Godigo Sęba Tagala Palai Bidigo Po 20:24 - Godigo dwagi yai po buku

²⁴ Tama augwaligo ena elama isilibo eno moni homu menio. Te magigo menio. Tiali goli, eno genuai homu mu Genuai Bidi Jisasgo enabolo mani sę bomo elama mu yaibao. Tama te Godigo da homu dene ebo sę, te dwagi yai po eno tigidali we bidibolo augwaligo konealumai hagede bugagia pusa mawaibao,” Pol agai te po wai.

Godigo Sęba Tagala Palai Bidigo Po 20:24 Referans Kwoze

2 Korin 4:1

Godigo da homu dene eyu tau selama, tama te agai gesi dąų wali po pusubo sę dabolo mawai. Tama tialigo da, teda te sęde da bomo kimi isąyu me egobeo, te sę tagalabo homu me egobeo.

2 Korin 12:10

Tama tibaso, Krais tobade ena bomo meniama, tama te bidi dabego enade nogi dwai posobo po weyu, enabolo dwai sę ilama, tama haniani sęgęgo ena siyu, tama bidi dabe augwaligo ena doloyu dwai sogo enaba pedalobaso da, teda eno wiegi yai homu tede ebo dao. Awe, te ena digi bomo meni ebo sogo, te sogo naga eno homu Kraisba tialuyu, tama aga bomo eno sabo dao.

Godigo Sęba Tagala Palai Bidigo Po 21:13

Tama tiali goli, Polgo te po wei ponoyu te po wali, “Magi baso dage gela obawe? Dagego gela wagio. Tama dagego te homu sęgę ena magio. Suao, ena Jerusalemba pobao. Tama augwaligo ena kalabuside mubaso da, eno wi menio. Eno Genuai Bidi Jisasgo po pusa mobadi, augwaligo homugo ena elabo homu ebaso me, elemainao,” te po wai.

1 Korin 15:58

Eno ama dede muo, te da nosali ma hodaluama tama tebogo te isibo kolesaga aiyaba mu elalubaso, megi dage bomo elama bidiyu, tama wi homu eyu dwasianu ibaba kila selamuo. Te dagego Genuai Bidigo sę dene ebo, te olo me tagalogobeo, te sę ebogo aga du mu walaibao. Dagego te tiwai koneama, tama sesemane sogo dagego dago Genuai Bidigo sęde sę bomo mu yao.

Polgo Po Pas Rom Dabeba Asęani 11:6

Agai te olo tau siyu mabo wiegi yai kolesaga ebaso tama augwali sali. Tama agai te augwaligo yali sęde homugo te augwali me sabeo. Tama augwaligo te sę ebode te Godigo augwali siyu da, teda te olo tau siyu mabo wiegi yai kolesaga ebo te olo munu me ma egi menigi dao.

Godigo Sęba Tagala Palai Bidigo Po 14:3

Augwali si Aikoniamde hauwa sogo mu bidama, augwali sigo Genuai Bidigo po bomo elama, mu pusali. Augwali sigo te po wai, “Te Genuai Bidi agai we bidibolo dwagi yai sę ebo homu ebo dao.” Tama Genuai Bidigo agai bomo augwali sibolo menama, augwali sigo we bidi noma sabo sę dabe yali, te we bidigo ‘Te bidi sigo wabo po mu dao’ omainogo yai.

1 Pita 5:12

Te bidi nogi Sailas agai ena tau siyu, tama eno e pęwadage po dagebolo asęna tolobao. Tama eno homu te bidi Sailas da te aga nogoba muani sę bugagia tonaluyu sę ebo bidi dao. Tama eno e po dagebolo asęyu, tama bomo elama eno dage homu kęna sabo po weyu, tama te eno asęani po te God agai aga we bidi olo tau sabo kolesaga mu dao. Tama tibaso, te kolesaga bugagia dąų olama, tama dolaluyu bidiąo.

Taitus 1:3

Tama polobadu mu agai te po dąų olama, tama tamadi te sogo aga digi bodolu mawai sogo agai bidi meba homu hodolama, tama agai po aga augwalibolo hania ola mani. Tama elama, tama agai te po pusubo sę eno nogoba muai dao, tama te da ma dobola sabo bidi God agai te po ola mao obaso, tama eno te mu po te we bidibolo ola mabo dao.

Galesia 1:1

Ena da Pol da. God agai ena tagala palali, eno agai po wagi pomainogo yai. Bidigo ena tagala palobeo, bidi mego ena te po wagi pabo sęba mubeo. Te menio. Te God dago Aya dali te agai te gų pagede ma hodolai bidi Jisas Krais dali, augwali sigo ena te sęba muai dao.

