Godigo Sęba Tagala Palai Bidigo Po 20:28 - Godigo dwagi yai po buku

²⁸ Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Godigo Sęba Tagala Palai Bidigo Po 20:28 Referans Kwoze

2 Timoti 4:16

Tama naga digi ebo kolesaga me, te we bidi ola mabo sę te bugagia tonaluao. Tama tiduao. Nago tama tiyu da, teda naga sęgo digi nage dali nago po odobo we bidi dali ma dobola saibao.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

2 Timoti 3:2

Tama nago te Godigo we bidi tonalubo bidi nigiyu tama aga e tama bidao. Aga dolo mu bidao, tama te bidi dabe augwaligo agade te dwai sę ebo me gegegobeo. Aga te we deligo bidi naga bidao. Aga homu bugagia dodolama tama dulaluao. Agai aga digi kolesaga bugagia tonaluao. Aga subigila bidibo bidi bidamuo. Te aga te Godigo po odobo gasa buludu asali we bidi agai aga beba sabo bidi bidao. Tama aga te Godigo po ola mabo sęde aga usu yao.

Godigo Sęba Tagala Palai Bidigo Po 13:2

Tama augwaligo tubo nai osogo gisilama, Godibolo nage dwagi yai da obadi, tama Godigo Dwagi Yai Mobo Bidigo augwalibolo te po wai, “Te Barnabas dali, Sol dali si te tedali sę emainu tedali muao, te eno dąį ilali sę augwali sigo emai yaibao,” wali.

Jeremaia 3:15

Tama eno wiegi yai tonalubo bidi te ena kolesaga tiwai wali pabo bidi dabe nigilaibao. Augwaligo wiegi yai homude koneani kolesaga elalubao, te augwaligo dage bugagia tonalueibao,” wali.

Hibru 13:17

Te duga tobolu bidi dabe augwaligo dage tau sabo homu elama, tama augwaligo dage sesemane sogo tonalubo dao. Magi baso meni, nosali augwaligo digi yali sę po tigidali te Godibolo pusaibao. Tama dagego augwaligo ola mabo po wali pelama, tama augwali dologode bidao. Te dagego tama tibaso da, teda augwali wiegi yai homu pemene elama, tama augwa sę tulama sę eyu, tama augwali homu sęgę me egobeo. Tialima augwaligo dage tonaluabo te homu sęgę ebaso da, teda te tebogo te dage tau me sogobeo.

2 Timoti 5:17

Te Godigo po odobo we bidi hani tonalubo monu dabe, augwaligo te sę bugagia eyu da, teda te hanigo augwaligo nogi ugwaba siyu, tama augwalibolo te augwaligo sabo pe mone mayu, tama meba ugwadu manuma mao. Te tonalubo bidi dabe tomode te bidi dabe meba augwaligo te sę eyu, tama augwaligo me te Godigo po pusuyu tama te we bidi dabebolo ola mabo sę bugagia eyu te sę dene yali, te tobolu bidi dabe augwalibolo te manani masigi polasa mao.

1 Korin 10:32

Tama tiyu, dagego te Juda dabe me, te Grik dabe me homugo koneao, tama Godigo po odobo we bidi hani dabe me, tama dagego ebo sęde augwaligo God dali agai po dali si dali dwai homu idali weyu, dagego duga ebo kolesaga bugagia tonaluao.

Maika 5:4

Te tobolu bidi pedalubo si da, te aga we bidi dabe aga tonalueibao, te God, aga Genuai Bidigo bomode me genuai nogide te tama tiaibao. Tama te we bidi dabe bugagia bidaibao, magi baso meni, te tigidali bulu tǫ kantri dabede bidalubo bidi hani dabego te agai bomo koneaibao.

Filipai 1:1

Ena da Pol dao. Tama ena dali Timoti da si Krais Jisasgo sę bidi, da sigo e po te dage Filipai hanude bidibo Godigo po odobo we bidibolo asęna tolobao. Dage Krais Jisas dali wadolama bidu, tama e pas dagebolo me, te dage tonalubo bidi dabebolo me, te tonalubo sę tau sabo bidi dabebolo me, te dage tigidali Godigo po odobo we bidibolo tolobao.

Efesus 1:7

Te Krais aga ni pedaide isilama, tama agai kanemego te da dąų wali nai pisigina sąwai, tama megi da olo mu bidibo dao. Te po page e dao, te Jisasgo kanemede te God agai dago yali dwai dwai sęgę tigidali te mu sela sąwai dao. Godigo da dali yali olo tau sabo kolesaga te dwasianu menio, agai te kolesaga umabo mu da dali yai.

