Godigo Sęba Tagala Palai Bidigo Po 17:32 - Godigo dwagi yai po buku

³² Te sogo Pol agai bidi me deli gų pagede ma hodaluali po pusubo da, bidi me badu augwaligo te po gisugu mani. Tiali goli bidi me badu augwaligo agabolo te po wali, “Dago homugo nago te po dabolo ma pusa mao,” wali.

Godigo Sęba Tagala Palai Bidigo Po 17:32 Referans Kwoze

Godigo Sęba Tagala Palai Bidigo Po 26:8

Dage Juda hani, dagego e homu ebo da, ‘Te Godigo te isali we bidi gų pagede ma hodalogobeo.’ Dage magi baso te homu ebawe?” Polgo te po hanalu wali.

Godigo Sęba Tagala Palai Bidigo Po 17:18

Tama te Epikuria hani po ola mabo bidi dabe me, te Stoik hani po ola mabo bidi dabe me, augwaligo Polgo po aiyaba elaluai hagede, pogo wąbi hwįai ąǫ yali. Te bidi me badugo te po wai, “Te bidi aga da, te mu konesiąwai bidi da. Agai dabolo magi po obawe?” Me badu bidigo te po wali, “Agai te po wabo gasa habuba bidibo Godigowe?” te po wai. Pol agai te Jisasde po ola mobadi yaide, isai bidi te gų pagede ma hodaloabo po ola mobadi yaide, augwaligo te tobage po tama wali.

2 Korin 6:2

Magi baso meni. Polobadu Godigo aga we bidi hanibolo te po wai dao, “Te eno bodolu mani wiegi yai sogo, eno nago po odai dao. Tama te bidi dabe augwali ma dobola sabo sogode, eno nage tau sali.” Odao! Megi naga te bodolu mani wiegi yai sogo. Megi e sogo naga te Godigo da ma dobola sabo sogo dao. Tama tibaso, dagego agai olo mabo wiegi yai tau sabo kolesaga sula tagaligimio.

Godigo Sęba Tagala Palai Bidigo Po 25:19

Tiali goli, meni. Augwaligo aga po tų ebo po page augwaligo lotu po wabode naga tama. Tama augwaligo aga po tų ilibo po page me deli e tiwai elaluali. Te bidi me deli isali, agai nogi Jisas da. Tiali goli, Pol agai po bomai mu weyu, ‘Te bidi Jisas da, te gesi bidibo ula elalu bidibao,’ wali.

Godigo Sęba Tagala Palai Bidigo Po 24:25

Tiali goli, Pol agai te po ola mayu, te po wai, “Tigidali we bidi dwagi yai doloba pai kolesaga mu elama, bugagia tonaluao, dagego dwai kolesaga egio.” Tama agai te po wali, “Godigo we bidi tigidali po tų yaibao,” wali. Tama te sogo Feliks agai te po odama, agai wi mu elama, agai Polbolo te po wali, “Nage megi te kalabus beba ma pao. Tama nosali me sogo eno sę meni baso, nage eno i obaso da, te nage ena pageba asagameo.”

Godigo Sęba Tagala Palai Bidigo Po 2:13

Tiali goli, bidi dabe me badu augwaligo te posobo po weyu, te po wai, “E bidi dabego bomai wę tulama, wabo pabo sę gagawai ebao,” te po wali.

1 Korin 4:10

Te Kraisgo nogi ugwaba sainu, da te tǫde we bidigo gedude te kolesaga geda muyu te polobo bidi tiwai bidibo dao, tiali goli dage te Kraisgo kolesagade te kolesaga koneai bidi tiwai bidibao. Dage bomai we bidi mu bidimainogo eyu tama dago dena digi bomo meni yai bidi dabe ilali. Dage genuai wiegi yai nogi elalubao, tiali goli dago nogi meni yanio.

Godigo Sęba Tagala Palai Bidigo Po 17:31

Tama agai deli sogo me bodolu mawai. Nosali te sogo agai tigidali tǫde bidibo we bidi po tų ela mawaibao. Augwali po tų yabo bidi Godigo sa muai dao, te bidi agai dwagi yai doloba pai po tų mu yaibao. Tama Godigo te sa muai bidi agai dabolo hania ola mani. Mena sę elama, da tigidaligo sualiwe? Agai te bidi isąma, gų pagede ma hodaluama, ma gesi bida bida paibao,” Pol agai te po wai.

