Godigo Sęba Tagala Palai Bidigo Po 21:13 - Godigo dwagi yai po buku

¹³ Tama tiali goli, Polgo te po wei ponoyu te po wali, “Magi baso dage gela obawe? Dagego gela wagio. Tama dagego te homu sęgę ena magio. Suao, ena Jerusalemba pobao. Tama augwaligo ena kalabuside mubaso da, eno wi menio. Eno Genuai Bidi Jisasgo po pusa mobadi, augwaligo homugo ena elabo homu ebaso me, elemainao,” te po wai.

Godigo Sęba Tagala Palai Bidigo Po 21:13 Referans Kwoze

Godigo Sęba Tagala Palai Bidigo Po 20:24

Tama augwaligo ena elama isilibo eno moni homu menio. Te magigo menio. Tiali goli, eno genuai homu mu Genuai Bidi Jisasgo enabolo mani sę bomo elama mu yaibao. Tama te Godigo da homu dene ebo sę, te dwagi yai po eno tigidali we bidibolo augwaligo konealumai hagede bugagia pusa mawaibao,” Pol agai te po wai.

Filipai 2:17

Dagego duga homugo Kraisde konealubo po dąų wabo kolesaga ebo, te kolesaga ebo te Godigo gedude te dagego agabolo te ofa nai mabo kolesaga ebo tiwai dao. Tama bidi dabe augwaligo ena ela mugowe, mugobewe, te eno konebeo. Tama augwaligo ena ela muyu da, teda eno kaneme dali te dagego ofa mabo nai dali te si dago agabolo mawaibao, te polobadu bidali bidi dabego te wain ąį te ofa nai daiba gelali tiwai yaibao. Awe, tama tiyu da, teda usu da, eno tede dwagi yai homu pemene ebao, tama dage dali hodobo eno dwagi yai homu ebao.

Polgo Si Wali Pas Timotiba Asęani - 2TI 4:6

Magi baso meni, te ena isąma pabo sogo pąba yagasalio. Nago koneani, te polobadu te bidi dabe augwaligo te wain ąį gelama te Godibolo ofa mabo, te tiwai naga te eno kaneme gelabo sogo pąba yagasali.

Kraisgo Geme Dualali Sę Pedelabo Po Jonbolo Ola Mani 12:11

Tama te kibu sipsip wai aga isiyu aga kaneme gelebaso, tama dago ama dede augwaligo te dwai bidigo bomo aiyaba elaluai dao. Tama me augwaligo Godigo po gasa we bidibolo pusali, tama augwaligo te kolesaga yaligo me augwaligo te dwai bidigo bomo aiyaba elaluai dao. Tama te kolesaga ebadi augwaligo te homu yali, ‘Te Godigo po odobo hagela ebo bage augwaligo da eleyu da, teda te usu da, da wi egobeo,’ te homu yali. Tama te homu eyu, augwaligo augwali e tǫde bugagia bidabo te homu ebeo.

Kolosi 1:24

Ena megi e kalabus bede bidiyu tama dene sobao. Tiali goli eno dage tau somainogo eyu, tama te dene sobaso, eno dwagi yai homu ebao. Magi baso menio. Da Godigo po odobo we bidi da, te Krais aga tigi tiwai bidibao. Tama aga tigi tobade te dene tolobo sę me elalubao. Tama eno tigide te dene me sobaso da, teda eno te agai aga tigi tau sabo dene meba toloyu, tama te dene silibo sę eno tama tau sabo dao.

2 Pita 1:14

Tama eno koneani, dwasianu sogo digi te eno e tigi tagalaibao, te dago Genuai Bidi Jisas Krais agai tama tiabo po enabolo pusalio.

Godigo Sęba Tagala Palai Bidigo Po 20:37

Tama augwali tigidali sisinama, Pol pagea selama, sebedi usu eyu, gela wali.

Godigo Sęba Tagala Palai Bidigo Po 5:41

Tega sigo te kaunsil be tagalama pali. Tama te kaunsil bagego elali goli, mu ma bugai homu yali. Tama augwaligo te homu yali, ‘Da Jisasgo po wali pobaso, Godigo usu da olama, da te bidigo gedude naga moni hale mu selama, Jisasgo sę tau sali,’ te homu yai.

Kraisgo Geme Dualali Sę Pedelabo Po Jonbolo Ola Mani 3:10

Nago eno po wali peyu, tama sęgę nageba pedalobode te nage bomo elama dolaluai. Tama tibaso, nage eno bugagia tonaluyu, tama te usu sabo sę te tigidali we bidibolo te tigidali tǫde pedalainogo eyu, te sę nagebolo pedalidali weyu eno nage paliaibao.

