Godigo Sęba Tagala Palai Bidigo Po 18:5 - Godigo dwagi yai po buku

⁵ Te nosali Sailas dali, Timoti dali augwali si te Masedonia tǫ taga solama, Korin be nanide Pol bidibo madigi sabolali. Tama augwali si asobo si, Polgo te ugwa be hobolobo sę tagalali. Agai tigidali sogo te Juda hani we bidi bidibo tomode po ola bilali. Tama agai po bomai mu pusuyu, te po wali, “Te dagego koneao. Te bidi Jisas aga Godigo aga sa muai bidi Krais da, te we bidi tau somainu.”

Godigo Sęba Tagala Palai Bidigo Po 18:5 Referans Kwoze

2 Korin 5:14

Magi baso meni. Te Kraisgo da dali dwagi yai homu eyu godolo ebogo, tebogo naga da homu hodolama tama dago Godigo sę ebo dao. Magi baso meni, dago homugo bugagia kone palama, tama te tiwai homu koneanio: bidi deligo da tigidali hasegelama tama da tobade aga isalio, tama tede da tigidali isai tiwai yai dao.

Godigo Sęba Tagala Palai Bidigo Po 20:21

Sesemane sogo eno dagebolo po bomonama weyu, te po wai dao, ‘Te Juda bidi dabe me, te Grik bidi dabe me, dagego dwai sę ebo kolesaga me tudiba tagalama, homu begelama, God pageba aselama, dagego homu Jisasba mu muao.’ Te dage tau sabo po eno dagebolo tigidali sogo konelai dao.

Godigo Sęba Tagala Palai Bidigo Po 17:3

Te sogo agai augwalibolo te po hania wali, te Godigo sa muani bidi, te we bidi tau somainu sa muai bidi Kraisde po agai ola mani. “Suao,” wali. “Godigo po elalubo bukude e po elalubo, te bidi Godigo dabolo tagala palaibao,” wali. “Agai moni dene tolama, isaibao. Tama nosali aga gų pagede ma hodalueibao. Tama megi eno dagebolo Jisas aga digi te Godigo sa muani bidi Krais dao obao,” Pol agai te po wai.

Godigo Sęba Tagala Palai Bidigo Po 9:22

Tama Solgo po bomo yai po mu pusali. Agai te po wai, “Te bidi Jisas da, te Godigo we bidi tau somainu sa muai bidi Krais dao.” Tama agai po bomo elalubaso, te Damaskusde bidibo Juda dabe augwaligo po wei ponogobeo. Agai pogo tigidali we bidigo po aiyaba elalualio.

Esekiel 3:14

Tama Godigo Mobo Noma Bidigo ena ugaba sagoa selama, te ena tolasa palio. Te Godigo genuai bomo enaba pedelama, te ena dwai dene ebaso, ena sębę eyu palio.

Jeremaia 20:9

Te ena digi eno te nageba homu kone me egobe weyu, tama eno nago nogide po me pusugobe obaso da, teda eno koneani, te nago po te genuai isi tiwai eno haligade elalu, te eno dili dogwai tomode te isi bogoli edubo tiwai ebao. Eno nago po paliabo sę ebadi goli, tiali te eno usu meni ebo dao.

Jeremaia 6:11

Tiali goli, Genuai Bidi, nago augwaliba dene mabo haliga sębę enade me pągąnalubao, tama eno homude te dene mabo haliga sębę te palia saiba homu ebaso, usu egobeo.” Tialima, Genuai Bidigo enabolo e tama po wai, “Eno te haliga sębę ebo eno te sunumi dabe bidalubo wai puluba dabeba gea paliyu, te gesi bidi dabe sisinaluboba me tiao. Te bidi dabe augwa we dabe dali, me te monu dabeba me, eno te haliga sębę gea palao,” wai dao.

Filipai 1:23

Eno homu si ebao, tama te homu sigo ena augwali si tomode dąų walali. Te homu me e dao: ena Krais dali bidigi pomainu ena isaio homu bomo elama ebo dao. Te aga dali bidibogo te e tǫde bidibo kolesaga aiyaba mu elaluaibao.

Godigo Sęba Tagala Palai Bidigo Po 2:36

Te Pitago po ma wai, “Eno dagebolo te po obao, dage Israel we bidi tigidali, dagego hania koneao, te duga te nide enani bidi Jisas, te bidi Godigo te Genuai Bidi ilali, te Godigo we bidi tau somainu sa muani bidi Krais,” Pitago te po wai.

