Godigo Sęba Tagala Palai Bidigo Po 20:9 - Godigo dwagi yai po buku

⁹ Tama gesi bidi me deli te windo tų me delide dugulaluali, agai nogi Yutikus. Tama Pol agai bobobage po pusubadi, te bidi godege magani elama, piali. Tama aga mu piai madigi, buluba tula muani, aga digibulu mu tama tǫba tuloluali. Augwali aiyaba dulama, tǫba pelama, suali, aga osawali, te bidi mu isai suali.

Godigo Sęba Tagala Palai Bidigo Po 20:9 Referans Kwoze

Dwagi Yai Gesi Po Makgo Asęani 13:36

Tiyu aga te deli sogo naga mu polo tama asiyu, te dage pila mubadi aga asidali weyu, tama dage tonaluyu bidiąo.

Godigo Sęba Tagala Palai Bidigo Po 14:19

Te nosali te Juda dabe me badu Pisidia tǫde bulu me si elalubo, me nogi Antiok, me nogi Aikoniam. Te bulu side Pol dali Barnabas dali si polobadu osogo bidali. Te Juda dabe augwali tedu te Listra buluba aselama, augwaligo tigidali we bidi homu hodolama, tama augwaligo Pol tigiba masigi sąwai. Masigi sąnama, tama agai mu isai bidi gagayali homu elama, augwaligo aga tigi be nani buluba kegasa pelama, mugi pali.

Dwagi Yai Gesi Po Makgo Asęani 9:26

Tama te dwai haubogo te dwai i weyu, tama agai te ogwa degelai sedu genama, tama te dwai haubogo te aga taga peyu tama palio. Tama te ogwa te isai bidi tiwai munaluali. Tama bidi hauwa augwaligo te po weyu, “Aga te isali dao,” wai.

Te Israel me Juda Hani Sigo Tuni Bidigo Po Elalubo Buku Deli 17:19

Tama te Elaija agai te po wei ponoyu, e tama wali, “Nago te wai enabolo mao,” wali. Tama tialima, te Elaijago agai te isali wai digi aga idago nogode agai selama, tama agai aga pibo be ugwa badu habuba selasa holali, tama agai te betba pilali.

Godigo Sęba Tagala Palai Bidigo Po 20:7

Te dwasianu Sarere pio te da deliba sisinama, te Jisasgo po wali pabo we bidi dabe me sisinama, nai bolo tuali. Tama Pol agai te we bidibolo Jisasgo po pusa mani. Agai te bobobage po pususu pedubadi, huli tomo mu yali. Magi basowe? Agai homugo do augwali taga paibao.

Godigo Sęba Tagala Palai Bidigo Po 20:8

Tama te po mibo be habu badu augwaligo sole umabo wawalo pali. Tama te be da moni sigi be da, te po mibo habu da ugwa badu mu.

Godigo Sęba Tagala Palai Bidigo Po 20:10

Tiali goli Pol aga udulama, tǫba dulali. Tama agai te bidi tigiba usu si elama, agai nogogo te bidi nogo si dua elama, tuali. Tama Pol agai tigidali we bidibolo te po wai, “Dagego te bidi homu dene baso, gela wagimio. E bidi bidibo. Megi ma hodaluama, bidaibao,” wali.