Godigo Sęba Tagala Palai Bidigo Po 20:7 - Godigo dwagi yai po buku

⁷ Te dwasianu Sarere pio te da deliba sisinama, te Jisasgo po wali pabo we bidi dabe me sisinama, nai bolo tuali. Tama Pol agai te we bidibolo Jisasgo po pusa mani. Agai te bobobage po pususu pedubadi, huli tomo mu yali. Magi basowe? Agai homugo do augwali taga paibao.

Godigo Sęba Tagala Palai Bidigo Po 20:7 Referans Kwoze

1 Korin 16:2

Te tigidali Sande dage tigidali deli deligo te hasia Sarere sę elama sali mone tede homugo koneama, tama te bugulama tama me badu te duga bede bugagia munalumainao, te tiwai saboao. Tama nosali ena sabolobode, teda dagego augwali maiabo mone gegebo sę me egobeo.

Godigo Sęba Tagala Palai Bidigo Po 2:42

Tama augwali wadolali we bidi augwaligo Jisasgo tagala palai sę bidi dabego augwalibolo po hauwa mu ola momaina homu yali. Tama augwali deli hani tiwai bidali. Tama augwali deli madi hodobo nai tubo da, augwali Jisasde homu dąų wai dao weyu yai. Augwali Godibolo hodobo po wabo da.

Dwagi Yai Gesi Po Jongo Asęani 20:19

Te Jisas wali pabo bidi dabe augwali Juda bidi dabe wi eyu, tama augwali bidibo te be tų dąų olama, augwali te be tomode bidai. Te sogo moni Sarere dao wabo sogo giliga iba dega sigi pai. Tama Jisas augwali bidibo digi tomoba dolaluagasai, tama augwalibolo te po wai, “Dagego homu dwagi yai elama, tama dage bugagia bidao,” Jisasgo augwali dali te po wai.

Dwagi Yai Gesi Po Jongo Asęani 20:1

Te Jisas gų pagede munama, si sogo bidilama, tama moni Sarere dao wabo side, tama te Makdala bulu we nogi Maria, te we aga gų pageba kigamu asai. Tama te bulu hulialubadi ganao. Tama agai suali, te ola be tų haluali moni masigi te halualubo agai subeo.

Kraisgo Geme Dualali Sę Pedelabo Po Jonbolo Ola Mani 1:10

Tama ena e bulude bidibadi, ena te moni Sarere ulade digi na tiwai ebadi Godigo Mobo Bidi agai enaba dagana sagaselama, tama ena tudi badu bidi me deligo po dage bomonama weyu i wabo odali, te genuai bu wabo nai yadogoli te biugel bu wabo odai.

Godigo Sęba Tagala Palai Bidigo Po 20:11

Pol te habuba ma holali. Tede aga dali te Jisasgo po wali pabo we bidi dali augwaligo homugo Jisas makone palama, te bret nai tuali. Tama te Pol aga te wali po wadolama, te po ola pedubadi, be posobode te po tagalama, aga pali.

Godigo Sęba Tagala Palai Bidigo Po 28:23

Tama augwaligo Polgo wabo po ma odomainu, dua yabo bodolu me muani. Tama we bidi hauwa mu Polgo bodolu mani digi asali. Pol agai te Godigo homugo we bidi tonalubo sę po augwalibolo pusali. Tama Pol agai Mosesgo polobadu asęani po dabe me, polobadu Godigo po sela bilali bagego asęani po dabe me, pusa mani, te po dali daganama pusali, te augwaligo Jisasde po mu daba homu emainu. Tama te po pusubo kigamu mu gagalama, pio muba sabolali.

Godigo Sęba Tagala Palai Bidigo Po 20:9

Tama gesi bidi me deli te windo tų me delide dugulaluali, agai nogi Yutikus. Tama Pol agai bobobage po pusubadi, te bidi godege magani elama, piali. Tama aga mu piai madigi, buluba tula muani, aga digibulu mu tama tǫba tuloluali. Augwali aiyaba dulama, tǫba pelama, suali, aga osawali, te bidi mu isai suali.

Dwagi Yai Gesi Po Lukgo Asęani 24:35

Tama augwali sigo te tigidali sę augwali sigo tųde suali po augwali dali wai. Tama te bidi sigo te po wai, “Jisas agai te giguai nai bret togolama, da si mawai, tama dadi sigo te sogo megi koneai, te Jisas dao,” augwali sigo te po wai.

