Godigo Sęba Tagala Palai Bidigo Po 20:37 - Godigo dwagi yai po buku

³⁷ Tama augwali tigidali sisinama, Pol pagea selama, sebedi usu eyu, gela wali.

Godigo Sęba Tagala Palai Bidigo Po 20:37 Referans Kwoze

Polgo Si Wali Pas Timotiba Asęani - 2TI 1:4

Te eno nage Efesus bulude tagalali sogo te nago homu dene ebaso nago gedude ąį gelali. Tama tede eno homu ebaso, tama eno homugo eno dwagi yai homu pemene yainogo eyu, eno nage suabo homu godolo mu ebao.

Kraisgo Geme Dualali Sę Pedelabo Po Jonbolo Ola Mani 21:4

Tama agai augwaligo gedude elalubo gedu ąį omainogo deli deli hola sąwaibao. Tama te we bidi dabe augwali ma isigobeo, tama augwali homu sęgę ma isiąma, tama augwali gela weyu dene eyu ma egobeo. Tama te polobadu elaluali kolesaga tigidali pela silai dao,” te po wai.

1 Tesalonaika 5:26

Dagego tede bidibo Godigo we bidi dali dwagi yai homu eyu, tama augwalibolo nogo maiąo.

2 Korin 13:12

Te da Godigo we bidigo kolesagade, dage tigidali deli deligo te ama dede, abe dede dali wiegi yai homu elama augwali nogo mao.

1 Korin 16:20

Tama tigidali Efesusde bidibo ama dedego siade dao po dagebolo wali. Te da Godigo we bidigo kolesagade, dage tigidali deli deligo te ama dedebolo wiegi yai homu eyu augwali nogo mayąo.

Polgo Po Pas Rom Dabeba Asęani 16:16

Te Godigo we bidi dago ebo kolesaga te tiwai eyu, tama abagi homu eyu, duga hasi dage tigidali deli deligo te ama dede augwali pageiąo. Te Kraisgo po odobo hani tigidali augwaligo siade da po dagebolo ola tolobao.

Dwagi Yai Gesi Po Lukgo Asęani 15:20

“Te homu elama, te bulu taga pelama, tama pelama, aga aya pageba painu yai. Tialima, digibulu aga tomode asodubadi, aga ayago aga asobo suali. Tama ayago agabolo homu dene eyu, aya aga ogwanu pageba udulama pali, te nogogo pageali, te gesabide nono nani.

Kraisgo Geme Dualali Sę Pedelabo Po Jonbolo Ola Mani 7:17

Magi baso meni, te genuai tuni bidi duabo nai gesabide bidibo kibu sipsip wai, te aga digi agai augwali tonalubo bidi bidaibao, te kibu sipsip tonalubo bidi agai aga sipsip dabe tonalubo gilama tiwaibao. Tama agai augwali te ąį ulu pedalobo digi odasa pelama, tama augwaligo te bidabo ula yabo ąį saibao. Tama Godigo augwaligo gedude gela wali gedu ąį hola sabaso, tama augwali gela ma wagobeo,” te polalubo tobolu bidigo enabolo te po wai.

Godigo Nogi Ugwaba Sabo Tęąbi Po Wabo Buku Dabe 126:5

Te gela wabo sę eyu, te nai bulali bidi dabe, te augwa wiegi yai pemene elama, te inayu tau yali nai nosali saibao.

Jopgo Po Asęani Elalubo Buku 2:12

Augwali Jop pąba sabolisąma ebadi, augwaligo aga suali. Agai tigi mu dolai mu sulama, tama agai tigi gasagi yai mu elaluali. Hasia bolo te bidi Jop da te kuna konegobeo. Augwa ugwa pipisąyali, augwali hobede ebo ola momainogo, tama gela wabo gagalali. Tama augwaligo tǫ hogomu augwa tigiba ugwaba sąyani.

Esra 10:1

Esra te Godigo be sunumi pąba pelama, tama aga digi te tǫba degasa dulama, tama aga gela weyu, tama te dwai sę yali sęgę sela sąbo po pusalio. Agai te tama tidubadi, tialima te genuai hani Israel we bidi wai puluba te aga pąba sisinagaselama, tama augwali me te dwai homu dene ebo gela mu walio.

Te Israel me Juda Hani Sigo Tuni Bidigo Po Elalubo Buku Si 20:3

“Genuai Bidi, ena nage wali mu peyu, tama eno nago sę mu yai dao. Tigidali sogo eno nago homu godolo ebo kolesagadu naga wali pai dao,” wali. “Tama teyu, nago te eno te sę yaliba kone palama, tama nago ena isimainogo sula tagaligio.” Tama agai tama gedu haluasa po olama, tama aga gela genuai mu wali.

2 Samuel 15:30

Tama king Devit te homu sęgę mu ebaso, tama aga sągą nadoba su dia sanama, tama ugwa namego aga tobolu mesegaluali. Tama aga gela umabo sę elama mu weyu, tama peyu, te sunumidu wali palio. Te ugwaba holobo sunumi te Oliv bulu du bolama pabo sunumi elaluali. Tama aga dali pali we bidi tigidali, augwali me te augwa tobolu mesega selama, tama augwa gela wabo sę ela peyu, tama palio.

1 Samuel 20:41

Te ogwa pai madi, teda Devit hogodama, tama te masigi tudi badu geme dualaluali taga soyu asama, tama Jonatan pąba kidu sugunagaselama, tama aga tobolu tǫba sela sogo basi gulali. Tama aga dolugulama, tama augwa si nono nenama, tama gela wai. Tama Devitgo homu dene eyu, hobede ebo homugo te Jonatango homu dene eyu hobede ebo homu te aiyaba elalualio.

Tigidali Nai Gagalama Nigali Side 46:29

tialima Josepgo te agai po ola tolama, te aga karis sela asobosi, te aga aya tiąba peyu, te Gosen tǫba pali. Aga aya bidiboba sabolama, tama polo aga pagea sigi pelama, tama gela sesabi elama mu wali.

Tigidali Nai Gagalama Nigali Side 45:14

Tama Josepgo aga ama Benjamin pagea selama, tama gela wali. Benjamingo te aga ama bomonama pagea selama, tama gela wali.

Te Israel me Juda Hani Sigo Tuni Bidigo Po Elalubo Buku Deli 19:20

Te tama tilama, Elaija aga pobaso, te Elisa aga sę iduali tagalama, te Elaija pabo wali udulama, te agabolo te tama po wali, “Te ena ma begasa ma pelama, te eno aya idabolo dage tao po wagi pelama, te ena ma asobaso usu dawe?” Te Elaijago agabolo te tiwai po wali, “Te usu da, nage pao. Eno nage me paligobeo,” wali.