Polgo Si Wali Pas Timotiba Asęani - 2TI 1:4

Te eno nage Efesus bulude tagalali sogo te nago homu dene ebaso nago gedude ąį gelali. Tama tede eno homu ebaso, tama eno homugo eno dwagi yai homu pemene yainogo eyu, eno nage suabo homu godolo mu ebao.

1 Korin 15:31

Ama dedeo, te tigidali sogo te ena dali boi homu ebo bagego dene mabo homu ebaso, te tigidali sogo deli deli ena isigowe, te eno konesiąbadi ena tama bidibo dao. Te po mu po naga dao, te eno dagede ebo homu te mu tama dao tiwai. Mu tama, da tigidali dago Genuai Bidi Krais Jisasde tia selama bidibo tama eno wiegi yai homu pemene dagebolo mu ebo dao.

Godigo Sęba Tagala Palai Bidigo Po 9:16

Tama ena digi aga ola mawaibao, agai ena nogi selasa pelama, tigidali we bidibolo pusa mawaibao, te me me sęgę, me me sęgę aga pageba asaibao,” Genuai Bidigo te po wai.

Filipai 2:26

Agai dwai homu mu eyu, tama agai homugo aga dageba polo paio wabo. Magi baso meni, dagego aga gasi yali po odali, te po agai odali. Tama agai te po odama, tama dagego agade moni homu idali weyu aga dagede homu dene eyu dage sugi pabo homu eyu bidibao.

Jona 1:6

Tama te sip guni tubo kepten bidi agai te Jona gegela sulama, tama agabolo te wado po wai, “Magi baso nage pila mubawe? Nage hodaluama, tama naga god i wao. Te agai da homu dene elama, tama da tau sabo homu eyu da, te da me isigobeo,” wali.

Esekiel 18:2

“Dage Israelgo godolo ebo po begelama wabo po me deli e tiwai da, ‘Te aya idago te tau isąwai ni wain du tubo da. Tiali goli, te augwaligo wai dabego pedauwalide ha ebo da.’ Magi baso dagego te tobage po wabo dawe?

Aisaia 3:15

Dego dagebolo obaso, dagego eno we bidi agalama, tama nai meni yai bidi dabe dolaliwe? Ena Genuai Tigidali Bomo Elalubo Bidi, eno dagebolo dolo obao. Dagego dwai kolesaga mu yali.”

1 Samuel 15:14

Tiali goli, Samuelgo te po agabolo wai, “Mu da, agawe? Tama magi baso eno te bulmakau me sipsip dabe hwa wabo odobawe?”

1 Samuel 1:8

Tama Elkanago agabolo te tobage po hanalu wali, “Hana, magi baso nage gela obawe? Magi baso te nage nai tusiąma ebawe? Tama magi baso nage sesemane sogo haliga sęgę elaludubawe? Mu tama, nago te wai me ame nabeo. Tiali goli, eno homugo nago ena godolo ebo homu mu ebao, tama nago te wai ogwa nogo si ame nabode te homu tagalama, te nago homugo ena te nago polalubo bidi bidimainu te homu ebo dao,” wali.

Jeremaia 40:1

Nebusaradango Jeremaia olo pomainogo tagala palama, te tudi badu nosali Genuai Bidigo Jeremaiabolo po mawai. Te Babilon dabego te Jeremaia dali, te Juda we bidi dabe me, Jerusalem me selama, augwali te sengo kęnani, te augwali Babilonba kalabus odasa painogo tialio. Tialima, augwali te Rama taunba sabalobo sogo, te polalubo ami tobolu bidi ofisa Nebusaradango Jeremaia te augwali dali bidibo suali, te agai aga te olo tagala palu pao wali.

Tuni Bidi Dabego Po Elalubo Buku Deli 11:18

Te bomai ami bidi selago te po odama, te augwali hogodama palio. Te Filistia dabego te Betlehem taun tomoba pabo sunumi tonalubadi goli, tagalao, te ami selago augwali sela sąnama peyu, Devitgo te po wali ulu ąį tugi palio. Tama augwaligo sela asama, Devit magasali. Tiali goli, aga te wę tuainu yali te aga hagela ebaso tubeo. Menio. Agai te selama, te Genuai Bidiba ofa tiwai eyu gelalio.