selebeo.

Godigo Sęba Tagala Palai Bidigo Po 10:42

Tama dabolo agai bomai po mu mawai dao. Agai ‘Te dwagi yai po te tigidali we bidibolo ola mao,’ wali. Godigo Jisas dąį ilama, tigidali bidibo we bidi me, isali we bidi me, aga po tų yabo bidi nigilama, bidibo. Te sę ebo po me dago te we bidibolo pusa mawaibao.

1 Jon 3:7

Dage eno dwasianu wai dabe, dage dua dao. Dage bidi me deligo tibo po ola maidali weyu bugagia suao. Dwagi yai doloba pai kolesaga ebo bidi, te doloba pai bidi dao, te Krais aga dwagi yai doloba pai bidi tiwai dao.

Jems 2:19

Tama nago konealubo po dąų wabo homu tama yai, “Te God deli digi bidibao,” wai. Te homu wiegi yai dao. Tama tiali goli te usu menio. Te dwai haubo noma bidi augwaligo me te homu tiwai ebo dao, tama te pode augwali homu didibili eyu midigi sabo dao.

Hibru 9:27

Tama te tigidali we bidi dabe augwali deli deli te deli sogo naga isaibao, te isabo sogo sa muani, tama nosali te augwali Godigo augwali po tų ebo madiba pedalaibao.

Hibru 4:1

Godigo dąų wali po megi me elalubao, tama agai tede te po wai, “Dage eno te toma nabo nigilali te tomoba piagameo.” Tama tibaso da wi me yao. Tiyu Godigo gedude dage tomode me deli te tų geda muyu, tama te toma nabo pesage tomoba pabo usu egobeo waidali weyu, dage dua dao.

Hibru 3:13

Tama tiwai pedalidali weyu, megi e sogo Godigo nogi yali “te megi” te me elalubadi, tigidali sogo deli deli dagego wiegi yai po te ama dedebolo mayu, tama augwali homu hodoloyu tau sao. Duga hasi tama tiluao. Tiyu te sęgę sabo kolesagago dage tomode bidi me deli ili po ola mayu, tama te sęgo aga olo palia selamuo.

Galesia 3:22

Tialima, te tobage bomo yai po elalubo menio. Tama te Godigo po bukude augwaligo te po asęani, “Te tigidali tǫde bidibo we bidi augwaligo Godigo bomo yai po boludubo dao. Tama te kolesaga ebogo augwali mu dagana selama, tama augwali te sę tomode kalabus bidi tiwai dao,” te po asęani. Tama te asęani po odama, tama dago koneani, te bomo yai po wali pabo tų te usubeo. Tama tibaso, te pabo tų me deli naga elalubao. Godigo polobadu te po wai, “Niwai we bidigo homu kolesaga Jisas Kraisde dąų wabo we bidi eno augwali dali te doloba pai bidi da waibao,” te po dąų wai. Tama da dena homu tigidali agaba muyu da, teda da doloba pai we bidi te Godigo gedude pedalaibao.

2 Korin 5:10

Magi baso meni. Dago koneani, da tigidali te Kraisgo po tųde hania hanilama pedalaibao. Tama da megi e bidibo tigi dali bidiyu tama wiegi yai kolesaga ebaso, ma dago dwai kolesaga eyu me yali da, teda da tigidali deli deli te dena yali kolesagade usu nama tama dago te tiwai saibao.

1 Jon 3:10

Edao. Te Godigo wai dabe dali, te Satango wai dabe dali, augwali dagalama hania koneabo tų e dao: dwagi yai doloba pai kolesaga wali pisąbo bidi, aga te Godigo wai menio. Tama aga ama dali dwagi yai homu eyu godolo isąbo bidi, te bidi me aga te Godigo wai menio.

Polgo Si Wali Pas Timotiba Asęani - 2TI 4:1

Timoti, te God de Krais Jisas si gedude eno nagebolo e moni sęgę yai po bomo elama wainogo ebao. Krais Jisas agai te tigidali we bidi, te bidibo ula elalubo bidi badi, te isali bidi dabe dali me po tų eyu dagalaibao. Te aga tǫba ma asiyu, tama tigidali bidi geduba pedalama, tama tuni bidi mu bidaibao. Tama tibaso, eno e sęgę yai po bomo elama nagebolo obao, nago Godigo po mu pusao. Tama te po odainu sisi elalubo bidi dabe ebaso, ma augwali sisi elalusiąbaso me, te homu eyu tagalao, te sesemane sogo nago te Kraisgo po bomo elama pusubo sę yao. Nago te augwali homuba te po eniyu, te augwali homu begelemainu te augwali hodolao. Augwaligo dwai sę ebaso, tama nago te pogo te dwai sę tagalabo po augwalibolo pusao. Nago te augwaligo Godigo kolesaga wali pomainu homu hodolao. Tama te tobage haniani sę eyu, sesemane sogo nago augwalide sę dua digi eyu, sębę polo isąyu tama augwali bugagia ola mao.