1 Korin 15:10

Tiali goli Godigo olo mu tau sabo kolesagago ena tau selama, tama agai ena megi bidibo tiwai ilali, ena te aga sę ebo tagala palali bidi dao. Tama agai ena olo mu tau sali wiegi yai kolesaga te olo me hagabeo. Mu menio. Eno aga sę bomo mu elama yai, te gasa Godigo po sela pali bidi dabe augwaligo yali sę eno yali sę ebogo aiyaba elaluali. Tiali goli eno ena digi me ebeo. Menio. Te Godigo olo tau sabo wiegi yai kolesaga ena dali bidiyu, agai naga te sę ebo dao.

1 Korin 10:16

Te dago komunion tubaso da, dago te kapde gedu haluasa po olama tama Godibolo puba hwi po wabo dao. Te kapde elalubo wain ąį da tigidali deli deligo tubo si da, tebogo dago te bidi Kraisgo tigi kaneme dobayu tubo dao. Tama dago komunion tubadi, dago te dwasianu pebedama dobaba pabo bret, dago te bret tubo si da, tebogo dago te bidi Kraisgo tigi mi dobayu tubo tiwai ebo dao.

Godigo Sęba Tagala Palai Bidigo Po 20:31

Tama dage bugagia suao, te tiwai bidi gegabo. Tama dagego homugo eno yali sę tagalamuo. Ena dage dali bidibadi, te kibu be sela silai dao. Tama te hulide me, kigamu me, eno dagebolo dwagi yai tau selama, dąų walabo po ola mawai dao. Tama hauwa sogo eno dage moni homu dene elama, gela wai dao.”

Godigo Sęba Tagala Palai Bidigo Po 2:46

Tama augwali te Moni Lotu Be tempel tede sesemane sogo sisinagasu sisinagasobo da, te deli hani tiwai. Tama augwaligo sesemane sogo wiegi yai homu dali nai tuyu bidali, te augwa be dabede. Tama augwali wiegi yai homu dali nai tubo da.

Dwagi Yai Gesi Po Jongo Asęani 20:26

Te nosali a naga olama me badu nogo sela sogo bidai, tama Jisas aga wali pali bidi augwali te be tomode ma bidai, tama Tomas me augwali dali bidai. Augwaligo tigidali tų mu dąų ola silai digi, tama Jisas augwali tomoba dolagasai. Tama agai te po wai, “Dagego homu dua bugagia bidao.”

Dwagi Yai Gesi Po Lukgo Asęani 22:19

Te Jisasgo agai te diluai nai bret me selama, Godibolo nage usu dao olama, tama te nai bret nogogo togolama, aga bidi dabebolo dobawai. Agai te po wai, “E nai eno tigi mi dao. Eno dage tau somainogo mobao. Tuao. Ena isilama, dage nosali tama tuyu, ena konealu bidao,” te po wai.

Nehemia 9:3

Tama te sela auade te bidi mebago te augwa Genuai Bidi Godigo bomai po te augwaliba neda mobaso, tama te we bidi dabego olo bugagia muai. Tama nosali, augwaligo te augwa sęgę pusulama, tama Godiba lotu ma udubadi, te sela aua usu nama bidali.

Nehemia 8:3

Tama aga dolugulama, te bomai po te we bidiba te kigamu mu nedada pidubadi, te belo giliga tomo yagasobadi, te nai tubo siba usu nigi pai. Tama augwa te Esrago poba olo bugagia muai. Tama te olo bugagia munama, te po selama, koneabo usu ebo wai dabe, augwali me te sisinibo madide bidai dao.

Dwagi Yai Gesi Po Makgo Asęani 16:9

[Jisas te kigamu mu te sę polasa gagalobo sogo tede hodaluali. Tama aga hasia te Makdala bulu we Mariaba pedelai. Te we polobadu Jisasgo te dwai haubo noma bidi te nogo a naga olama me badu si elalubadi sela sąwani te we dao.

Godigo Sęba Tagala Palai Bidigo Po 16:10

Te sogo Polgo na gagawai elama, te sogo ena Luk da Pol dali munasa pali, tama dago walu dabe polo sisi elama, dago geba gegelama, Masedonia tǫba pai hagede. Dago koneai, Godigo da i wali, agai dwagi yai po tede bidibo we bidibolo ola momainu yai.

Godigo Sęba Tagala Palai Bidigo Po 20:5

Te bidi dabe tigidali augwali Pol dali pali. Augwali polasa pali, te Troas be nanide da asobo tonaluali.