Dwagi Yai Gesi Po Lukgo Asęani 12:32

Jisasgo po ma wadolama, “Te dage ena dali bilibo bidi dabe, dage te dwasianu hani sipsip tiwai dao. Te dage wi egimio. Magi baso meni. Duga Ayago dagebolo po weyu, te aga dagego king bidibao po olama, Godigo dagebolo te we bidi tonalubo sę mawainu, dwagi yai homu elalubao.

Esekiel 34:31

Dage eno we bidi, dage eno sipsip kibu tiwai dao, tama dage ena tǫde bidiyu, tama eno dagebolo nai mabo dao. Tama ena dagego God bidibao, Genuai Bidi eno po polo wali.’ Te po augwalibolo pusao,” God Genuai Bidigo te po wali.

2 Timoti 3:5

Magi baso meni. Te bidigo aga digi aga we wai puluba bugagia tonalusiąbo bidi da, aga te Godigo po odobo we bidigo tobolu bidi bidibo te usu me egobeo.

Kraisgo Geme Dualali Sę Pedelabo Po Jonbolo Ola Mani 5:9

Tama augwaligo gesi tęąbi me tama wai, “Nago te buku selama, te dąų wali nai togobo usu mu dao. Magi baso meni. Augwaligo nage ela muani, tama nago isibo kanemego te bidi dabe augwali ma abelai, te augwali Godibolo mayu tiai dao. Te nago tigidali we bidi hanide we bidi meba abelali, te tigidali haniani po wabo bulude me, te tigidali haniani tigi yai bidi hanide me, te tigidali genuai tǫde bidibo bagede me te nago we bidi meba abelai.

2 Timoti 4:14

Polobadu te Godigo po pusubo bidi augwaligo nago nosali yabo sęde mu yabo po weyu, tama te monu dabe tobolu bidi augwaligo augwa nogo nago toboluba muani. Tama te sogo Godigo nago sę yabo bomo dali, homu kolesaga dali nagebolo olo manio. Te mani nai tagaligio. Te mani bomogo me, te homu kolesagago me nago naga sę yao.

Efesus 1:14

Polobadu Godigo aga we bidi dali wiegi yai kolesaga yabo po wai dao. Tama megi agai dabolo aga Mobo Bidi manigo da, teda agai tebogo dago konebo dao, te agai da sa muani, te agai polobadu wali po tiwai nosali mu pedalaibao. Agai aga Mobo Bidi dabolo mobaso, te nosali te Godigo aga sa muani we bidi mu selama, tama augwali aga dali hodobo mu olo bidaibao, te me dago hania konebao, tede dago homu si ebo menio. Tama tibaso, dago Godigo ula yai bomo elalubo nogi ugwaba sao.

Galesia 1:13

Te eno polobadu yali kolesaga te ena Juda bidi hani dali bidibadi yali sę po, te po dagego polo odai dao. Tama eno Jisas konesiąbadi, te Juda bidi hanigo Godibolo lotu wabo sę eno wali pai dao. Tama te tiwai bidibadi, te sogode eno Kraisgo po wali pabo bidi hani elala bilaluai, tama eno te hani tigidali mu ela silainu homu eyu bidaluali.

Godigo Sęba Tagala Palai Bidigo Po 20:29

Eno koneani, nosali te eno dage taga pabo sogode, te dwai bidi dabe dage tomoba aselama, dage dolaibao. Tama augwali te bulu yowi asobo ąǫ elama, te sipsip kibu wai elabo ąǫ yaibao.

Godigo Sęba Tagala Palai Bidigo Po 20:17

Te Pol Miletusde bidu, agai Efesusde bidibo Jisasgo po wali pabo we bidigo tobolu bidibolo agai pas me deli tolali. Te pasde agai te po wali, “Dage aselama, ena pageba asao,” wali.

Godigo Sęba Tagala Palai Bidigo Po 14:23

Tama tigidali bulude augwali sigo Jisasgo po wali pabo hani we bidi tonaluabo tobolu bidi dąį ilali. Tama nai osogo gisilama, Godibolo po olama, augwali sigo te tobolu bidi dabe Godigo nogode muai, augwaligo aga konealubaso.

Maika 7:14

Genuai Bidi, naga digi te naga dąų olama, sa muani we bidi dabe te naga tonalubo bidi bidao. Augwali te moni genuai dulu te wiegi yai tǫ elalubo bulu du dabe bagede bidibao, tama te gi bulabo wiegi yai tǫ me aiyadu elalubao. Tialima, nago augwaliba te wiegi yai tǫ elalubo madiba te gi bulugi pomainu yao, te Basan me Gileatde, te polobadu yali tiwai yao.