2 Korin 6:2

Magi baso meni. Polobadu Godigo aga we bidi hanibolo te po wai dao, “Te eno bodolu mani wiegi yai sogo, eno nago po odai dao. Tama te bidi dabe augwali ma dobola sabo sogode, eno nage tau sali.” Odao! Megi naga te bodolu mani wiegi yai sogo. Megi e sogo naga te Godigo da ma dobola sabo sogo dao. Tama tibaso, dagego agai olo mabo wiegi yai tau sabo kolesaga sula tagaligimio.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Godigo Sęba Tagala Palai Bidigo Po 24:15

Eno konealubo homugo God koneama, nosali we bidi tigidali gų pagede ma hodolaibao, te me badu we bidi dwagi yai kolesaga yali we bidi hani da, te me badu dwai kolesaga yali we bidi hani da. Tama te sę yabo sogo asobo eno tonalubao. Tialima, te Juda hani bidi me augwaligo te sę yabo sogo tonalubao.

Godigo Sęba Tagala Palai Bidigo Po 17:32

Te sogo Pol agai bidi me deli gų pagede ma hodaluali po pusubo da, bidi me badu augwaligo te po gisugu mani. Tiali goli bidi me badu augwaligo agabolo te po wali, “Dago homugo nago te po dabolo ma pusa mao,” wali.

Godigo Sęba Tagala Palai Bidigo Po 17:2

Tigidali bulude bilu, Pol agai te Juda dabego bomo yai po ola mabo beba pabo koneai dao. Tama tibaso, Tesalonaikade me aga bilu, te beba pali. Tama agai Godigo bukude elalubo po nedama, aga Juda dabe dali po miani. Agai te sę Sabat sogode ela bilibadi, Sarere sela silali.

Godigo Sęba Tagala Palai Bidigo Po 2:37

Te we bidi augwaligo te po odobo si, augwali moni homu mu elama, Pitabolo me, tama me badu Jisasgo tagala palai bidi dabebolo me te po wai, “Hani bidi ama dede, da magi egowe?”

Hagai 1:2

Tama tialima Hagaigo te po te bidi sibolo pusama wai, “God Genuai Bidi, aga Tigidali Bomo Elalubo Bidi da, agai te po wai, ‘Te we bidi dabe augwaligo e tama po wabo dao, “Te Godigo tempel be ma sę ebo sogo, aga pedalisiąbo sogo,” augwaligo te po wabo dao.’ Genuai Bidigo te po wai,” Hagaigo augwali sibolo wali.

Habakuk 3:16

Eno te sę yali po tigidali odama, te ena midigi salio. Ena wi elama, te eno pedauwali me didibili yali. Eno nogo sągą bomo kimi meniama isali, te ena bomo meni yanio. Eno koneani, te God aselama, te da dolobo bidi dabe te dwai dene ilaibao, tibaso ena dua digi bidiyu, tama te sogo pedalubo tonalubao.

Amos 6:12

Dagego homugo te hos kibu dabe te genuai masigi dabe daidu ugwadu udada pabo usu yaiba, agawe? Te menio. Ma, dagego homugo te genuai masigi ugwadu daide te bulmakau dabego te gi tǫ elebo dono kegebo usu yaiba homu eba, agawe? Menio. Te kolesaga dabe mu geda mubao. Tiali goli, te dagego te tobage deli tigi poai kolesaga naga ebao. Dagego te po tų ebo doloba pai kolesaga te bidi isilibo nabi tiwai pedalubao. Tama dagego te wiegi yai kolesaga te dwai ha ebo nai tiwai pedalubo dao.

Amos 5:24

Tialima, eno homugo dagego te po tų ebo kolesaga dolo naga eyu, te gasa wiegi yai doloba pai kolesaga dabe naga eyu, tama te kolesaga sesemane sogo mu elaludu, te me sula sisąbo genuai wę me deli elalubo tiwai elalubaso, usu dao,” wali.

