Godigo Sęba Tagala Palai Bidigo Po 2:20 - Godigo dwagi yai po buku

²⁰ Te kaneme me, sia me, sisi yai hano me yaibao, te giliga eno huli si ilaibao, tama te polua me kaneme tiwai mama yai ilaibao. Tama nosali Genuai Bidi Jisasgo si asobo si, te side Genuai Bidigo genuai sę dabe yaibao, tama tibaso te sigo moni nogi elaluaibao.

Godigo Sęba Tagala Palai Bidigo Po 2:20 Referans Kwoze

2 Pita 3:10

Tiali goli te Genuai Bidi asobo sogo mu asaibao, te nai wi sabo bidi geme asobo gilama. Tama te sogo dagalu kulukulu genuai olama tama hagawaibao. Tama te giliga dali, polua dali, te hǫ dabe tigidali, te siago dela silaibao. Tǫ me, te tigidali nigali nai elalubo me, te siago tigidali daibao.

Amos 8:9

Te sogode eno te giliga tomo yagasu, te nai tubo belo dolo ebo side te giliga iba dega sigulubo tiwai ilama, te be hulia sabogo te giliga tomo elalubadi mu halueibao. Ena God, Genuai Bidi, eno te tama po obao.

Matyu 24:29

“Te sogo te genuai sęgę yali te silai madi, tama polo te sia ge hulia selama, tama te polua ula me egobeo, tama te hǫ dabe dagalude tulaluaibao. Tama te dagalude bomai nai te tǫ mali tiwai elama, gęǫ page yaibao.

1 Tesalonaika 5:2

Menio. Duga digi koneai dao, Genuai Bidi asabo sogo te nai wi sabo bidi hulide geme polo asobo tiwai yaibao.

Malakai 4:5

“Te dwai siago te dwai sę ebo bage dolabo bodolu side te eno side te genuai si ebaso, te we bidi tigidali te wi dwai mu yaibao. Tiali goli, hasia bolo te eno profet Elaija te dageba tagala palama, tama nosali te si pedelaibao,” wai dao.

Joel 2:1

Genuai Bidigo te dwai sę ebo we bidiba dene maiabo bodolu, te pąba megi yagasoba wali. Tialima, dagego te biugel bu weyu, te Godigo bulu dude digi, te Saionde belo dabe elao. Tama te side te tigidali Juda we bidi noma somainao wali.

2 Pita 3:7

Tiali goli, megi Godigo pogo naga te dagalu me tǫ me sa munama, tama te dolobo sia dabo pedalobo tonaluyu bidibao. Tama te dagalu de tǫ sigo te Godigo po tų te agai po tudiba muani we bidi augwali te po tųba pedalobo tonalubao, tama te we bidi augwali dolaibao.

Dwagi Yai Gesi Po Lukgo Asęani 21:25

Te Jisasgo augwalibolo po me weyu, te po wai, “Te giligade me, te poluade me, te hǫde me te gasagi yai sę pedelaibao, bidigo konesiąbo sę. Tama tǫde tigidali we bidi dwai homu elama, wi eyu, gela weyu, tebo side moni tamu ąį dini asainogo u wabo augwaligo odoyu, wi yaibao.

Dwagi Yai Gesi Po Makgo Asęani 13:24

Jisasgo po me weyu, te po wai, “Tiali goli te genuai sęgę hasia bolo ela silama, tama te sogode te giliga ge hulia selama, tama te polua me ula isiąma,

Joel 3:14

Te hauwa umabo we bidi te odogo malu buluba sisinama, po tų yaibao. Te dwasianu sogo te Genuai Bidi te buluba pedelabo bodolude te pedelaibao.

Kraisgo Geme Dualali Sę Pedelabo Po Jonbolo Ola Mani 16:8

Te tudi badu te me si me si wali te ensel mobo bidigo pou te giligaba gelali, tama Godigo te giligago te bidi dabe augwali domainogo sula tagalalio.

Kraisgo Geme Dualali Sę Pedelabo Po Jonbolo Ola Mani 6:12

Tama eno tonono ma bilibadi agai te buku dąų wali nai a naga olama me badu nogo deli wali te togwai, tama eno suali, tǫde genuai tǫ mali pedalai. Tama giliga ge begelama, te sisi yai gagawai. Tama te polua genuai ebadi te mama yai, te kaneme tiwai mu pedalai.

1 Korin 5:5

Tama tiyu te bidi dagego te Satango nogoba munama, te agai te dwai sę yali bidigo tigi dolomainao. Dago te tiwai elama, tama aga tigi dolai goli Godigo te bidigo mobo noma bidi te Genuai Bidi ma asobo side ma dobola somainogo tama tiao.

Matyu 27:45

Tama te sia ge tomode mu, te tigidali tǫ badu te be hulia sabo tiwai elama, te be hulia si mu elama, tama telalubadi te be pio yabo magaba usu nanio.

Jeremaia 4:23

Ena Jeremaia, eno te tǫ dolai olo mu tama elalubo suali. Te eno dagaluba tonono ebadi, te magi me deli ula me ebo subeo.

Aisaia 34:8

Te sę pedelaibao, magi baso meni, Genuai Bidigo te boi bidi dabeba te aga taun Jerusalem doliyu, aiyaba elalubo boi bidi dabebolo te dene mabo bodolu mawai dao wai.

Aisaia 24:23

Tama te giliga ula de polua ula si, te olo nai tiwai yaibao. Magi baso meni. Tigidali Bomo Elalubo Genuai Bidi aga bomo dali, me aga bomai ula dali, asaibao. Tama aga te bulu du Saionde we bidi tonaluaibao. Tama te we bidi dabe augwa genuai bidi dabego aga suaibao.

Aisaia 13:15

Tiali goli, mena bidi me boi bidi dabego touwali, teda augwaligo hwą bainatgo enama, isilaibao. Mu tama, te boi bidi dabego augwali bobobage hwągo elaibao.

Aisaia 13:9

Mu tama, te dwai sogo megi te pedalobao. Te da te Genuai Bidigo polo bodolu muani, te sogo te agai genuai sębę dali asiyu, tigidali tǫ dabe doliyu, tama te dwai sę ebo we bidi dolama, silaibao.

Aisaia 13:10

Te sogo te tigidali hǫ dabego ula sula saibao. Tama giliga pedalaibao, tiali goli agai ula hulia sigi paibao. Tama polua munu me nanogobeo.

Joel 2:31

“Tama te dagalude da, te giliga ge be hulia selama, te poluade mama yai pedelama, te bidi kaneme tiwai yaibao. Dagego te nai subo sogo da, te dagego koneyu, te Genuai Bidigo sogo bodolu te pedalubao homu yaibao. Te genuai side te tigidali tǫde we bidi wi mu yaibao.

Godigo Sęba Tagala Palai Bidigo Po 2:19

Tama eno dagalude me, tǫde me, te we bidi noma sabo gasagi yai bomai sę dabe yaibao.

Godigo Sęba Tagala Palai Bidigo Po 2:21

Tama te side Genuai Bidi nogi elama i wabo bidi dabe da, teda Godigo augwali tau selama, aga we bidi dabe yaibao,” Godigo te po wai,’ Joelgo tama po wai,” Pitago te po wali.