2 Korin 5:8

Tiali digi, dago homu sesemane sogo dąų waliyu elama dago bomo elalubao. Dago homugo e elalubo tigi tagalama tama Genuai Bidi dali hodobo bugagia mu bidigi pabo homu godolo ebo dao.

Godigo Sęba Tagala Palai Bidigo Po 20:32

“Te megi eno dage God aga digi tonalumainu, God agai nogoba mubao. Tama Godigo dabolo hobede ebo kolesaga da olo menama tau sabo da po, te wali pogo me dage tonaluaibao. God aga usu elama, dage bomo ilaibao. God agai sa muani we bidi hani bugai homu ilabo sę elalubo da. Tama agai usu elama, te tobage sę dagebolo mawaibao.

Godigo Sęba Tagala Palai Bidigo Po 11:23

Tama aga Antiok buluba sabolama, suali, Godigo we bidibolo dwagi yai sę yali. Barnabas agai bugai homu pemene mu yali. Agai augwalibolo te po wai, “Dagego Godigo po wali bugagia piąo. Dagego te po tagalamuo, homu si egimio,” agai te po mobo mani.

Filipai 2:17

Dagego duga homugo Kraisde konealubo po dąų wabo kolesaga ebo, te kolesaga ebo te Godigo gedude te dagego agabolo te ofa nai mabo kolesaga ebo tiwai dao. Tama bidi dabe augwaligo ena ela mugowe, mugobewe, te eno konebeo. Tama augwaligo ena ela muyu da, teda eno kaneme dali te dagego ofa mabo nai dali te si dago agabolo mawaibao, te polobadu bidali bidi dabego te wain ąį te ofa nai daiba gelali tiwai yaibao. Awe, tama tiyu da, teda usu da, eno tede dwagi yai homu pemene ebao, tama dage dali hodobo eno dwagi yai homu ebao.

Godigo Sęba Tagala Palai Bidigo Po 9:15

Tama Genuai Bidigo agabolo te po wai, “Nage pao, eno aga dąį ilibaso, agai eno sę yaibao. Sol agai eno nogi te gasa hani dabe we bidibolo ola mawaibao, te genuai gavman bidi dabebolo me, te Israel we bidibolo me eno nogi pusa maiabo bidi dao.

Godigo Sęba Tagala Palai Bidigo Po 1:17

Jisasgo aga polobadu sa muani, aga da dali sę emainu yali. Tama tibaso, Judas da dali bilai dao,” te po wai.

Dwagi Yai Gesi Po Jongo Asęani 17:4

Eno nago genuai nogi dali, bomo dali, te si te tǫde we bidi augwalibolo ola mawai. Nago enabolo yao olama mani sę, te sę eno tigidali mu ela silai dao. Tama tiyu, eno nago nogi dali bomo dali te we bidi augwalibolo ola mawai.

Kraisgo Geme Dualali Sę Pedelabo Po Jonbolo Ola Mani 12:11

Tama te kibu sipsip wai aga isiyu aga kaneme gelebaso, tama dago ama dede augwaligo te dwai bidigo bomo aiyaba elaluai dao. Tama me augwaligo Godigo po gasa we bidibolo pusali, tama augwaligo te kolesaga yaligo me augwaligo te dwai bidigo bomo aiyaba elaluai dao. Tama te kolesaga ebadi augwaligo te homu yali, ‘Te Godigo po odobo hagela ebo bage augwaligo da eleyu da, teda te usu da, da wi egobeo,’ te homu yali. Tama te homu eyu, augwaligo augwali e tǫde bugagia bidabo te homu ebeo.

1 Jon 3:16

Tama bidi dali dwagi yai homu eyu godolo mu ebo kolesaga page, te kolesaga page dabolo hania ola mabo sę e dao: Krais aga digi agai da tǫde we bidi tau somainogo aga bidabo ula tagalama, tama da tobade isali. Tama tibaso, dago me dago bidibo ula tagalama, dago ama dede augwali tau sao. Tama tiyu, dago augwali tau sobadi tama gasa bidi dabego da elebaso, dago usu da homu yao.

