Godigo Sęba Tagala Palai Bidigo Po 22:23 - Godigo dwagi yai po buku

²³ Tama augwali moni sębę mu ebaso, augwaligo moni po dagą olama, tǫ hogomu dali augwa gudubo ugwa dabe me selama, ugwaba sesayani.

Godigo Sęba Tagala Palai Bidigo Po 22:23 Referans Kwoze

2 Samuel 16:13

Devitgo te tama po ola silama da, tama aga dali, te aga hani bidi dabe dali, palio. Augwa te wali pali sunumi, te bulu du pąba pabo sunumi elaluali. Tama Simei te bulu du ugwadu soyu, tama Devitba dwai po wabo sę eyu, tama agaba te masigi me tǫ dulu sąbo sę yai dao.

Godigo Sęba Tagala Palai Bidigo Po 26:11

Tama hauwa sogo ena te Juda dabego bomo yai po ola mabo be dabe tomoba pelama, tama eno te augwali elemainu, eno bidi dabe me badu tagala palai dao, dene mawai, augwaligo Jisasba augwa homu mubo sę tagalomainu yali. Tama ena moni sębę mu elama, te Juda hani isąwai bidigo be nani dabeba peyu, tede te Jisasgo po wali pabo we bidi augwalibolo sęgę mawainu, gegegi pali,” Pol agai te po wai.

Godigo Sęba Tagala Palai Bidigo Po 7:58

Nogogo tulama, moni be nani bogoba sela sąyani. Tede augwaligo masigi dabe Stiven tigiba sąyani, aga ela mumainu eyu yali. Te kaunsilde tibo po wali bidi dabe augwa bulubo ugwa dabe osogo diąni, te masigi dabe bugagia sąmainu eyu, te Stiven tigiba. Te gesi bidi deli, agai nogi Sol, aga pageba te ugwa dabe augwaligo muani.

Godigo Sęba Tagala Palai Bidigo Po 7:53

Godigo dagalude sę ebo bidi ensel augwaligo Godigo bomo yai po dugabolo pusa mawai. Tiali goli, te po duga wali pabe dao,” Stivengo te po wai.

Kolesaga Koneai Bidigo Pusali Po Elalubo Buku 10:3

Te bidi te sunumidu naga bilali goli tagalao, agai kolesaga te tiwai gasa bidi dabeba ola mani, aga wiegi yai homu kolesaga elalusiąbo bidi dao.

Matyu 4:18

Te me sogo Jisas te Galili sigi wę sesegedu pobadi, tama agai te augwali ama name si suali, te bidi me nogi Pita, me aga ama, Andru, augwali sigo te sųgų sabo wa te sigi węba sąbo sę yai. Te augwali sigo te sųgų selama mone sabo bisnis sę yai dao.