Godigo Sęba Tagala Palai Bidigo Po 17:29 - Godigo dwagi yai po buku

²⁹ Tama da bidibo Godigo wai dabe bidibao. Tama tibaso, dago te homu egio, te God masigi tiwai dao, te bunuwaligo nigai piksa tiwai God da, olamuo. Dago te homu ilamuo, ‘God da dago nogogo nigai dao,’ te homu egio.

Godigo Sęba Tagala Palai Bidigo Po 17:29 Referans Kwoze

Aisaia 40:25

“Ena Genuai Bidi, ena te Wiegi Yai Doloba Pai Kolesaga Tigidali Ebo God dao, tama ena tiwai de dawe? Te eno kolesaga ebo tobage kolesaga ebo bidi tiwai me deli elalu, bidibawe?”

Ma Dobola Sali 20:4

“Nago tibo god me nigigio, tama nago te dagalude me, te tǫde me, ma te wę tomode elalubo naigo me, te tǫ dologode elalubo naigo te gasa nai piksa noma me deli munu me nigilamo dao.

Godigo Nogi Ugwaba Sabo Tęąbi Po Wabo Buku Dabe 106:20

Augwaligo te nosa tubo bulmakau piksa selama, tama augwa teba lotu wali. Te kolesagago augwaligo te Godigo genuai nogi aiyaba elalubo sę yali.

Ma Dobola Sali 32:4

Tama agai augwaligo te olode au yali gol dabe selama, tama ulama, tama te ąį tiwai pedelai. Tama agai te tǫde dedage me deli augwaligo te bulmakau noma tiwai nigilama, tama te ąį tiwai pedelai gol teba gelama, tama te bulmakau tiwai pedelai. Tama agai hwą ge selama, te golgo nigai bulmakau noma bugagia dodolai. Tama nosali te we bidi augwaligo te po wai, “Odiąo! Te nai aga da Israel bagego god dao. Agai da Isipde selama, tama da odasa eba asai dao,” wali.

Te Israel me Juda Hani Sigo Tuni Bidigo Po Elalubo Buku Si 19:18

“Tama me te king bidi dabe augwaligo te hani we bidi dabe augwaligo te tibo god noma nigali piksa dabe tigidali selasa pelama, siaba tigidali ulali. Te tibo god dabe da, polo dolobo god dabe da, magi baso meni, te god dabe da, te da tibo god dabe da. Te god dabe da, bidigo digi te ni dabe te masigi dabe selama, te nogogo nigai god naga dao.

Godigo Sęba Tagala Palai Bidigo Po 19:26

Tama dagego te bidi Pol agai ebo kolesaga koneani dao, dago agai po dabe me odali dao. Agai Efesusde bidibo we bidi dabebolo wabo po dabe, tama agai Esia tǫde bidibo we bidigo me agai po tama wabo da, ‘Te tobage bidigo nogogo nigibo god da, bomo menio, augwali god mu menio, agai dage tau sogobeo,’ te po walio. Agai tama po wabode tigidali we bidi augwaligo te po wali pali, te Efesus be nanide me, te Esia tǫde me.