Polgo Si Wali Pas Timotiba Asęani - 2TI 1:12

Tama tiyu, ena kalabus bidi megi bidiyu, tama te sęgę eno tolobao. Tiali goli, ena tede hale me egobeo. Menio. Ena da, te eno Godiba homu tia pai bidi da weyu, te aga eno konebaso hale egobeo. Tama eno koneani, agai ena nogoba te muani sę te agai mu tonaluyu, tama te sesemane sogo bugagia bidada peyu, te genuai bodolu pedalubo sogoba usu nigi pabo aga usu yaibao, te sę hagagobeo.

Kolosi 1:24

Ena megi e kalabus bede bidiyu tama dene sobao. Tiali goli eno dage tau somainogo eyu, tama te dene sobaso, eno dwagi yai homu ebao. Magi baso menio. Da Godigo po odobo we bidi da, te Krais aga tigi tiwai bidibao. Tama aga tigi tobade te dene tolobo sę me elalubao. Tama eno tigide te dene me sobaso da, teda eno te agai aga tigi tau sabo dene meba toloyu, tama te dene silibo sę eno tama tau sabo dao.

Efesus 3:13

Tama tiyu dago konebao, te dago hanalu wabo po te Godigo odaibao. Tama tibaso, megi eno te po dagebolo obao, tama dagego odao: tama eno dage tau siyu te dene sabode, te dagego homu kolesaga tede bomo kimi menia pigimio. Menio. Te eno e sę ebode dagebolo genuai nogi mawaibao.

2 Korin 7:4

Eno dagede homu si ebo meni. Eno homu pemene wiegi yai dagebolo ebao. Te tigidali dabolo pedalobo sęgęde, te eno homugo dage koneama, tama tede ena homu dua nagame mu ilama bidibo, tama eno homu wiegi yai pemene mu elalubo dao.

Hibru 10:34

Tama tiyu, dagego te kalabuside bidali we bidi augwali homu dene eyu tau sobadi, te dagego me te dene sali. Tama me sogo te bidi dabe augwaligo bomonama dagego doado bage dagala siyu yali goli, dagego homu wiegi yai pemene eyu, tama augwaligo te nai dabe sabo gogolali. Magi baso meni, dagego koneani, tama duga nai digi mu da, te tedali me elalubao homu yali, te Godigo dagebolo maiabo nai dabe, tama te nai da te sesemane sogo elalua pabo nai dao.

Taitus 2:11

Magi baso meni. Tigidali we bidi agai ma dobola somainogo eyu, tama Godigo agai da olo tau sabo wiegi yai kolesaga hania waselai dao.

Polgo Si Wali Pas Timotiba Asęani - 2TI 4:17

Tiali goli Genuai Bidi aga ena dali bidaluyu, tama enabolo bomo mani. Eno te Godigo po sese pusubo te usu mu emainu, tama te agai po odisąwai hani tigidali augwaligo odomainogo eyu, agai bomo enabolo mani. Tama augwali te bidi ela tubo dwai hasa laion tiwai bidiyu, tama augwaligo ena ela muidali weyu Godigo ena tau selama dwagi yai madiba muanio.

Godigo Sęba Tagala Palai Bidigo Po 22:21

Tama te Genuai Bidi agai enabolo te po wai, ‘Nage megi pao. Eno nage te Israel hani isąwai we bidi pageba tagala palabo dao, digibulu,’ te wali,” Pol agai te po wali.

Godigo Sęba Tagala Palai Bidigo Po 20:21

Sesemane sogo eno dagebolo po bomonama weyu, te po wai dao, ‘Te Juda bidi dabe me, te Grik bidi dabe me, dagego dwai sę ebo kolesaga me tudiba tagalama, homu begelama, God pageba aselama, dagego homu Jisasba mu muao.’ Te dage tau sabo po eno dagebolo tigidali sogo konelai dao.

Efesus 1:6

Tama Godigo aga ogwa Jisasde dwagi yai homu eyu, tama da aga ogwade wadolo baso, tama agai da dali wiegi yai homu ilibo sę yai dao. Tama God agai da olo mu tau siyu agai te genuai sę ebaso, te dago God aga ula yai bomo elalubo nogi ugwaba sao.

Polgo Si Wali Pas Timotiba Asęani - 2TI 3:11

Te bidi dabego dwai kolesaga ena dali ebo tigidali te nago koneani, tama tigidali dene ena te bulu Antiokde me, Aikoniamde me, te Listrade me sai. Te tigidali sęgę augwaligo enabolo menama tama eno te sęgę tolobo nago koneanio. Tiali goli Genuai Bidigo ena tau siyu, tama te sęgę tigidali agai sila palali.

