Godigo Sęba Tagala Palai Bidigo Po 22:27 - Godigo dwagi yai po buku

²⁷ Tama te ami tobolu bidi agai Pol sugi pelama, agai agabolo hanalu wali, “Nago nogi Rom gavmanigo bukude nogi elalubawe?” Pol agai “Awe” wali, “te mu dao,” wali.

Godigo Sęba Tagala Palai Bidigo Po 22:27 Referans Kwoze

Dwagi Yai Gesi Po Jongo Asęani 18:12

Te ami bidi hani dali, te augwa polalubo bidi dali, tama te Juda dabego enesigi bidi dabe dali, augwaligo Jisas nogo tulama, tama augwaligo bonogo agai nogo si tudi badu munama, kęai.

Godigo Sęba Tagala Palai Bidigo Po 22:26

Tama te ami genuai bidigo te po odama, aga te enesigi tobolu bidi dolo pageba mu pelama, te po hanalu wali, “Nage magi sę yabo homu ebawe? E bidi agai nogi te Rom gavmanigo bukude nogi elalubo da,” te po wai.

Godigo Sęba Tagala Palai Bidigo Po 22:28

Tama te enesigi bidi tobolu bidigo te po wali, “Eno Rom gavmanibolo mone ge hauwa mugo abelama, eno nogi Rom gavmanigo bukude asęnama tama elalubo dao,” wali. Polgo te po ma wali, “Mu tama dao, ena aya dali ida dali sigo nogi te Rom gavmanigo bukude muai dao, polobadu. Tama ena ame nani sogode te bidigo eno nogi me bukude asęani,” te po wai.

Godigo Sęba Tagala Palai Bidigo Po 22:25

Tiali goli, augwaligo Pol bono kęnama, bomai be tomoba pelama, augwaligo aga elai hagede, te ami genuai bidi me deli agai page pąde dolaluali. Tama te bidibolo Pol agai te po hanalu wali, “Dagego te po tų isąwai bidi olo dali elaibawe? Bidi me deli aga nogi Rom gavman bidigo bukude elalubaso, te dagego te bidi olo elamuo. Te Rom gavmanigo bomo yai pode tiwai po elalubo dao, hasia po tų bolo ebo da, te bidi dwai kolesaga yai yabo wenama suenu,” Pol agai te po wai.