Godigo Sęba Tagala Palai Bidigo Po 19:18 - Godigo dwagi yai po buku

¹⁸ Tama nosali Jisasgo po wali pabo we bidi me badu augwali aselama, te po te we bidi tigidalibolo wai, “Te dwai pobi wabo sę dago polobadu yai dao” wali.

Godigo Sęba Tagala Palai Bidigo Po 19:18 Referans Kwoze

Polgo Po Pas Rom Dabeba Asęani 10:10

Magi baso meni, te dago homugo te konealubo po dąų obaso, tama Godigo da doloba pai we bidi nogi poaibao. Tama dago pedauwalidu te dena konealubo po we bidi gesabide pusubaso, tama te Godigo da ma saibao.

Matyu 3:6

Tama augwaligo augwa yali sęgę dabe pusuyu, tama Jongo augwali te Jordan ąįde baptais mani.

Godigo Nogi Ugwaba Sabo Tęąbi Po Wabo Buku Dabe 32:5

Nosali eno sęgę te eno nageba pusali. Eno ena yali dwai kolesaga geme me dualubeo. Eno te homu yali, eno te bomai po bolali kolesagade sali sęgę tigidali eno te Genuai Bidiba pusabo homu yali. Eno hania pusula silibaso, tama nago eno yali dwai sę me, eno sęgę me, sela sąwai dao. Tama tiyu, nago ena tede nosali elegobeo wali.

1 Jon 1:9

Tiali goli dago yali dwai sę dabe po dago te Godibolo pusuyu da, teda agai aga polobadu dąų wali po wali peyu, tama agai da dali te doloba pai kolesaga naga eyu yaibao. Agai dago dwai sę yali sela sąwaibao, tama dago yali dwai kolesaga tigidali agai sela sąnama tama da te meda isąwai we bidi ilaibao.

Esekiel 36:31

Tama te sogo da, dagego duga yali te dwai damua pai kolesaga dabe sęgę dabe kone palaibao, me te dagego yali eno godolo mu isąwai sę dabe kone paliyu, tama dage hale genuai mu yaibao.’ Te po me pusao,” wali.

Esekiel 16:63

Tama eno nago te yali dwai kolesaga dabe sela sąnama, tama tede homu kone ma palogobeo. Tiali digi, te nago te nago yali dwai kolesagade ma kone paliyu, hale dwai mu ebaso, te nago po me deli wagobeo. Ena God Genuai Bidi, eno te po wai dao.”

Jeremaia 3:13

Israel, nago te tiwai po dolasa hanilama pusao, “Eno te dwai sę yai da,” po wao. “Eno God, nage ena Genuai Bidiba hagoma yali, te ena tigidali genuai ni dologoba pelama, te tibo god dali dwai kolesaga yali. Te eno nago po sela sąwani.” Israel, ena Genuai Bidigo, eno te po nageba mobao,’” wali.

Bugagia Bidibo Kolesagade Po Asęai Buku 28:13

Te bidigo aga dwai sę yali geme dualabo homu ebo bidi da, teda aga bugagia me bidigobeo. Tiali goli, te bidigo aga dwai sę yali tigidali pusulama, tama te dwai sę dabe tudiba mubaso da, teda Godigo te olo mu tau sabo wiegi yai kolesagago aga bugagia tau saibao.

Pris Sę Ebo Bomai Po 26:40

“Tiali goli, nosali dage te hani dabe te augwa yali sęgę homu kone palama, te augwaligo enaba pusaibao. Augwaligo te tama po waibao, ‘Dena digi me te sęgę siyu, te wąį nǫų dabego me sęgę salio. Dago hagoma elama, te nago po sela sąwai dao.’

Pris Sę Ebo Bomai Po 16:21

“Te meme tede bidibadi te Arongo nogo si te meme toboluba munama, Arongo te Israel we bidi dabego yali dwai sę, me dwai kolesaga tigidali, me hagoma kolesaga hanilama pusao. Te kolesagade agai te sęgę tigidali te meme toboluba mueibao. Nosali te meme agai te sa muani bidi me deliba menama, tama te bidigo te tǫ wa pai buluba te meme kibu sela pelama, teba tagaligi paibao.

Godigo Sęba Tagala Palai Bidigo Po 19:17

Tama te Efesusde bidibo Juda we bidi dabe me, te Juda hani isąwai hani we bidi me, augwali tigidaligo te yali sę po odama, wi mu yali. Augwaligo te Genuai Bidi Jisas nogi ugwaba mu sali.

Godigo Sęba Tagala Palai Bidigo Po 19:19

Tama augwaligo te pobi me, animani ola mabo buku dabe deliba sisinama, augwaligo tigidali we bidi gedude isiba ulai dao. Te buku abelebo mone ge te hauwa kisu 50,000 monego abelai dao.

Jems 5:16

Tama tibaso, dagego duga dwai sę yali te duga ama dabebolo pusao, te duga hasi tau somainogo Godibolo te po hanalu wao, te God agai dage dwagi yai ma usu ilimainogo yao. Tama tiyu, te doloba pai bidigo gedu haluasa po wabode bomo elaluyu, tama agai te gedu haluasa po wabogo te we bidi tau sabo sę ebo usu yaibao.