Polgo Po Pas Rom Dabeba Asęani 4:4

Dago koneani, bidigo sę elama sabo mone, te mone dago te olo sabo dao te nogi nogi egobeo. Menio. Te sę ebo wei naga ponobo nai dao.

Dwagi Yai Gesi Po Jongo Asęani 15:27

Tama dagego me enade te we bidibolo po pusao. Magi basowe? Polobadu dage ena dali bidibadi, eno te sę gagalama ebo dagego suai, tama megi me eno te sę ela asela dąį yagasobo dagego subao,” Jisasgo aga bidi dabe dali te po wai.

Dwagi Yai Gesi Po Lukgo Asęani 16:28

Tede eno ama a naga bidibao. Tama te bidi teba pelama, po mobo momainao, augwali e dene sabo buluba asidali,’ wali.”

Godigo Sęba Tagala Palai Bidigo Po 13:25

Tama Jon agai sę silabo maga ebadi, agai te we bidibolo te po wai, ‘Dagego homugo ena de dawe?’ wali. ‘Ena te dagego tonalubo bidi menio. Tiali goli, dagego odao. Bidi me deli nosali aga ena tudi badu asaibao. Aga da, te genuai bidi mu da. Ena da nogi elalubo bidi menio. Eno agai sągą nadoba bono pisigabo sę yainogo ebaso da, teda te sę ebo eno usu egobeo,’ Jongo te po wai.”

Godigo Sęba Tagala Palai Bidigo Po 15:7

Pususu pelama, Pita doligulama, te po tama wali, “Ama dede, duga kone dao, Godigo homugo te Juda hani isąwai bidi me augwaligo te Jisasgo dwagi yai po odama, augwa homu te poba mumainu yali. Tama polobadu mu God agai ena dage tomode te dwagi yai po augwalibolo pusumainu sa muani.

Godigo Sęba Tagala Palai Bidigo Po 18:5

Te nosali Sailas dali, Timoti dali augwali si te Masedonia tǫ taga solama, Korin be nanide Pol bidibo madigi sabolali. Tama augwali si asobo si, Polgo te ugwa be hobolobo sę tagalali. Agai tigidali sogo te Juda hani we bidi bidibo tomode po ola bilali. Tama agai po bomai mu pusuyu, te po wali, “Te dagego koneao. Te bidi Jisas aga Godigo aga sa muai bidi Krais da, te we bidi tau somainu.”

Godigo Sęba Tagala Palai Bidigo Po 20:23

Tialima, eno koneanio. Augwaligo ena elama, sęgę menama, ena kalabus yaibao. Tigidali be nanide te Godigo Dwagi Yai Mobo Bidigo te tobage sęgę sabo po enabolo ola mawai dao.

Filipai 2:30

Magi baso meni. Kraisgo sę tobade aga pąde tama isai digi dao. Agai homugo aga bidabo homu yai menio. Dage digibulu bidiyu, tama duga digi ena tau sabo usu sąbaso, agai ena tau sabo homu elama, tama Kraisgo sę ebadi pąde isai digi dao.

Kraisgo Geme Dualali Sę Pedelabo Po Jonbolo Ola Mani 6:11

Tama agai bobobage tedela yai ugwa augwali deli delibolo mena mena pai, tama agai te po augwali dali wai, “Dage toma tuyu, olo dwasianu sogo nagamea pai bidi bidao. Tama nosali boi bidi dabe augwaligo dage dali deli sę yali bidi dabe me, duga ama dabe me ela muaibao, te augwaligo dage ela muani tiwai yaibao. Tama nosali augwaligo te ela muani bidi dabe nedebo usu ebaso da, te God agai dagego kanemede augwali wei ponaibao,” te po wai.

Tuni Bidi Dabego Po Elalubo Buku Deli 11:18

Te bomai ami bidi selago te po odama, te augwali hogodama palio. Te Filistia dabego te Betlehem taun tomoba pabo sunumi tonalubadi goli, tagalao, te ami selago augwali sela sąnama peyu, Devitgo te po wali ulu ąį tugi palio. Tama augwaligo sela asama, Devit magasali. Tiali goli, aga te wę tuainu yali te aga hagela ebaso tubeo. Menio. Agai te selama, te Genuai Bidiba ofa tiwai eyu gelalio.

2 Korin 4:12

Tama tibaso, te e tiwai dao: te isabo sę te dade hauwa sogo idubao. Tiali goli dago Kraisgo bomo elaluyu, tama agai gesi wiegi yai po pusubo sę ebaso, tama dagego te bidabo ula bugagia siyu tama bidada peyu, bidada paibao.