Godigo Sęba Tagala Palai Bidigo Po 19:21 - Godigo dwagi yai po buku

²¹ Te nosali augwaligo te sę ela silama, Godigo Dwagi Yai Mobo Bidigo Polgo homuba menama, aga Masedonia tǫ dali Akaia tǫ dali te bulu siba pomainu homu ilali. Tedu pelama, aga Jerusalemba sabaligi pomainu homu yali. Tama Pol agai homugo bomo eyu te po wali, “Ena teba sabaligi pelama, nosali ena Rom be nani sugi paibao,” te homu yali.

Godigo Sęba Tagala Palai Bidigo Po 19:21 Referans Kwoze

Godigo Sęba Tagala Palai Bidigo Po 20:22

Tama megi Godigo Dwagi Yai Mobo Bidigo ena dąų olama, ena Jerusalemba odasa pabo. Te bulu bidi dabego enabolo magi sę egowe, te eno konebeo.

Godigo Sęba Tagala Palai Bidigo Po 20:16

Pol agai homugo te Efesus be nani sugobeo, ela soaibao homu yai. Agai homugo ena Jerusalemba polo paibao homu yali, ena tede te Juda dabego moni nai tubo bodolu Jerusalemde bidibadi silaibao, te homu yali. Te Juda dabego moni nai tubo bodolu te nogi Pentikos dao.

Godigo Sęba Tagala Palai Bidigo Po 23:11

Te sę augwaligo elama, te sogo hulide te Genuai Bidi Jisas aga Pol pageba aselama, dolaluali. Tama agai te po wali, “Pol, nago Jerusalem bidibolo eno po pusa mani. Tama nosali nago te pusali po tiwai naga te Rom be nanide me pusa mao. Tama tibaso, nago wi egio, nago homu dąų olama, bidao,” wali.

Polgo Po Pas Rom Dabeba Asęani 1:13

Eno ama dedeo, eno homugo dagego e po bugagia koneiąo, hauwa sogo eno te dage bidibo madi asaibao homu yali. Tiali goli sesemane sogo nai me deligo te ena tų palialubo dao. Te eno sęgo gasa bulude bidibo Juda hani isąwai we bidi augwali tau selama te augwaligo Godigo po wali pabo we bidi pedalali, tama eno dage tomode me te tau sabo sę egi pabo homu hauwa sogo yai dao.

Godigo Sęba Tagala Palai Bidigo Po 18:21

Agai augwali taga peyu, te po wai, “Te Godigo ‘Usu da’ obaso da, teda nosali ena dage pageba ma geasa asaibao,” wali. Te po olama, Pol te moni gebadu pelama, Efesus be nani taga pali.

1 Tesalonaika 1:7

Tama tibaso, te Masedonia dali Akaia dali te genuai tǫ side bidibo Jisas wali pabo we bidi augwaligo dagego te dwagi yai sę yali po odama, tama augwaligo te tiwai inao, te po wai.

Galesia 2:1

Te ena gasa bulude bidibadi, te kibu be nogo si olama, sągą badu me si me si bidai. Tama nosali ena dali Barnabas da si Jerusalemba pai. Tama eno te bidi Taitus me selama, da hodobo pai. Te da bidi sela Jerusalem hanuba sabolama, tama tede da dali pedalali sę dagego bugagia koneao.

1 Korin 16:5

Eno tede sę me elalubaso, eno e bulu Efesus tagalama tama hasia ena te Masedonia moni tǫ pedai teba paibao. Te moni tǫ tomodu biliyu, tama tede eno sę silibo si, tama ena dage bidibo madi pedalaibao.

Polgo Po Pas Rom Dabeba Asęani 1:15

Tama tibaso eno homu me hodaloyu, te wiegi yai po te dage Rom hanude bidibo bidi dabebolo me te po pusainogo te homu bomo ebo dao.

Godigo Sęba Tagala Palai Bidigo Po 28:16

Te da Rom tomoba sabalobo si, gavman tobolu bidi dabego Pol agaduba bidabo pesage osogo abelama, bidimainu yali. Tiali goli, tigidali sogo enesigi bidi deligo tonaluali, Pol wi pidali weyu tiali.

