Godigo Sęba Tagala Palai Bidigo Po 2:42 - Godigo dwagi yai po buku

⁴² Tama augwali wadolali we bidi augwaligo Jisasgo tagala palai sę bidi dabego augwalibolo po hauwa mu ola momaina homu yali. Tama augwali deli hani tiwai bidali. Tama augwali deli madi hodobo nai tubo da, augwali Jisasde homu dąų wai dao weyu yai. Augwali Godibolo hodobo po wabo da.

Godigo Sęba Tagala Palai Bidigo Po 2:42 Referans Kwoze

Hibru 10:25

Tama tiyu, dago te ama dede dali deliba sisinibo kolesaga te me tagalamuo, te bidi mebago te ebo kolesaga tiwai egimio. Menio. Duga koneani, te dago Genuai Bidi Jisas asabo side bodolu te pąba yagasalio. Tama konealigo da, ama dedego homu kolesaga tau siyu dąų walobo sę bomonama dago yao.

Godigo Sęba Tagala Palai Bidigo Po 1:14

Tama augwali hauwa sogo deliba sisinagasali, Godibolo po omainu yali. Tama te Jisas wali pai we dabe me, Jisas aga ida me, Jisas aga ama dede me, te bidi dabe dali hodobo deliba sisinagasali, Godibolo po omainu yali.

1 Jon 1:3

Awe, agade dago gedugo suali sę dali te dago ologo odali po me, te si dago dagebolo me pusubao. Te dage da dali wadolama, tama da tigidali te dago Aya dali, aga ogwa Jisas Krais aga dali me dago deli homu elama bidimainogo eyu te dago megi e po dagebolo pusubao.

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.

Godigo Sęba Tagala Palai Bidigo Po 2:46

Tama augwali te Moni Lotu Be tempel tede sesemane sogo sisinagasu sisinagasobo da, te deli hani tiwai. Tama augwaligo sesemane sogo wiegi yai homu dali nai tuyu bidali, te augwa be dabede. Tama augwali wiegi yai homu dali nai tubo da.

Godigo Sęba Tagala Palai Bidigo Po 20:7

Te dwasianu Sarere pio te da deliba sisinama, te Jisasgo po wali pabo we bidi dabe me sisinama, nai bolo tuali. Tama Pol agai te we bidibolo Jisasgo po pusa mani. Agai te bobobage po pususu pedubadi, huli tomo mu yali. Magi basowe? Agai homugo do augwali taga paibao.

Efesus 6:18

Tama tiyu, tigidali sogo dagego po God dali wao, agai dage tau somainu yai. Tama te Godigo Mobo Bidi agai dage bomo mayu, tego Godibolo po wao. Te sę yainu, dage pila mugimio, hodaluao, nolǫ isiąbo ąǫ egimio. Te sę munu me tagaligio. Tigidali sogo dagego gedu haluasa po Godigo we bidi tau somainu wao.

Jutgo Asęani Pas 1:20

Tiali goli dage abagi dabe mu, dagego te Godide konealubo po bugagia dąų olama, tama bidigo aga be bugagia sę ebogia tama duga digi duga homu kolesaga dąų olama te sęde bomo yao. Te konealubo po te gasagi yai tedali mu dao. Tama te Godigo Mobo Bidigo dage te gedu haluasa po wabo tau siyu, tama dagego te po sesemane sogo bugagia dąų weyu yao.

Kolosi 4:2

Dage Kolosi we bidi, dagego Godibolo gedu haluasa po bomo elama oduao, tagaligimio, tama subigila wagimio. Tama tiyu, agabolo puba hwi po wao.

Kolosi 1:23

Tialima dage, dagego bomo elama, te Godigo gesi dwagi yai pode homu kęą pai we bidi bidiyu tama dolaluao. Te bugagia sę yai be aga tǫba tuluali ni tigi augwali te tǫde mu dąų obaso, te be peme egobeo. Te tiwai me dagego duga homu agai pode kęą pai we bidi bidao. Dagego polobadu te po odoyu, tama te Godigo dagebolo nosali maiabo naide dagego dwagi yai homu eyu tonalubo gagalali. Megi dage te tonalubo kolesaga tagaligio. Te gesi dwagi yai po augwaligo tigidali tǫde we bidibolo pusigi pai dao, tama ena Pol, ena te gesi dwagi yai po pusubo sę ebo bidi pedalai dao.

Polgo Si Wali Pas Timotiba Asęani - 2TI 3:14

Tiali goli, Timoti, nago da, nago te Godigo mu po odama tama bomo elama nago “Te po mu po dao,” te homu te pode yali dao. Tama megi nago te kolesaga me eyu bididuao. Dago nage te mu po ola mani we bidi nago da bugagia konebo dao.

Efesus 2:20

Tama eno te be sę ebo po pagede te po digi po begelama te po megi obao. Te Krais aga digi aga te be dąų wabo page ni tiwai dao. Tama agai tagala palali bidi dabe augwaligo dagebolo pusali po me, te Godigo po ola mabo bidi augwaligo dagebolo ola mani po me, te wiegi yai po te be kau ni dabe tiwai dao. Tama dage da, te be kele ni dabe tiwai dao, te be dąų wabo page ni dali te be kau ni dali si tede dage bugagia dąų olama elalubao.