Hosea 10:12

Eno te Israel me Juda augwaliba te tama po walio, ‘Dagego te dwai kolesaga tagalama, te doloba pai kolesaga wali peyu, te enaba lotu waiąo,’ wali, ‘bidigo te gesi gide tǫ elama, te nai bulama, te nai bugagia holama, te hauwa walobo tiwai yaibao,’ wai. ‘Megi te dage ena God duga Genuai Bidiba ma asobo sogo dao. Te dage enaba ma asali da, teda eno dage bugagia mu wiegi yai sę ilaibao.’ Eno dagebolo te po wai.

Hosea 10:4

Te king dabego da tau sabo po olo gani bole tiwai yali. Te augwaligo olodali dąų walobo po hauwa olama, tama augwaligo te olodali naga te gasa tǫ kantri king bidi dabe dali po minama, dąų walobo dao,” augwaligo te po waibao. Te Israel dabego te doloba pai kolesaga tagalu, te tobage dwai kolesaga naga ebo dao. Tama te tobage dwai kolesagago te dwai nosaide te bidi dolabo nai elalubo tiwai ebo dao. Tama tiyu, augwali tomode te po tų hauwa pedalobo dao.

Hosea 7:5

Te kingo nai daa tubo side, augwaligo te king aga ofisa dabe dali te bomai wę hauwa tumainu yaibao. Tama king me, aga ofisa dabe dali, te gęǫ page elama, te tobolu kolesaga meni yaibao.

Daniel 12:2

Tama Godigo te genuai hani isali we bidi ma hodolaibao. Meba augwaligo te sesemane sogo bidada peyu, bidada pabo wiegi yai ula saibao. Tiali goli, mebago te hale genuai mu elaluyu, tama augwali te sesemane sogo bidada peyu, bidada paibao.

Daniel 4:27

Tama eno homugo te megi eno nagebolo wabo po tiwai yao. Nago te sęgę munu ma sigio,” wai. “Nago te doloba pai kolesaga naga yao, tama nago te olo tau sabo wiegi yai homu te magi nai sǫą pabo we bidi dabeba yao. Dago konebeo, te nago te tama tibaso da, teda nage te bugagia bidiyu, tama nago ebo sę tigidali te wiegi yai naga pedalaibao, te nago nade suali sę nageba asogobeo,” Danielgo king bidibolo te po wai.

Esekiel 45:9

“Ena God Genuai Bidi eno te tama po wali. Dage Israel dabego tobolu bidi dabego dwai kolesaga tagaliąo. Dagego we bidi dabe dali bomonama dwai sę elama, tama dagego augwali aiyaba elaluai dao. Tama tialima, dagego te dwai kolesaga dabe tagalama, tama dagego doloba pai kolesaga naga dolo iyąo. Tama dagego eno we bidi augwa tǫde sela sąbo kolesaga tagalao. Ena God Genuai Bidi, eno te tama po wali dao,” wali.

Jeremaia 23:29

Ena Genuai Bidi, eno po dolo obao, eno po te isi tiwai elalu, tama te genuai hamago te masigi dabe haluama, te kakali pedalubo tiwai ebo dao.”

Aisaia 61:8

Magi baso meni. Genuai Bidigo te po wai, “Eno te doloba pai kolesaga naga godolo ebao. Eno te bidi elama nai wi sabo kolesaga, me te gasa bageba dwai sę ebo kolesaga, te hagela mu ebao. Te eno we bidi dabe te gasa bidi dabego augwaliba mani dwai sę ebo sęgę hauwa tolali, te mu tama te megi eno augwaliba wiegi yai nai mu mawaibao. Te eno bomo yai po me deli augwali dali dąų walaibao, tama te dąų walali bomo yai po sesemane elalua paibao.

Aisaia 55:6

Megi da, Genuai Bidi te dage pąde bidiyu, dage tonalubao, tama megi sogo te dagego agaba gedu haluasa po weyu, te aga pąba pabo sogo dao.

Aisaia 41:21

Genuai Bidi, te Israelgo king dao, agai te tama po wai, “Dage te gasa bulu tǫ kantri god dabe, dage te po tų eboba asiąo, te po tų ebode dagego po odomainu yaibao. Te dagego pusabo po bugagia dodolao, tama te po tų eboba asao.

Aisaia 32:11

Megi da, dage wiegi yai te bidibao, tama dagego homugo dage wiegi yai te bidiba homu ebao. Tiali goli, dage noma selama, wi elama, tama duga wiegi yai ugwa dabe peda sąnama, tama hobedai ugwa dabe gudiagameo.