Godigo Sęba Tagala Palai Bidigo Po 27:24

Tama agai enabolo tama wali, ‘Pol, nage wi egio. Nage te moni Rom gavman tobolu bidi agai gedude dolalu, naga po wao. Tama odao. God da, te dwagi yai bidi mu dao. Tama tibaso, Godigo nagebolo dwagi yai sę elama, tau selama, tama te moni gebade nage dali bidibo bidi me deli isigobeo,’ te ensel mobo bidigo enabolo tama wali.

Godigo Sęba Tagala Palai Bidigo Po 27:1

Te Festus agai Pol dali, gasa kalabus bidi dabe dali te Itali tǫba moni gebadu pabo po dodolali, te Sisar pageba pomainu yali. Tama gavman tobolu bidi me badu augwaligo bidi me deli dąį ilali, te bidi nogi Julius da, augwali tonaluabo bidi dąį ilali. Te bidi Julius agai te ami enesigi bidi a naga bidi nogo sągą sese silama, tonalubo tobolu bidi da. Tama aga te umabo ami enesigi bidi hani me deli tomode bidibo bidi da, te hani nogi ‘Rom gavman moni tobolu bidigo enesigi bidi hani da.’

Godigo Sęba Tagala Palai Bidigo Po 21:17

Tialima, te sogo da Jerusalemba sabolama, te Jisasgo po wali pabo we bidi hanigo augwaligo bugai homu elama, da suagasali.

Godigo Sęba Tagala Palai Bidigo Po 21:4

Tama pelama, Jisasgo po wali pabo hani gegelama, augwali dali bidibadi, Sabat deli bidali. Tama te sogo Godigo Dwagi Yai Mobo Bidigo augwalibolo po me deli wali. Augwaligo Polbolo te po tama wali, “Te nage Jerusalemba pelamuo,” wali. “Augwaligo nage elabuo,” wali.

Godigo Sęba Tagala Palai Bidigo Po 18:12

Te nosali te bidi me deli nogi Galio, te Rom gavman genuai mu tobolu bidi dabe augwaligo te bidi Galio te Grik tǫ tonaluabo tobolu bidi nigilali. Tama te sogo te Juda hani augwali sisinama, Pol selama, augwaligo aga po tųba odasa pali.

Te We Bidi Dabego Jerusalem Hagede Gela Wali 3:37

Te Genuai Bidigo usu da hasia wasiąyu da, teda bidigo magi sę pedalumainu ebo usugobeo.

Godigo Sęba Tagala Palai Bidigo Po 16:12

Tama dago Neapolis taga palio, augwaligo moni genuai taunba pali, te bulu nogi Filipai. Te bulu moni genuai bulu mu da, Masedonia tǫde te bulu deli tobolu elalubo da. Te Rom bidi hani tede bidu, tonalubo da. Tama da te bulude hauwa sogo mu bidali.

Godigo Sęba Tagala Palai Bidigo Po 19:22

Tama tiali, Pol agai sę tau sabo bidi si te Masedonia tǫba tagala palali, te bidi si nogi me Timoti, me Erastus. Tama te bidi si tagala palama, Pol te Esia tǫde osogo bididuali.

Godigo Sęba Tagala Palai Bidigo Po 19:29

Tama te Efesusde bidibo we bidi augwaligo te po odoyu, augwaligo moni po dagą wali, tama augwali pelama, Masedonia bidi Pol tau sali bidi si nogo tuali. Te bidi si me nogi da Gaius, me bidi nogi da Aristarkus. Tama augwaligo te bidi si nogo tolasa, augwa moni po tų ebo pesageba pali.

Polgo Po Pas Rom Dabeba Asęani 1:11

Magi baso meni. Eno dage suainogo ebo homu mu godolo yai. Eno te Godigo Mobo Bidigo tau sabo po mobo meba te dagebolo mayu, te dage bomo ilimainogo homu ebo dao.

1 Korin 4:19

Tiali goli menio. Te Genuai Bidigo homu usu yali da, teda ena dage bidiboba polo asaibao. Tama eno te hagoma ebo bidi dabego wabo po naga konegobeo, te augwaligo te Godigo sę yabo bomo me elalubowe ma meniwe, te me eno koneaibao.

2 Korin 10:16

Tama tiyu, dago dage tagalama, tama te Kraisde wiegi yai gesi po te dage u badu elalubo me badu tǫde bidibo we bidibolo sela pabo usu yaibao. Te elama, tama dago gasa bidigo te gasa dąį ilali tǫ tomode yali sęde te dago nogi olo ugwaba me sogobeo.