1 Pita 2:25

Tama polobadu dage te kibu sipsip tiwai eyu, augwali tonalubo bidi tagalama tama hagawai digi, megi dage ma geasa asiyu, te dage bugagia tonalubo bidi pageba ma asai dao.

1 Pita 2:9

Me ma, dage da, dage te sa muani we bidi hani dao. Bidi meba augwali te we bidi dali, God dali tomode bidiyu, tama pris bidi sę eyu, augwaligo Godibolo te dwagi yai nai ula mabo sę ebo dao. Tama te tiwai dagego me te dago genuai tuni bidigo sę ebo dao. Dage da, te tedali gasagi yai doloba pai we bidi hani dao, God aga we bidi hani mu te dage dao. Tama agai dage i olama, tama dage te hulia sai bidibo digi tagalama, tama agai wiegi yai ula yai buluba bidagasai dao. Tama dagego agai yali wiegi yai sęde po te gasa we bidibolo pusumainogo te agai dage sa muani.

Kolosi 4:17

Tama dagego te bidi Arkipus aga dali e po wao, “Te Genuai Bidigo nago nogoba muani sę sula tagaligio. Nage aga sę ebo bidi bidibaso, te mani sę bugagia silao,” te po Arkipusbolo wao.

Efesus 4:11

Tama aga digi agai naga agai te wiegi yai nai dabe bidi dabebolo e tiwai olo mawai: te agai meba bidi augwalibolo Godigo po sela pelama pusigi pabo sę yabo bidi nigilai. Bidi me badubolo agai wabo po ola mabo bidi te sęba muai. Bidi meba augwaligo Godigo wiegi yai po pusa mabo sę yabo bidi nigilai. Tama me badu bidibolo te Godigo we bidi hani tonalubo sę dali te Godigo po ola mabo sę dali emainu agai te sę augwalibolo mawai dao.

1 Korin 15:9

Magi baso meni. Ena da, ena te Godigo po sela pabo bidi dabe augwali tomode te dwasianu gagayali. Tama ena te bidi augwaligo te Godigo po sela pabo bidi nogi wabo usu me egi menio. Magi baso meni, polobadu eno te Godigo po odobo we bidi hani dolobo sę hauwa mu yai dao.

Dwagi Yai Gesi Po Lukgo Asęani 21:34

“Te dage dua dao, bugagia suao. Dagego tigidali sogo bomai wę tulama, aiyoge elamu dao. Tiyu dagego tigi tau sabo homu naga egio. Te tiwai kolesagago dage mesegelebaso da, teda te Bidi Mu asobo sogo dage polo asaibao, te enego hasa enebo tiwai yaibao.

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.

Hibru 12:15

Te ama me deli tula muyu tama Godigo te olo tau siyu mabo kolesaga tagalidali weyu dagego bugagia tonaluao. Tama tiyu dage tomode pedalobo ama me deli aga te ha ebo nedu du tiwai walama, tama dagebolo sęgę menama, tama dage God gedude meda yai pedelabuo.

Taitus 1:7

Magi baso meni, te Godigo we bidi tonalubo bidi te bidi agai Godigo sę tonalubo dao. Tama tibaso, te bidi aga dolo bugagia bilao, sęgę meni yai bidi bidao. Agai hagoma ebo kolesaga ebo bidi bidilamuo, tama agai sębę polo me elamuo. Agai bomai ąį hauwa tubo bidi menio, tama agai bidi dabe me elebo menio. Tama agai masigi dabe hauwa sabo homu eyu pesą ebo bidi menio.

Kolosi 1:14

Agai Ogwago te da dąų wali nai pisigina sąwai dao. Te po page e dao, agai yali sęde Godigo dago yali dwai sę sela sąwai dao.

1 Korin 11:22

Magi basowe? Te dagego nai tuyu wę tuyu yabo be elalubao. Te duga bede duga nai hasia tuao, tama nosali deliba sisinama te komunion nai tuao. Ma, dagego homugo te Godigo po odobo we bidi te olo nai tiwai da homu elama, tama dagego te meba nai meni yani ama dedebolo hale mabo homu eba, agawe? Tede eno mena po dagebolo wagawe? Ma, eno dage nogi ugwaba somainogowe? Menio. Te sęde te eno dage nogi ugwaba munu me sogobeo.