Aisaia 16:5

teda te sogo te Devitgo hani me deli me tuni bidi pedalaibao. Tama agai aga we bidi godolo mu elama, tama agai aga we bidi te doloba pai kolesagago naga tonaluaibao. Agai aga we bidigo homu sęgę elalubo po odama, tama agai polo dodolaibao. Tama agai wiegi yai kolesaga ebo bomo mu yaibao.

Aisaia 1:21

Mena tama te pedalaliwe? Hanu Jerusalem, polobadu nago eno po wali dolo pai dao. Tiali goli, megi da, nage penani we gaga wali. Tega! Polobadu nagede bidali bidi dabego te po tų dodolobo kolesaga dolo yai dao. Awe, polobadu nage te dwagi yai doloba pai kolesaga ebo bidi dabego pągąwai dao. Tiali goli, megi da, nage bidi ela mabo bidigo pągąyani.

Hibru 12:21

Augwaligo suali nai te dwai mu baso tama Mosesgo me te po wai, “Ena wi mu elama, tama eno tigi didibili mu ebao,” te po wai.

Polgo Po Pas Rom Dabeba Asęani 14:12

Tama agai tama po waligo da, teda da tigidali we bidi deli deligo te dago Godibolo te dago yali tigidali kolesaga page te po pusaibao.

Polgo Po Pas Rom Dabeba Asęani 12:1

Eno ama dede, eno homugo te Godigo da dali homu dene eyu tama haniani olo tau mani wiegi yai kolesaga genuai mu yali, eno te homu ebaso, eno e po megi dagebolo hanilibao. Bidigo hasa ela munama tama Godibolo olo mabo sę, te ebo sę nogi poai te ofa dao. Tama te tiwai gilama dagego duga tigi te Godibolo olo mabo ofa tiwai yao. Te tigi bidibo ula elalubadi tama dagego Godibolo menama, tama te God aga deliba naga mao, te dwai sę me isąwai nai ofa dao, tama dagego te Godigo godolo ebo kolesaga yaibao. Dagego tama tiyu, tama dage te tiwai God dologode bidiyu, tama duga lotu po mu te Godibolo waiyąo.

Polgo Po Pas Rom Dabeba Asęani 2:16

Eno te Godigo wiegi yai gesi po te we bidibolo pusubo si eno e po me pusubo dao. Odao, te Godigo te aga bomai po mani bage me, te bomai po sisąwani bage me augwali tigidali dali Godigo te po tų nosali yaibao. Tama tiyu agai te po tų dodolobo sę te Krais Jisasgo nogoba muyu, tama te bidi dabego geme ebo kolesaga osola suyu yaibao.

Godigo Sęba Tagala Palai Bidigo Po 26:28

Te bidi Agripa agai Polbolo te po wai, “Nago homugo te nago dwasianu wabo pogo ena Jisas wali pabo hani tomoba kegasa paibawe?” te po hanalu wali.

Godigo Sęba Tagala Palai Bidigo Po 17:13

Tiali goli, te Tesalonaika be nanide bidali Juda bidi dabe augwaligo te Polgo Godigo po Beria be nanide me ola mani po odobo si, augwali te Tesalonaika taga solama, Beriaba sabolai. Tede te Tesalonaika Juda dabego te we bidi dabe sisinama, dwai sębę yabo homu hodolali. Te homu hodolobo po obaso, augwaligo Pol dali, Sailas dali side dwai sębę yai.

Godigo Sęba Tagala Palai Bidigo Po 9:6

“Megi nage hogodama, Damaskus hanu tomoba pao. Tama bidi me deligo agai te nago sę yabo po ola mawaibao,” te po wai.

Matyu 22:5

Te sę ebo bidi dabego te po augwalibolo wagi pai, tiali goli augwaligo te po odobo hagela yali, tama augwali gasaba tedela pai. Me deli te aga giba pali, tama me te aga mone sabo sę egi pali.

Daniel 5:30

Tialima, te sogo hulide naga tama, te Midia dabe aselama, te Belsasar ela muagasali, te Babilon king dao.