Godigo Sęba Tagala Palai Bidigo Po 14:22

Augwali sigo te Jisasgo po wali pabo we bidibolo dwagi yai po mobo mani, augwaligo Jisas konealubo homu dąų walomainu. Augwali sigo te genuai po ola mawai, “Dago te Godigo tųdu pobadi, gasa we bidi augwaligo dabolo haniani sęgę mawaibao, tama nosali Godigo da tonalubo buluba da sabolaibao,” te po wai.

Godigo Sęba Tagala Palai Bidigo Po 6:4

Tiali goli, dena te sę egobe. Da da, tigidali sogo Godibolo gedu haluasa po wabo sę dali, Godigo po pusa mabo sę dali, te sę si naga yaibao,” augwaligo te po wai.

Godigo Sęba Tagala Palai Bidigo Po 4:31

Te augwaligo Godibolo po olama, silibo si, te sisinagasali bede tǫ mali yai. Godigo Dwagi Yai Mobo augwali kolesagaba asali, tama te sogo gagalama, Godigo po augwaligo pususu pai, wi ebe.

1 Korin 10:21

Dagego te dago Genuai Bidi Kraisgo kap wain wę tuyu, te dwai haubo noma bagede lotu wainogo eyu augwaligo kapde dali si wę tuyu ebo usu me egobeo. Te dagego dena Genuai Bidigo ni nami tebol saide nai tuyu, te dwai haubo noma dabego lotu bede tebol saide nai dali si tuyu ebo te usu me egobeo.

Polgo Po Pas Rom Dabeba Asęani 12:12

Dagego agade konealubo po dąų olama, tama Genuai Bidigo dage tau sabo tonalubadi tama dagego wiegi yai homu pemene dali yao. Te sęgę dageba pedalobaso da, teda dage bomo elama bugagia dolaluao. Dagego tigidali sogo gedu haluasa po wao.

Hibru 10:39

Tiali goli da te ibaba kila selama te hagayabo we bidi te me tegobeo. Menio. Da te konealubo po dąų wabo we bidi hani dao, tama God agai da ma dobola sabo dao.

Godigo Sęba Tagala Palai Bidigo Po 11:23

Tama aga Antiok buluba sabolama, suali, Godigo we bidibolo dwagi yai sę yali. Barnabas agai bugai homu pemene mu yali. Agai augwalibolo te po wai, “Dagego Godigo po wali bugagia piąo. Dagego te po tagalamuo, homu si egimio,” agai te po mobo mani.

1 Korin 11:2

Dagego sesemane sogo ena homugo koneama tama eno te selama dagebolo mani po tigidali dąų eyu wali pabo dao. Tama tibaso, eno te po obao, dagego wiegi yai kolesaga mu ebo dao.

Godigo Sęba Tagala Palai Bidigo Po 20:11

Pol te habuba ma holali. Tede aga dali te Jisasgo po wali pabo we bidi dali augwaligo homugo Jisas makone palama, te bret nai tuali. Tama te Pol aga te wali po wadolama, te po ola pedubadi, be posobode te po tagalama, aga pali.

1 Jon 2:19

Te bidi dabe augwali polobadu te da bidi hani deli bideiba homu meni baso, tama augwaligo da tagalai dao. Augwali dago hani tigi sogo da, te da dali me bidigi dao. Augwaligo da taga pobaso, dago hania koneani, te bidi dabe tigidali augwali da deli hani bidi mu meni.

Galesia 1:6

Tegoba! Dagego yali sęde ena noma mu salio. Dagego magi yaliwe? Te Krais agai dage olo tau siyu, tama God agai dage i wai dao. Tiali goli polo tama dagego te sę tagaluyu, tama dagego gasagi yai po wali pabo gagalali. Tama te gasagi yai po dagebolo pusali bage augwaligo “Ao, e po Kraisde dwagi yai gesi po mu dao,” wali.

Godigo Sęba Tagala Palai Bidigo Po 4:23

Te kaunsil dabe augwaligo te Pita dali Jon si olo tagala palama, tega si augwa si haniba polo pai. Tama sabolama, te po pusa mani, te pris hani genuai bidi dabe dede, monu dabe dedego tamadi wali po.

Dwagi Yai Gesi Po Lukgo Asęani 24:35

Tama augwali sigo te tigidali sę augwali sigo tųde suali po augwali dali wai. Tama te bidi sigo te po wai, “Jisas agai te giguai nai bret togolama, da si mawai, tama dadi sigo te sogo megi koneai, te Jisas dao,” augwali sigo te po wai.

Dwagi Yai Gesi Po Lukgo Asęani 24:30

Nosali augwali nai tuainogo, tama Jisas augwali si dali dulaluai. Tama Jisasgo te giguai nai bret selama, Godibolo hanaluyu usu da wai, tama te nai togolama, augwali sibolo mawai, Jisasgo.

1 Korin 14:6

Eno ama dedeo, dagego te po homugo bugagia koneao. Ena te dage bidibo madi aselama, tama eno po te we bidigo konesiąbo gasa pogo naga wainogo eyu da, tiali goli te Godigo enabolo waselali po meba te eno dagebolo wasiąyu, ma eno wiegi yai kolesaga dagebolo masiąma, ma te Godigo po eno pususiąma, te eno dage me po ola masiąbaso da, teda eno te we bidi konesiąbo pogo wabogo dage bugagia tau sogobeo. Mu menio.