Godigo Sęba Tagala Palai Bidigo Po 2:22 - Godigo dwagi yai po buku

²² Te Pitago po ma wai, “Dage Israel dabe, dage e po odiąo. Eno Jisas te Nasaret bidide po waibao, te agai bomai moni sę dabe Godigo agabolo mobaso, agai dagebolo ola mayu tama Godigo aga tagala palai dao. Dago te kone dao, te bomai sę dabe Jisasgo dage tomode yali duga kone dao, te bidi Jisas agai yali.

Godigo Sęba Tagala Palai Bidigo Po 2:22 Referans Kwoze

Dwagi Yai Gesi Po Jongo Asęani 3:2

Te bidi Jisas bidibo digi hulide aselama, te po wai, “Po ola mabo bidi, dago koneai, Godigo nage e tǫba po ola mabo bidi nigilama, tagala palai. Tibaso da, Godigo bidi me deli dali bidisiąyu da, agai te sę Jisas nago ebo bomai sę tiwai me egobeo,” te bidigo Jisas dali te po wai.

Godigo Sęba Tagala Palai Bidigo Po 4:10

Tibaso, dage tigidaligo koneąo, te Israel we bidi dabe tigidali me, dagego koneao, ede te sągą dwai bidi dolalubo, te Nasaret bidi Jisas Kraisgo nogi bomogo e bidi ma dwagi yai ilama, aga sągągo dolalubo. Te bidi Jisas dagego ni pedaide elai bidi da. Tiali goli, Godigo aga gų pagede ma hodolai.

Dwagi Yai Gesi Po Lukgo Asęani 11:20

Te sę ebogo te dagego geda muani sę te ola mobao. Dagego geda mubo po obao. Eno e sę ebo te Godigo bomogo naga te dwai haubo noma bidi dabe sela sąsą bilibo dao. Te sę ebogo te Godigo we bidi tonalubo sę dage pageba asai elalubo te ola mobao,” wali.

Matyu 12:28

Tiali goli, Godigo Mobo Bidigo ena te dwai haubo mobo bidi sela sąyabo bomo mabo dao. Tama tibaso dagego koneiąo, te Godigo we bidi tonalubo kolesaga te dageba asai dao.

Matyu 9:8

Tama te hanude bidali we bidi augwaligo te tebo bomai sę sulama, tama augwali wi yai. Tama augwaligo Godigo nogi ugwaba sai. Magi baso meni, agai te tobage bomo yai sę yabo bomo te we bidibolo mawai dao.

Hibru 2:4

Tama ebadi, God me agai te po te haniani bomai sęgo me tama agai haniani bomo yai idualigo te po mu po dao dabolo hania ola mani. Tama tiyu, agai te Mobo Bidigo olo mabo haniani wiegi yai sę ebo kolesaga te we bidi dabe augwaliba dobayali, te God aga digi homugo tama tiai.

2 Korin 12:12

Ena dage tomode bidibadi, te gasa bagego enabolo mani sęgę tigidali eno bugagia toloyu, tama dage tomode sę hauwa elama, tama ena da, te Godigo po sela pabo bidi mu da ola mabo bomai sę eno nogode pedalali. Te e dao: te haniani bidigo isąwai bomai sę dage tomode pedalali, te Godigo sę sa munama, tama bidi dodola midigi selama, tama Godigo bomo sumainogo yalio.

Godigo Sęba Tagala Palai Bidigo Po 26:26

E moni gavman bidi Agripa agai me ena e wabo po koneani. Tama te sę yali po pusubo eno wi ebo menio. Te tigidali yali sę agai gedude yai sę dao, te dualama me yai sę menio.

Godigo Sęba Tagala Palai Bidigo Po 26:9

Te bidi Pol agai po me weyu, te po wai, “Polobadu ena digi bomo elama, umabo dwai dwai kolesaga elama, te Nasaret bidi Jisasgo nogi aiyaba elalubo sę yai dao.

Godigo Sęba Tagala Palai Bidigo Po 24:5

“Dago te bidi Pol sulama, koneani, agai da te dwai dwai kolesaga hauwa ebo bidi da. Tama dago koneani, te bidi agai tigidali Juda bidi tomode me, tigidali bulude me, hwįbo po page pabo bidi dao. Tama agai te wado po olama, tama te we bidi hani tomode pedebo bidi. Tama aga te Nasaret dwai bidi hani tobolu bidi dao.

Godigo Sęba Tagala Palai Bidigo Po 22:8

Eno te po wei ponoyu, tama wali, ‘Genuai Bidi, nage dewe?’ wali. Tama agai enabolo te po wali, ‘Ena Nasaret bidi Jisas dao, ena nago te dolobo sę ebo bidi dao,’ wali.