Jeremaia 22:3

Genuai Bidigo e tama po walio. Dagego te wiegi yai doloba pai kolesaga naga iyąo. Te bidi me deligo gasa bidigo nai wi selama, agabolo sęgę mawai yai baso da, teda dagego aga tau selama, agai te sęgę silimainao. Dagego te tiana wai dabeba dwai sę igimio, te wilawe we dabeba dwai sę igio, te dage dali bidibo gasa tǫ kantri we bidiba me te dwai sę igio. Tama dagego te bulu we bidi dabe odolali me ela munamu dao.

Aisaia 66:2

Genuai Bidi ena digi, eno te dagalu me tǫ tigidali nai nigilama, te augwali pedelama, megi elalubao. Eno te tobage bidi dabeba bugagia haliga yaibao, te augwa digi aiyaba elaluama, te augwa yali dwai sęde homu dene eyu, enaba wi elama, te eno po dologoba aselama, bidibo bidi.”

Aisaia 1:18

“Odao. Da deliba sisinama, po mimainao. Dagego sęgę hauwa elalubadi me, tagala. Te dage te nala ugwa tiwai bidai goli, hoda naigo polo dolai dao. Ena Genuai Bidi, eno te po obao, eno te dage te tedela ais tiwai ma ilaibao. Awe, te hoda nai mu dąų wai goli, eno dage te tedela yai sipsip kibu nisi tiwai ma ilaibao.

Kolesaga Koneai Bidigo Pusali Po Elalubo Buku 12:14

Godigo dago ebo kolesaga tigidalide da po tų ilaibao, te wiegi yai kolesaga dabe me, dwai kolesaga dabe me, te geme dualama ebo kolesaga dabede me, da po tų ilaibao.

Kolesaga Koneai Bidigo Pusali Po Elalubo Buku 11:9

Dage gesi ogwa bidi dabe, dagego te dage gesi tigi elalubadi, wiegi yai pemene yao. Dagego te duga homugo godolo homu wali pobao. Tiali goli, dua da, Godigo dagego yali kolesaga te agai po tųde dagalaibao.

Kolesaga Koneai Bidigo Pusali Po Elalubo Buku 5:8

Gavman bidigo te magi nai meni yai bidi dabeba sęgę mabo nago subaso, te nage homu dwagila hogodigio. Ma, te po tų ebode augwaligo po bugagia dodolisąma, te olo bidi bugagia dugulaluabo sę isiąbaso da, teda tede noma sigio. Magi baso meni. Te kolesaga page e tiwai elalubao. Te ofisa dabego te tobage kolesaga ebao, augwali te augwa bos tonalubo bidigo osolama, te augwaliba sęgę muani. Tama te bos tonalubo bidi dabe augwali tobolu ugadu elalubo bidi dabe bidibaso, te augwaligo me te tobage deli tigi poai kolesaga ebo dao.

Bugagia Bidibo Kolesagade Po Asęai Buku 16:12

Te king dabego te dwai kolesaga ebo te hagela homu mu ebao, magi baso meni, te gavmanigo doloba pai kolesaga eyu da, teda te bomo elalueibao.

Godigo Nogi Ugwaba Sabo Tęąbi Po Wabo Buku Dabe 119:120

Ena nagede wi mu elama, tama ena didibili ebao. Eno nago po tų ebode homu kone palama, te wi ebo dao.

Godigo Nogi Ugwaba Sabo Tęąbi Po Wabo Buku Dabe 99:1

Genuai Bidi king bidibao. Te we bidi dabe wi elama, noma sai. Aga te sia kingde te ensel dabe daide dugulalubaso, tama te tǫ mali ebo dao.

Godigo Nogi Ugwaba Sabo Tęąbi Po Wabo Buku Dabe 72:2

Tama agai te nago we bidi dabe me, te dwai bidi dabe me, te doloba pai kolesagago tonaluaibao.

Godigo Nogi Ugwaba Sabo Tęąbi Po Wabo Buku Dabe 45:7

Nago te doloba pai kolesaga wei eyu, tama nago te dwai kolesaga te wei isiąyu, hagela mu ebo dao. Tama tibaso, naga Godigo digi, agai te nage sa muyu, tama agai nago nogi ugwaba mu muyu, tama nago nogi te gasa king dabego nogi aiyaba elalubo dao.

Godigo Nogi Ugwaba Sabo Tęąbi Po Wabo Buku Dabe 11:7

Genuai Bidi aga dwagi yai dolo mu dao. Tama agai te dwagi yai kolesaga ebo we bidi godolo mu ebo dao. Bidi augwaligo agai po wali pabo bidigo aga gesabidi sueibao.