Dwagi Yai Gesi Po Lukgo Asęani 14:18

Tiali goli, augwali deli deligo ena hagelabo homu eyu, ili po wali. Bidi mego te sę ebo bidibolo te po wali, ‘Megi tama eno gi tǫ abelali. Tama te tǫ megi eno sugi paibao. Nago genuai bidibolo te po wao.’

Tuni Bidi Dabego Po Elalubo Buku Si 36:16

Tiali goli te we bidigo te augwaliba tagala palali te bidi dabe posobo po weyu yali, tama augwaligo homugo tiali augwaligo po te olo nai tiwai dao homu yali. Tama augwaligo te profet dabe olo nai gagaliyu yali. Tama tibaso, Genuai Bidigo aga we bidi dabe hagela mu elama, tama augwali dali sębę genuai mu yali. Tama augwaligo agai augwalibolo tagala palainu ebo te dwai sę geda muabo usu egobeo.

Godigo Sęba Tagala Palai Bidigo Po 13:41

Augwaligo te po asęani, Godigo te po wai, ‘Odao, dage Godigo po sela sąbo bidi dabe dao. Dagego tonaluama, moni homu elama, nosali noma siąo. Tiali goli, dage isaibao. Eno dage pagede sę ebadi, dagego te sę ebo dagego homugo mu konegobeo. Tama bidi me deligo dagebolo te sę page pusa mobadi, dagego agai wabo po page bugagia konealugobeo,’ Godigo te tama po wai,” Polgo te po wali.

Hibru 13:13

Tama tibaso, da me te pesage nigali te bulu badu agaba pelama, tama dago agai aga isibode tolali hale tiwai te dago me tolao.

Hibru 11:36

Tama te Godide konealubo po dąų wali we bidi meba te boi bidi dabe augwaligo te dwai posobo po sęgę siyu, tama augwali dodolama te dwai bįgo subigila elali, tama sengo augwali kęnama, tama augwali kalabusiba muyu yai dao.

Dwagi Yai Gesi Po Lukgo Asęani 23:36

Te ami enesigi bidi dabe augwaligo me Jisas dali dwai haniani po wai. Augwaligo pąba aselama, Jisas dwai ha ebo ąį mawainogo yai.

Dwagi Yai Gesi Po Lukgo Asęani 23:11

Tama Herot dali, aga enesigi bidi dabe dali, augwaligo Jisas dali dwai dwai haniani po olama, Jisas mu dolai. Augwaligo dwagi yai ugwa selama, Jisasbolo sabili mubo ąǫ yai. Tama te tiwai elama, augwaligo gisugu wai. Tama elama, Herot agai “Jisas te kiap tuni bidi Pailatba ma odasa pao,” te po wai, tama augwaligo aga odasa pai.

Dwagi Yai Gesi Po Lukgo Asęani 22:63

Te Jisas tonalubo bidi dabe augwaligo dwai dwai haniani po aga dali weyu, te aga eleyu yai.

Tigidali Nai Gagalama Nigali Side 19:14

Tialima, Lot te aga wegi si noma sali bidi aga wąį si bidibo madi pai. Tama agai te po augwali sibolo wagi pali, “Dage si hogodama, te hanu polo taga soao,” wali. “Yawego te bulu dolainogo ebao.” Tiali goli, augwali sigo homugo agai te gagali po wabo homu naga yai.

Godigo Sęba Tagala Palai Bidigo Po 17:33

Tialima, Pol aga te po mibo tagalali.

1 Korin 15:12

Sesemane sogo da Godigo gesi wiegi yai po pusubo bidi dabe dago te Krais isąma tama Godigo aga ma hodolali po pusubo dao. Tama tialigo da, magi ilama tama dage tomode meba augwaligo e tiwai tibo po weyu ebo dao: “Te isai bidi, aga ma hodalugobe, dago te homu ebo da,” te po wabo.