Godigo Sęba Tagala Palai Bidigo Po 18:3 - Godigo dwagi yai po buku

³ Tama Pol agai te we de bidi si te hasa waligo ugwa be hobolama, te mone sabo sę ebo suali. Polobadu Pol aga me te sę yai. Tama augwali sigo Pol hanalu wali, “Nage dadi si dali bidu, e sę yaibao,” wali.

Godigo Sęba Tagala Palai Bidigo Po 18:3 Referans Kwoze

1 Tesalonaika 2:9

Dago abagi dabe, da dage tomode bidibadi, dago sę dene ebo te tigidali dagego koneai dao. Tama dago dagebolo Godigo dwagi yai po pusubadi, tama dago te masigi sabo gasagi yai sę yai dao, te siade me hulide me yai dao. Te yali sę dagego koneai dao. Dago te sę magi baso yaliwe? Te dago dagebolo sęgę maidali weyu, dago te sę yai dao.

1 Korin 4:12

Dago dena nogogo digi masigi dena tigi tau sabo sę eyu dene mu ebo dao. Augwaligo dwai posobo po dabolo wabo, tiali goli dago augwali bugagia bidabo po naga augwaliba ponoyu ebo dao. Augwaligo dabolo dwai sę eyu, te dene mabo kolesaga ebo, tama augwaligo te tiwai sę eyu dago sula tagalama, te sęgę bugagia tolobo dao.

2 Korin 11:9

Ena dage dali polobadu bidali sogo ena nai me sǫą pali, te sogo eno dagede bidi me deli dali aga nai anoma eyu sęgę me mabeo. Menio. Te ama dede dabe augwaligo te Masedonia tǫ tagalama tama Korin hanuba pedaliyu, augwaligo ena sǫą pali nai usu nani. Tama tigidali nai eno bugagia tonaluama, tama dagego duga masigigo ena tau sabode eno dwasianu sęgę dagebolo me mabeo. Tama sesemane sogo eno te tiwai bugagia tonaluaibao.

2 Korin 12:13

Eno te deli tiwai kolesaga te gasa Godigo po odobo we bidi hanibolo yali, te dagebolo yali tiwai sę yali. Eno dage tau sabo sę mede sǫą mu pabeo. Deli sęde naga eno dage dali te gasa Godigo po odobo we bidi hani dali tiwai si ebe. Augwaligo augwa masigigo ena tau sali goli, eno digi dagebolo duga masigigo ena tau sao po munu me wabeo. Tede dagego homu eno sęgę sali homu eyu da, eno homugo dagego te eno sali sęgę sela sąyao! Tiali goli eno koneani, eno tede sęgę me sabeo.

2 Korin 11:7

Dagego koneani, eno te Godigo wiegi yai gesi po dagebolo ola mani sogo, tede eno masigi me sabeo. Te kolesagade ena digi ena aiyaba elaluama te dage ugwaba siyu yai. Magi yaliwe? Dagego homu eno te yali kolesagade te ena sęgę sali, agawe?

1 Korin 9:14

Tama te tiwai naga dago Genuai Bidigo te bomai po muani: te Godigo wiegi yai gesi po pusubo sę ebo bidi dabe, te sęde augwaligo te wiegi yai gesi po sabo we bidigo tigi tau sabo nai meba somainogo yao.

1 Korin 9:15

Tiali goli ena digi eno te tama tiwai nai me deli sisąwai dao. Tama megi me eno te nai saiba olama eno e po me asębeo. Menio. Te ena bolo hasia isimainao wai! Eno masigi sisąbadi te sę ebo dao. Tama eno te sęde wiegi yai homu pemene ebao. Tama bidi me deligo enabolo masigi mayu eno te wiegi yai homu pemene ebo page te dagala samainogo me egobeo.

1 Korin 9:18

Tama tibaso, te sęde eno mena nai saibawe? Te eno sabo nai te e tiwai elalubao: te eno sainu elalubo nai te Godigo wiegi yai gesi po pusubo sęde sabo elalubo, te eno me sabo meni. Menio. Eno te wiegi yai gesi po pusama tama eno augwaliba olo mabo dao. Tama tede eno dwagi yai homu pemene ebo usu baso, te wiegi yai gesi po olo pusubo kolesaga da eno sabo nai tiwai dao.

1 Tesalonaika 4:11

Dagego homu kolesaga tomode bomo elama, tama dagego homu dwagi yai nagamea peyu, tama duga bidibo bugagia tonaluao. Tama dagego duga digi duga masigi sabo sę yao, dago polobadu dagebolo te po wali gilama.

Te Israel me Juda Hani Sigo Tuni Bidigo Po Elalubo Buku Si 6:2

Nago da tigidali te Jordan węba tama ni togogi pabo usu yaibawe? Tama dago gesi be me sę yaio, dago te be Jordan wę sesegede sę yaibao,” wali. Tama Elisago te po wai, “Usu dao, dagego be sę yao.”