Dwagi Yai Gesi Po Makgo Asęani 13:9

“Duga digi te bugagia tonaluiąo. Te augwaligo dage te augwa kaunsilba po tų ela mawaibao. Tama augwaligo dage te Juda dabego bomai po odobo lotu be tomode elaibao. Te augwaligo ena nogi aiyaba elaluabo homu elama, tama augwaligo dage te gavmaniba me te tuni bidi gesabidiba dodolaibao. Tama tebode te dagego te Godigo gesi wiegi yai po te augwaliba pusa mao.

Matyu 16:18

Tama eno nagebolo te po obao, nage Pita dao, te nogi page te masigi dao, tama eno ena po wali pabo we bidi hani te masigi daide pedalaibao, te be me deli te genuai masigi daide sę ebo tiwai. Tama te we bidi hani augwali te dwai mobo bidi Satango we bidi ela muabo bomogo augwali me aiyaba elalugobeo.

Matyu 2:6

‘Te Betlehem hanu, te Juda tǫ tomode, te Juda bagego tuni bidi dabego gedude nago nogi te dwasianunu elalugobeo. Te mu menio. Te nagede genuai tuni bidi me deli pedelaibao, tama agai eno hani Israel tonaluabo bidi dao,’ te po asęani,” augwaligo te po Herotbolo wai.

Sekaraia 11:4

God ena Genuai Bidigo enabolo te tama po walali, “Nago sę te sipsip kibu dabe tonalubo bidigo ebo sę tiwai yao,” wali. “Te sipsip kibu dabe aga aya dabego te sipsip dabe ela tueinu ebo dao.

Esekiel 34:3

Dagego te sipsip ame pę tuyu, te augwaligo sipsip kibu nisigo nigai gudubo ugwa gudubo dao, tama dagego wiegi yai tumona pai sipsip kibu elama, te ili dali mi dali tubo dao. Tiali goli, dagego te sipsip kibu tonalubo menio.

Jeremaia 13:20

“Taun Jerusalem, nago gedu pedama, tama te not badu pedai tagalama, te nageba asobo bidi hani te nago tonao. Te nago augwaliba wiegi yai pemene eyu, te tonalubo we bidi augwali mena bidibawe?

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Aisaia 63:11

Tialima, nosali augwa te polobadu yali sogoba homu kone palali. Augwa te Moses me aga we bidi dabeba homu kone ma palama, augwa te tiwai po wai, “Te Genuai Bidi mena bidibawe? Polobadu agai te polalubo bidi aga we bidi dabe dali odasa asu, te tamu ąį nogeali Genuai Bidi mena bidibawe? Polobadu agai homu ogwa wai mobo te augwali dali bidimainu yai dao.

Bugagia Bidibo Kolesagade Po Asęai Buku 10:21

Te doloba pai bidigo pogo te bidi hauwa tau saibao. Tiali digi, te wiegi yai homu isąwani bidi dabe da, teda augwali te isaibao, magi baso meni, te augwaligo augwa bidibo kolesagade homu kone paliyu, dolo dagalobo menio.

Godigo Nogi Ugwaba Sabo Tęąbi Po Wabo Buku Dabe 74:2

Nago te naga hani bage dabolo te homu kone ma palao. Polobadu mu nago te naga we bidi da sa muai. Nago da ma abelama, tama da naga hani bidimainu yai. Nago te Saion bulu duba homu kone ma paliyu, te polobadu tede nage bidai dao.

Jeremaia 31:10

“Dage te me badu tǫ kantri hani we bidi dabe, dagego ena Genuai Bidigo poba bugagia olo muao. Tama dagego eno te po te digibulu bidibo we bidiba pusao, te tamu ąį u badu bidibao. Dagego te tiwai po augwaliba wao, ‘Genuai Bidigo te Israel dabe sela sąnama, tedela palali, tiali goli, agai augwali ma odasa asaibao. Te agai augwali bugagia mu tonalu, te tonalubo bidigo aga sipsip dabe tonalubo tiwai ebo dao.’ Te po wao.

Polgo Po Pas Rom Dabeba Asęani 16:16

Te Godigo we bidi dago ebo kolesaga te tiwai eyu, tama abagi homu eyu, duga hasi dage tigidali deli deligo te ama dede augwali pageiąo. Te Kraisgo po odobo hani tigidali augwaligo siade da po dagebolo ola tolobao.

1 Korin 6:20

Menio. Godigo te genuai naigo mu dage ma abelalio. Tama tibaso, penani sę isąyu, te dagego tigigo te dagego Godigo nogi ugwaba sabo kolesaga naga yao.

2 Timoti 3:1

E po te mu po dao: bidi me deligo te Godigo po odobo we bidi tonaluabo homu ebaso da, te bidi aga wiegi yai sę godolo ebao.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.