1 Pita 5:12

Te bidi nogi Sailas agai ena tau siyu, tama eno e pęwadage po dagebolo asęna tolobao. Tama eno homu te bidi Sailas da te aga nogoba muani sę bugagia tonaluyu sę ebo bidi dao. Tama eno e po dagebolo asęyu, tama bomo elama eno dage homu kęna sabo po weyu, tama te eno asęani po te God agai aga we bidi olo tau sabo kolesaga mu dao. Tama tibaso, te kolesaga bugagia dąų olama, tama dolaluyu bidiąo.

1 Tesalonaika 3:2

Tama te homu elama, da sigo dago ama Timoti dage bidibo digiba tagala palai. Timoti aga te Godigo sę ebo bidi dao. Aga te Jisas Kraisde po pusubo bidi dao. Da sigo Timoti dage pageba tagala palai, tama agai dage bomo mayu, tama dagego Kraisde konealubo po dąų walomainogo, tama augwaligo dage dene mobaso da, dage meba bidi te Jisasgo po tagalidali weyu yai. God aga digi da te dene dali sęgę dali te somainogo, agai da te bodolu mawai.

Godigo Sęba Tagala Palai Bidigo Po 16:9

Tama te sogo hulide Polgo na gagawai yali. Agai Masedonia tǫ bidi me deli dolalubo suali. Aga aselama, Polbolo bomo elama, hanalu wali, “Nage e Masedonia tǫba aselama, da tau sagasao,” wali.

Godigo Sęba Tagala Palai Bidigo Po 16:1

Te Pol aga Derbe be naniba sabolali. Tama nosali te Listra buluba pali. Tede agai bidi me deli suai, te bidigo nogi Timoti. Aga dali, aga ida dali, augwali si augwa homu tigidali Jisasba munaluali. Te aga ida da te Juda hani we da. Tialima aga aya da, te da Grik hani bidi da.

Godigo Sęba Tagala Palai Bidigo Po 15:22

Te Jisasgo sa muai tagala palai bidi dabe dali, te tobolu bidi dabe me, te Jisasgo po wali pabo we bidi tigidali me, augwaligo deli homu elama, bidi me badu augwaligo Antiok buluba tagala palabo homu yali. Augwaligo bidi si dąį ilai, te Pol dali Barnabas si dali pomainu yali. Bidi si dąį ilai, te bidi nogi me Judas, agai nogi me Barsabas, te gasa bidi nogi me da Sailas. Jisasgo po wali pabo bidi dabe augwaligo te bidi side dwagi yai homu yali.

Godigo Sęba Tagala Palai Bidigo Po 10:42

Tama dabolo agai bomai po mu mawai dao. Agai ‘Te dwagi yai po te tigidali we bidibolo ola mao,’ wali. Godigo Jisas dąį ilama, tigidali bidibo we bidi me, isali we bidi me, aga po tų yabo bidi nigilama, bidibo. Te sę ebo po me dago te we bidibolo pusa mawaibao.

Godigo Sęba Tagala Palai Bidigo Po 4:20

Dadi sigo gedugo suali sę me, odali po me, te dago tagalogobeo,” te po wai.

Dwagi Yai Gesi Po Jongo Asęani 15:27

Tama dagego me enade te we bidibolo po pusao. Magi basowe? Polobadu dage ena dali bidibadi, eno te sę gagalama ebo dagego suai, tama megi me eno te sę ela asela dąį yagasobo dagego subao,” Jisasgo aga bidi dabe dali te po wai.

Dwagi Yai Gesi Po Jongo Asęani 10:24

Jisas te moni be mabode bilibadi, tama Juda bage aselama, Jisas bagulama, te po wai, “Nisu naga sogo nago dago homu si pedemainogo ebawe?” Juda bagego Jisas dali te po wai. “Nage Godigo sa muyu asaiba wali bidi da, te Krais bidi da wida, nago po hanilama, da dali wao,” augwaligo te po wai.

Dwagi Yai Gesi Po Jongo Asęani 3:28

Dagego eno polobadu te wali po odai dao, ‘Ena Godigo sa muyu asaibao wali bidi Krais menio, tiali goli Godigo ena “Polasa aselama, te bidigo asobo tų dodolao,” te po Godigo ena dali wai.’

