Godigo Sęba Tagala Palai Bidigo Po 17:26 - Godigo dwagi yai po buku

²⁶ Godigo hasia mu bidi me deli nigai (te bidi nogi Adam). Tama nosali te bidi deligo te tigidali haniani bidi dabe dalali. Tama Godigo tigidali bidi dabe tigidali buluba dobayali, augwa te bulude bidimainu yai. Tama God aga digi polobadu mu augwali te bulu dabede bidabo sogo bodolu munama, dąį ilai dao.

Godigo Sęba Tagala Palai Bidigo Po 17:26 Referans Kwoze

Tigidali Nai Gagalama Nigali Side 3:20

Tama te bidi Adam agai aga we nogi Iv nogi yali, magi baso meni, aga te tigidali bidibo we bidigo wai auwa dalali we mosi dao.

Malakai 2:10

Da tigidaligo Aya te deli naga elalubao. Te God deli naga te agai da nigali. Tialima, magi baso dago te dena abagi dabe dali dąų wali po bolobo dawe? Tama magi baso dago te dena wąį nǫų dabe dali dąų wali kontrak po te dago wali pabewe?

1 Korin 15:22

Te e tama tiwai: te Adamgo bulai wai augwali tigidali isibo bage dao. Tama tiali goli Kraisgo we bidi hani augwali tigidali bidibo ula saibao.

1 Korin 15:47

Te hasia polali bidi Adam te e tǫde bidibolo polali. Godigo tǫgo naga aga nigali. Nosali pedalali bidi te agade Adam si wabo bidi, te aga dagalude bidai bidi dao, tedu asai dao.

Godigo Nogi Ugwaba Sabo Tęąbi Po Wabo Buku Dabe 31:15

Ena nago nogode sesemane sogo bidibao. Nago enade te boi bidi ebo bidi me, te ena pobeasa bilibo bidi dabego nogode ma dobola sao. Tiyu, augwaligo ena dolidalio.

Jopgo Po Asęani Elalubo Buku 14:5

Da e tǫde bidabo bubuga dali, kibu be dali si polo bodolu muai dao. Bidi mego aga bidabo bubuga bobobage ma ilabo usu egobeo.

Jopgo Po Asęani Elalubo Buku 12:23

Agai te moni hani genuai nogi mabo si, te bulu tǫ kantri boma pela te bulu nogi elalubo dao. Tama nosali augwali ma dolobo dao. Tama agai te tǫ kantri mebago we bidi hauwa mu pedelumainu elama, nosali agai augwali gasa buluba kalabus emainu sela pabo dao.

Tigidali Nai Gagalama Nigali Side 9:19

Te bidi Noago te ogwa dabe da, augwali te tǫde bidalubo tigidali bidi sibigo wąį monu dabe te augwali dao.

Daniel 11:35

Te boi bidi dabego te polalubo bidi meba dolaibao,” wali, “tiali goli, augwaligo te sęgęgo te gasa polalubo bidi meba dąų waliyu, te doloba pai kolesaga emainu yali, tama te augwali God gedude magi meda isąwai mu pedelaibao. Te tobage kolesaga te me siligobeo. Te tama elalua pidubadi, te Godigo te tigidali nai sia sabo bodolu muani siba usu naibao,” wali.

Daniel 11:27

Tama nosali te king augwa si te deliba dugulama, nai tueibao. Tiali goli, te augwa si homu te dwai elalu, te augwa si po dogia pabo po te pedauwalidu weyu, te augwali siba digi tibo po waibao. Tama augwali sigo te yainu homu yali sę te me egobeo. Magi baso meni, te Godigo te sę emainu sa muani sogo bodolu te pedalisąbadi digi ebao.

Aisaia 14:31

“Dage te genuai Filistia dabego hanu, me dage te hanu dabede bidibo we bidi, dage sese wi dwai mu elama, gela dwai olama, i bomona waiąo. Magi baso meni. Te ami hani me deli te not badu asobao. Tama augwali nosali badu hano holobao. Te ami bidi dabe augwali tigidali hwįbode boma pai bidi dabe mu da weyu, tama augwali deli me nosali me dua dua asobeo.”

Hibru 2:3

Tiali goli megi da, Godigo da ma sabo sę yali, tama agai te sę yali te genuai nai mu dao. Tama tibaso, dago Godigo te sę yali po oda tagalama tudiba muani da, teda da wi peyu, tama te dwai sę yalide te dene sabo sę te mena tama geda saibawe? Te usu munu egobeo. Hasia Genuai Bidigo digi po pusuyu, tama agai da ma saibao homu yai. Tama agai po odali bidi dabe augwaligo dabolo te po mu po naga dao hania ola mawai dao.

Aisaia 45:21

Dage tigidali we bidi, dage aselama, dagego po te po tųba pusagasao. Dagego duga haside digi hanalu, te gega suyu bolo yao, mena god mugo te polobadu mu po wali sę po te megi tama pedalubo dawe? Ena Genuai Bidi, ena deligo naga eno te nai dabe pedelaiba po pusali. Tama suao. Te gasa god munu me bidibeo. Ena te doloba pai kolesaga naga ebo God, eno te ena we bidi dabe ma dobola sabo God da, enaduba deli naga ena bidibo dao.”

Godigo Sęba Tagala Palai Bidigo Po 15:18

“Polobadu mu Genuai Bidi agai te sę pedalabo po wai dao, tama megi te sę pedalalio.”’”

Godigo Nogi Ugwaba Sabo Tęąbi Po Wabo Buku Dabe 74:17

Tama nago te tigidali tǫgo dąį muanio. Tama nago te tigidali kibu bede giliga nanobo sogo muyu, te tulubage tulubo sogo muyu yai elalubo dao.

Jeremaia 27:5

ena digi eno e tǫ ena genuai bomogo nigali, tama me te eno te we bidi dabe nigali, me te tǫde bidalubo hasa sibi nigai. Eno digi ena homu wali peyu, eno te bidi dabe augwaliba tǫ dobabo dao.

Godigo Sęba Tagala Palai Bidigo Po 14:17

Tiali goli, agai tigidali sogo tigidali we bidi augwaligo aga bidibo konemainu, dwagi yai nai dabe we bidi tomode mubo dao. Agai te dagaludu tulubage me, giliga nanobo sogo me, agai dąį ilibo dao. Tama agai nai pedalama, tama dage bugai homu emainogo te sę ebo dao,” augwali sigo te po wai.

Aisaia 34:17

Te Genuai Bidigo digi te Idom tǫ pedaide deli delide dąį ilama, te augwaliba dobawaibao. Tama augwali te Genuai Bidigo dąį ilama, muani madi sesemane bidada paibao wai dao. Godigo tigidali nai wiegi yai ma pedalumainu ilaibao