Godigo Sęba Tagala Palai Bidigo Po 21:28

Tama augwaligo Pol te Jerusalem be nani tomode Efesus bidi deli dali bilibo polobadu suali, te bidi agai nogi Trofimus, te Israel hani isąwai bidi. Tama augwaligo homugo Polgo te odasa asali bidi Israel hani meni homu yali, aga te Moni Lotu Be tomoba asali, tama te be dolali, augwaligo te geda mubo homu yali. Tama sulama, augwaligo i tama wali, “Hai, dage Israel bidi dabe, asiąo, da tau sagasiąo. Dago koneani. Bidi me deli agai tigidali bulude bidibo we bidi dabebolo po ola mabo, te dago hani nogi me, dago bomo yai po me, dago Moni Lotu Be tempel me agai aiyaba elalubo da. Nogo tuyu, te tibo bidi e dao. Suiąo. Megi dagego aga suao. Agai dwai kolesaga mu yali, Israel hani isąwai bidi dago dwagi yai Moni Lotu Be tomoba odasa asalio. Te dwali. Tama tibaso, megi Pol agai dago Moni Lotu Be tempel dolalio, te be megi da te Godigo gedude dwagi yai mu menio,” augwaligo te po wali.

Godigo Sęba Tagala Palai Bidigo Po 14:27

Tama augwali si Antiokba ma sabolama, augwali sigo Jisasgo po wali pabo we bidi dali deliba sisinagasali. Tama augwali sigo te sę yali po augwalibolo pusali, tigidali nai Godigo augwali si tau sali sę me, tama Godigo te Juda hani isąwai we bidi augwaligo agai po konealubo sunumi dayali.

Godigo Sęba Tagala Palai Bidigo Po 13:16

Tama Pol hodaluama, agai “Dagego odao,” olama, nogo muani. Agai te po wai, “Eno homugo dage Israel bidi me, dage Israel isąwai bidi hani me, tiali goli dagego Godibolo po mu wabo dao, dagego bugagia olo munama, eno po odao.

Godigo Sęba Tagala Palai Bidigo Po 6:14

Agai te po wabo dago odalio, ‘Te Nasaret bidi Jisasgo te Moni Lotu Be tempel dolaibao. Mosesgo polobadu dabolo mani po, te po Jisasgo ma hasegelaibao’ wali,” augwaligo te po wai.

Godigo Sęba Tagala Palai Bidigo Po 5:35

Augwali teba pelama, agai te kaunsil dabebolo te po wai, “Dage Israel bidi, dagego te bagebolo ebo sę dua yao.

Godigo Sęba Tagala Palai Bidigo Po 3:12

Tama Pitago te we bidi sulama, augwalibolo te po wai, “Israel dabe, magi baso dage noma sobawe? Magi baso dagego da gedugo bugagia osabawe? Dadi sigo bomogo e bidi bilimai hagede dodolobeo, te menio. Dadi si dwagi yai bidi menio, e bidi dodolobeo. Godigo e sę yali.

Dwagi Yai Gesi Po Jongo Asęani 19:19

Tama gavman tuni bidi Pailat agai po me deli asęnama, tama augwaligo te Jisas elali ni pedaide muai. Te asęani pode te po wai, ‘Jisas Nasaret bidi te Juda we bidigo tuni bidi dao,’ te po te ni pedaide asęna muai.

Dwagi Yai Gesi Po Jongo Asęani 15:24

Haniani sę polobadu gasa bidigo esiąwani sę, te sę eno augwali tomode yai. Tialima eno te sę me esiąyu da, te augwali sęgę me sigi menio. Tialima, megi augwaligo te eno yali sę sulama digi, tama augwaligo ena dali, eno Aya da si talua si dali boi bidi yabo homu ebo dao.

Dwagi Yai Gesi Po Jongo Asęani 12:17

Polobadu Lasarus isilama, gų pagede munalubadi, tama we bidi hauwa augwali Jisas aga dali bidibadi, tama agai Lasarus i olama, hodolai, tama augwaligo suai. Megi te we bidi hauwa augwaligo Jisasgo te yali sę po te gasa buludu tamadi asai we bidibolo pusai.

Dwagi Yai Gesi Po Jongo Asęani 11:47

Tama tibaso, te Farisi hani bage me, te pris hani tobolu bage me, augwaligo te kaunsil bage dali sisinama, Jisasde te po wai, “Dago te bidide magi yaibawe? Agai bomai sę hauwa mu ebo dao.