Jopgo Po Asęani Elalubo Buku 29:14

Tigidali sogo eno doloba pelama, dwagi yai kolesaga naga wali pai dao. Tama te kolesaga te eno tigide dwagi yai au yai gudubo ugwa eno tigide muai tiwai yai dao.

Esra 10:9

Augwaligo te tama po pusulama, te sela sogo nosali, te 9 polua dei 20 wabode, te tigidali Juda hani we bidi, me te Benjamingo hani me, te Jerusalemba sabolama, tama te Godigo tempel be pąba sisinibo pesage teba sisinai. Tama te sogode te genuai tulubage tulama, tama te tigidali bidi te tulubage dolama, tama augwali gogo elama, didibili ilalio. Tama me te augwaligo te wainu yali pode te moni homu elama, tama augwali te midigi dwai siyu iduali.

Esra 10:3

Tialima, megi da, dago dena Godiba te dąų wabo bomai po weyu, te bulu badu sali we hani dabe te wai dabe dali sela sąnama, tama augwa page buluba ma tagala palaibao,” po wali. “Nage dali, te gasa bidi dabe daligo te Godigo bomai po wali pabo bage, te dagego te dago yabo tigidali sę po te dabolo walao,” po wai. “Tama dago te dagego po wali peyu, tama te kolesaga te Godigo bomai pode wali gilama te dago tama tiaibao.

Te Israel me Juda Hani Sigo Tuni Bidigo Po Elalubo Buku Si 22:19

nago koneanio, te magi nai sę eno dagebolo olama, tama te Jerusalem dali, te Jerusalem taunde bidibo we bidi dabe augwali dali yabo sę po, eno e tama po obao, Jerusalem bulu dolaibao, tama te Jerusalem te olo bulu mu elaluaibao. Tama te gasa hani we bidi dabe augwaligo homugo te dwai po te augwa boi bidi dabe dali weyu, augwaligo e tama po waibao, “Dage te Jerusalem taun bulu dolali yali gilama dage me tama dolao,” waibao. Tialima, te king, nago te e tama po odobo sogo tama te nago hani we bidi dabe dali yabo sę po da, nage haliga begelama, tama te eno gedude naga digi aiyaba elaluali. Tama me te naga bulubo ugwa pisalama, tama gela weyu, tama ena i wai dao. Tama teyu, megi ena Genuai Bidi, eno po obao, eno nago i wabo odalio.

Te Israel me Juda Hani Sigo Tuni Bidigo Po Elalubo Buku Deli 21:27

Ahapgo te Elaijago po odali sogo da, teda aga homu dwai dene mu yalio. Agai aga ugwa pisilama, te homu dene ola mabo ugwa gudalio. Tama aga nai tubo habu selali. Tama aga hulide me te homu dene ola mabo ugwa dali piali. Aga moni homu hauwa mu elama, te aga homu pemene dali sę me ebeo.

2 Samuel 23:3

Te da Israel dabego God te genuai masigi tiwai elama, tama da bobegelalubao. Agai enabolo te tama po wai, ‘Te king God dologode bidiyu, tama te we bidi doloba pai kolesagade tonalubaso da,

1 Samuel 12:7

Tialima, dagego olo bugagia munama odalubadi, tama eno dage te Genuai Bidi gedude po tų ilaibao. Eno dagebolo te po obao, te Genuai Bidigo bomai sę elama, te dage me ma siyu, te duga wąį nǫų dabe me ma sai dao.

Godigo Sęba Tagala Palai Bidigo Po 24:26

Tama Feliks agai homugo Pol agai mone dualama, geme menama, agai kalabus ebo tagalamainu, te homu yali. Tama tibaso, agai Pol hauwa sogo i olama, aga dali po wali.

Jeremaia 36:16

Augwaligo te bukude nedali po tigidali odama, te augwali wi elama, te midigi dwai mu siyu, te augwa hasiba digi tonono palio. Tama augwaligo Barukbolo te tama po wali, “Mu tama dao, dago kingba te sę yabo po dabe pusugi paibao,” wali.

Taitus 1:8

Te menio. Tiali goli gasa buludu asobo we bidi agai augwali dali dwagi yai homu eyu bugagia gesebo bidi bidao. Tama agai dwagi yai kolesaga naga godolo eyu, tama tiyu dwagi yai homu dali yao. Aga homu kęnai bidi bidao. Aga te doloba pai bidi bidiyu, tama Godigo gedude aga dwagi yai bidi bidao. Aga digi aga bidibo te kolesaga bugagia tonaluao.