Dwagi Yai Gesi Po Jongo Asęani 1:41

Tama polo agai aga ama Saimon gegegi pai, tama agabolo te po wali, “Dago te Mesaia bidi suali,” Andrugo aga ama Saimonbolo te po wai. (Dago te nogi Mesaia wali begelama, tama te nogi poai Krais dao, Godigo sa muyu asaiba wali bidi dao.)

Dwagi Yai Gesi Po Lukgo Asęani 12:50

Baptais sabode te ąįgo eno tigi siminibo tiwai, te nosali dene me eno tigi siminaibao. Eno baptais sabo gilama te ena dene sabo sę elalubao. Te dene siminasąbadi yaide, ena dwai homu mu ebao.

Maika 3:8

Tiali goli, ena Maika da, te Genuai Bidigo Mobo Bidigo enabolo te bomo mobaso, tama eno homu kolesagade te doloba pai kolesaga yali. Te agai eno haliga dąų waliyu, te Israel dabe augwaliba te augwa sęgę tigidali pusa mabo po hanilibo dao.

Dwagi Yai Gesi Po Lukgo Asęani 16:28

Tede eno ama a naga bidibao. Tama te bidi teba pelama, po mobo momainao, augwali e dene sabo buluba asidali,’ wali.”

Godigo Sęba Tagala Palai Bidigo Po 16:12

Tama dago Neapolis taga palio, augwaligo moni genuai taunba pali, te bulu nogi Filipai. Te bulu moni genuai bulu mu da, Masedonia tǫde te bulu deli tobolu elalubo da. Te Rom bidi hani tede bidu, tonalubo da. Tama da te bulude hauwa sogo mu bidali.

Godigo Sęba Tagala Palai Bidigo Po 20:23

Tialima, eno koneanio. Augwaligo ena elama, sęgę menama, ena kalabus yaibao. Tigidali be nanide te Godigo Dwagi Yai Mobo Bidigo te tobage sęgę sabo po enabolo ola mawai dao.

Godigo Sęba Tagala Palai Bidigo Po 20:24

Tama augwaligo ena elama isilibo eno moni homu menio. Te magigo menio. Tiali goli, eno genuai homu mu Genuai Bidi Jisasgo enabolo mani sę bomo elama mu yaibao. Tama te Godigo da homu dene ebo sę, te dwagi yai po eno tigidali we bidibolo augwaligo konealumai hagede bugagia pusa mawaibao,” Pol agai te po wai.

2 Korin 1:19

Ena me Sailas me Timoti, dago dage tomode pusali po, te Godigo Ogwa Jisas Krais agade te po pusali. Tama Krais aga subigila hasegelebo menio, aga da te aga homu polo subigila hasegelebo bidi meni. Agai aga dąų walali po togogobeo, aga yaibao wali sę te aga mu yaibao.

2 Korin 11:9

Ena dage dali polobadu bidali sogo ena nai me sǫą pali, te sogo eno dagede bidi me deli dali aga nai anoma eyu sęgę me mabeo. Menio. Te ama dede dabe augwaligo te Masedonia tǫ tagalama tama Korin hanuba pedaliyu, augwaligo ena sǫą pali nai usu nani. Tama tigidali nai eno bugagia tonaluama, tama dagego duga masigigo ena tau sabode eno dwasianu sęgę dagebolo me mabeo. Tama sesemane sogo eno te tiwai bugagia tonaluaibao.

1 Tesalonaika 3:6

Te da dagede moni homu te tiwai eyu bidali. Tiali goli, Timoti aga dage pageba sabolama, tama dage dali osogo bidiyu, tama agai dage tagasu, megi tama aga da bidibo digi ma asai. Tama aselama, agai dwagi yai po da dali pusai. Dwagi yai po pusuyu, agai te po wai, “Te Tesalonaika dabe augwaligo Godide konealubo po bugagia dąų waliyu bidibo dao. Augwaligo augwa hasi godolo mu eyu bidibo dao,” te po wai. Me agai te po wai, sesemane sogo dagego da dage dali bidali sogo homugo ma koneyu, tama dagego da dali dwagi yai homu ebo dao. Tama dagego da suabo homu bomo mu dali elama bidai, te dago dage suainogo ebo homu tiwai dagego me te homu ebo po Timoti agai da sibolo tamadi pusai, megi tama.