Dwagi Yai Gesi Po Jongo Asęani 10:37

Eno Ayago enabolo yao wali sę eno egi menigi sogo da, teda duga homu enaba mugimio.

Dwagi Yai Gesi Po Jongo Asęani 9:33

Godigo te bidi tagala paligi menigi da, teda agai eno gedu dwagi yai iligi menio,” te polobadu gedu widai bidigo te po wai.

Dwagi Yai Gesi Po Jongo Asęani 7:31

Me ma, te olo we bidi hauwago Jisasbolo augwa konealubo homu dąų olama, elaluali. Augwaligo te Jisasba homu musiąwai bagebolo te po wai, “Te God agai sa muyu, asaiba wali bidi pedalobo si, te bidigo bomai sę hauwa mu eyu da, Jisasgo yali bomai sę aiyaba elaluaibawe? Menio,” augwaligo te po wai

Dwagi Yai Gesi Po Jongo Asęani 6:27

“Dagego te mobia pabo nai naga sabo sę tiwai dagego egimio. Te menio. Dagego te bidada peyu bidabo bomo mabo nai sabo sę yao. Te tiwai nai Godigo Bidi Mu agai dagebolo mawaibao. Magi basowe? Aga Aya Godigo te bidide dwagi yai homu eyu, sa muai,” Jisasgo te po wai.

Dwagi Yai Gesi Po Jongo Asęani 6:14

Te we bidi augwaligo Jisasgo te bomo yai sę ebo sulama, tama augwaligo te po wai, “Mu tamao, te aga e tǫba asaiba wali bidi te aga dao, te Godigo po ola mabo bidi dao,” te we bidi augwa hasi te po wai.

Dwagi Yai Gesi Po Jongo Asęani 5:36

Tialima eno wabo po tau sabo nai me elalubao, te moni bage mu dao. Eno Ayago enabolo sę mani, ena te sę tigidali elama, silimainogo ebao. Te sę dabe eno ebo dao. Tama te ebo sęgo me te we bidi ola menama, augwaligo konebo dao, Ayago ena tagala palobaso, ena asai dao,” Jisasgo te po wai.

Dwagi Yai Gesi Po Jongo Asęani 4:48

Tama Jisasgo te gasi ogwa aga ayabolo te po wai, “Dagego te eno haniani bomai sę ebo susiąwai goli dagego duga homu tigidali enaba muao.”

Dwagi Yai Gesi Po Jongo Asęani 1:45

Filip pelama, Natanielbolo te po wagi pai, “Te bidi polobadu Mosesgo te bomo yai po bukude asęani po dali, tama Godigo polobadu po ola mani profet bidi dabe me, augwaligo te bidi dali po asęai, te bidi dago suai. Te bidi Jisas aga Nasaret bulu bidi Josepgo ogwa dao,” Filip agai te po wai.

Dwagi Yai Gesi Po Lukgo Asęani 24:18

Tama te bidi me nogi Kliopas, te bidigo Jisasbolo te po wei ponoyu, te po wai, “Gasa bulu bidi dabe hauwa augwali megi Jerusalem bulude bidibao. Tama nage deligo nago te sę Jerusalemde pedalobo nago subewe?” te bidigo Jisas dali te po wai.

Matyu 2:23

Tama te tǫba sabolama, tama aga te hanu me nogi Nasaret te hanuba bidigi pai. Tama te sę yaligo da te Godigo po pusali profet dabego wali po usu nubao, “Tama augwaligo aga te Nasaret hanu te bulu bidi dao, te po waibao,” te po wali.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Godigo Sęba Tagala Palai Bidigo Po 2:19

Tama eno dagalude me, tǫde me, te we bidi noma sabo gasagi yai bomai sę dabe yaibao.

Godigo Sęba Tagala Palai Bidigo Po 2:43

Te bidi Jisasgo tagala palai bidi dabe augwaligo te we bidi noma sabo gasagi yai bomai sę dabe hauwa sogo mu eduali. Tama tibaso, we bidi tigidali noma mu sai.

Godigo Sęba Tagala Palai Bidigo Po 3:6

Pitago agabolo te po wai, “Ena masigi menio. Tialima, eno elalubo nai deli nagebolo mawaibao. Jisas Krais, te Nasaret bidi, agai te bomo elalubaso, eno nagebolo obao, nage bilao.”

Dwagi Yai Gesi Po Lukgo Asęani 18:37

Tama augwaligo agabolo wali, “Te Nasaret bulu bidi nogi Jisas ela sobao,” wali.