Godigo Sęba Tagala Palai Bidigo Po 21:9 - Godigo dwagi yai po buku

⁹ Tama Filip agai wegi me si me si nama wegi bidali. Tama augwali genuai yai wegi goli, bidigo sabe. Tama te wegi dabebolo Godigo dwagi yai bomo menama, tama augwaligo Godigo po pusa mabo sę yai.

Godigo Sęba Tagala Palai Bidigo Po 21:9 Referans Kwoze

Godigo Sęba Tagala Palai Bidigo Po 2:17

‘Te Godigo te po wai, “Te e si sia sainu ebadi yaide, eno ena Mobo Bidi tigidali we bidibolo olo mu mawaibao. Tama menama, dagego ogwa dabe, wegi dabe augwaligo eno po pusa mawaibao. Tama eno duga gesi bidi dabebolo me me gasagi yai na dabe ola mawaibao, te monu dabe augwalibolo me.

Kraisgo Geme Dualali Sę Pedelabo Po Jonbolo Ola Mani 2:20

Tiali goli, eno te po me nage dali elalubao. Nago te we Jesebel nage dali bidibo we, agai ola mabo po dagego odobo dao. Te wego te po wabo dao, ‘Ena da, te Godigo nosali yabo sę po megi pusubo we dao.’ Tiali goli agai eno sę bidi dabebolo te penani ebo kolesaga wali pomainogo ola mayu, tama augwaligo te tibo god dabebolo ula mani nai tumainogo ebo dao. Te kolesagade te wego augwali ili po ola mabo dao.

Dwagi Yai Gesi Po Lukgo Asęani 2:36

Te Simeon agai wali po silibo si, te mosi dabe we me deli te Godigo po pusa mani profet we tiwai we bididuali, te we aga nogi Ana dao. Aga te Fanuelgo wegi dao, te Aser hani we dao. Te we mosi dabe mu dao. Te mosi we te Moni Lotu Be tempel tomoba asali. Te mosi we gesi tigi elalubadi bidigo selama bidali, te kibu be nogo a naga me badu nogogo si te 7 yia dao. Tama nosali aga bidi isaide, te agaduba naga bidali kibu be 77 bidali. Te aga bidi dali bidali kibu be dali deliba taluyu, te bidi sese me si me si tama me si me si, te 84 yia dao. Te we agai te Moni Lotu Be tempel taga pabo menio. Aga nai habu selama, Godibolo gedu haluasa po hanaludu bidama, Godigo sę me ulade eyu, hulide eyu yai dao.

Joel 2:28

Te Genuai Bidigo po ma weyu, te po wali, “Nosali te eno Mobo Bidi te tigidali we bidiba tagala palaibao,” wali. “Tama te dagego ogwa dabe me, wegigo me, te eno po te profet dabego po pusubo tiwai yaibao,” wali. “Te dage monu dabe bidi dabego te na eyu, te gesi ogwa bidi dabego me te na tiwai yaibao,” wali.

Ma Dobola Sali 15:20

Tama nosali, Genuai Bidigo po pusubo we Miriam, te Aron aga abe, agai te dwasianu kilikili wabo habili tiwai nai musik sali, te tigidali we dabego me te tobage habili tiwai nai musik selama, te Miriam pabo wali pai. Tama augwaligo te musik dabe eliyu, tęąbi eyu, tigi bebege eyu, danis me yai.

Godigo Sęba Tagala Palai Bidigo Po 13:1

Te Antiok bulude, te Jisasgo po wali pabo bidi tomode, te Godigo po pusa mabo bidi profetgo pusubo po tiwai po wabo tiwai bidi me badu te bulude bidali, te Godigo po te we bidi augwaliba ola mabo bidi dabe me badu me bidali. Te bidi dabe augwaligo nogi me Barnabas, me Simeon, agai nogi me Husugo Bidi, me bidi Lusius, agai page bulu Sairini, me bidi Manain, te moni gavman bidi Herot aga age, tama me bidi nogi Sol.

Nehemia 6:14

Tama tibaso, eno gedu haluasa po wali, “God, nago megi te Tobia de Senbalat sigo enade yali kolesagade homu koneama, te augwali sibolo dwai dene mao. Tama nago te profet we nogi Noadia me homugo koneyu, te gasa profet dabego me te ena wi iliyu, te haniani po wabo dao,” wali.

Te Israel me Juda Hani Sigo Tuni Bidigo Po Elalubo Buku Si 22:14

Te bidi dabe augwaligo te kingo po oda silibo si, tama augwali te Jerusalemde te gesi noma taun pedai baduba pelama, tama augwaligo te profet we me deli te gesi noma taunde bidibadi yaide, augwaligo te profet we dali po miani, te wego nogi e dao, Hulda. Hulda aga te Salumgo we da, Salum agai te pris bidi dabego te au dodobage gudubo ugwa mubo habu pesage tonalubo sę ebo bidi da. Salum aga aya te Tikvago ogwa da, tama aga wąį nǫų ogwa te Harhas. Tama te Huldago agai te bidi dabe augwaligo wali po oda silali.

Te Israel Tobolu Bidi Dabe 4:4

Te sogo te nosali pedelabo sę po pusali profet we me deli bidai, te we nogi Debora. Te bidi me deligo we, te bidi aga nogi Lapidot. Te sogo te we Deborago te Godigo homude mabo kolesaga te po te Israel dabebolo ola mawai.

1 Korin 7:38

Tama tibaso, bidigo te gesi wegi sabo, te agai wiegi yai kolesaga ebao. Tama te we sisąwai bidi, agai kolesaga te wiegi yai mu ebao.

Esekiel 13:17

Genuai Bidigo te tama po wali, “Tǫde bidio, nago te Israel we dabeba wado ilao, augwaligo te nosali pedelabo nai dabede po obao. Magi baso meni, te po da, augwa homude digi koliasa wabo dao.