Godigo Sęba Tagala Palai Bidigo Po 17:24 - Godigo dwagi yai po buku

²⁴ “God agai tǫ me, tǫde bidibo nai tigidali me nigai dao. Te God agai tigidali nai dagalude elalubo nai me, te tǫde elalubo nai me, tigidali aga naga tonalubo dao. Tama tibaso, bidigo nogogo sę yai lotu be tomode aga bidibo menio.

Godigo Sęba Tagala Palai Bidigo Po 17:24 Referans Kwoze

Te Israel me Juda Hani Sigo Tuni Bidigo Po Elalubo Buku Deli 8:27

“Tiali goli, God, te mu tama nage te tǫba bidagasainu homu ebo da, agawe? Dagalu te genuai pesage mu tama da, tiali goli te nage bidabo pesage te genuai me elalube. Tama magi baso te eno nago be sę yani te be te nago usu da waibawe? Te be usu egobeo.

Bomai Po 10:14

Dagalu ugwanu mu elalubao, te da te Godigo dao. Tama te tǫ, me te tǫde elalubo nai dabe sese tama, te Godigo naga dao.

Godigo Sęba Tagala Palai Bidigo Po 7:48

Te Stivengo te po me wai, “Te tiali goli, God Genuai Bidi mu dao, te bidi dabego nogogo nigai bede bidigobeo. Tama te koneama, Godigo po pusa mabo bidigo polobadu te po asęai,

Aisaia 66:1

Genuai Bidigo te po wai, “Dagalu da, te ena dugabo sia king tiwai elalu, te tǫ eno sągą ugwadu mubo pesage dao. Tega. Te dagego eno be sę ebo usugowe? Te mena badu ena toma nabo pesage elalueibawe?

Tuni Bidi Dabego Po Elalubo Buku Si 6:18

“Tiali goli God, nage te da tǫde we bidi dali bidagasainu ebo te mu da, agawe? Dagalu te genuai bulu mu dao. Tiali goli nage tede bidabo usu meni yali bogo. Tama tialima, eno te sę yani bego nage mena tama tilama usu egowe?

Matyu 11:25

Tama te sogo Jisasgo Godibolo te po wai, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu, nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao.

Tuni Bidi Dabego Po Elalubo Buku Si 2:6

Te mu tama, te bidi mego Godigo be sę yabo usu menio. Dago koneani. Dagalu da te genuai bulu mu dao, tiali goli aga te God bidabo usu genuai menio. Tama dego agai be sę ebo usu me egowe? Tama eno me eno agai be sę ebo usu me egobeo. Tiali goli, eno be te wiegi yai denami hano holobo pauda ulabo be sę yaibao, te God bidiboba wiegi yai denami hano holabo pauda ulubo be sę yainogo.”

Godigo Nogi Ugwaba Sabo Tęąbi Po Wabo Buku Dabe 115:16

Dagalu te Godigo pesage naga elalubao, tama agai te tǫ da we bidiba mawai dao.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Godigo Sęba Tagala Palai Bidigo Po 14:15

“Dagego te kolesaga egimio. Dadi si me bidi dage tiwai tama dao,” wali. “Dadi si dage pageba asali, Godigo dwagi yai po dagebolo pusa mawainogo asai dao. Tama dagego te odolali lotu po wabo tibo god tudiba muiyąo. Tudiba munama, dagego te God mu pageba asiąo, hauwa sogo bida bida peduabo God pageba asiąo. Agai te dagalu me, tǫ me, tamu ąį me, tigidali tede bidibo nai dabe me agai nigai dao.

Godigo Sęba Tagala Palai Bidigo Po 4:24

Tama te Godigo po odama wali pabo bidi hani augwaligo te po odama, augwali deli homu ebadi, Godibolo te po wai, “Genuai Bidi, dago sę Tolalubo Bidi, te dagalu dede, tǫ dede, te tamu ąį dede, te augwali tomode bidibo nai tigidali me, nagaduba nigali.

Jeremaia 10:11

Dage Israel, dagego te Genuai Bidigo po odisąbo bidi hani augwaliba te tiwai po wao, “Te dagego godigo te tǫ me dagalu nigibeo, tama te god dabe dolobaso da, te munu ma tǫde me dagalu dologode me bidigobeo,” te po wao.

Dwagi Yai Gesi Po Lukgo Asęani 10:21

Te sogo naga tama Godigo Dwagi Yai Mobogo Jisas dwagi yai homu mu ilali. Tama agai te po wali, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao. Awe, Aya, nago te tiwai yaibao homu elama, tama tede dwagi yai homu eyu nago tama tiwai naga yai dao,” wali.

Aisaia 42:5

God Genuai Bidigo te dagalu me tǫ nigilama, te augwa pesageba munama, elalubao. Tama agai te tǫde haniani nai ni me nosai pedalumainu ilali. Tama agai te bidibo ula te tǫde we bidi dabeba mobo ponama, mawai. Te Godigo aga sę bidiba te tiwai po wali,

Te Israel me Juda Hani Sigo Tuni Bidigo Po Elalubo Buku Si 19:15

Tama te king Hesekia agai te Genuai Bidi dolo gedu haluasa e po tama wali, “Genuai Bidi, nage da Israel hanigo God, tama nage e bede naga sę ebo ensel mobo bidi si noma si ugwadu daide bidibo dao, tama nage king naga te dugabo ni namede dugulalubao. Nage te nage God mu dao, te nago naga te e tǫde te tigidali bulu hani dabe tonalubo dao. Naga deli naga te tǫ me, te dagalu me, naga naga nigai dao,” te po wali.

Jeremaia 23:24

Te bidi me deli gasa badu me dula sigi pobaso, te ena Genuai Bidigo, eno aga sugobe homu ebawe? Te eno aga sueibao, magi baso meni, ena Genuai Bidi, ena te tigidali badu te dagalude me tǫde bidibo dao,” wali.

Hibru 3:4

Te tigidali be te bidigo aga sęnama elalubao. Tama te tigidali nai nigali bidi da, te God dao.

Matyu 5:34

Tiali goli megi eno e po dagebolo obao: dagego te duga nosali yabo sęde po weyu, tama we bidi augwaligo te mu po dao homu emainogo dagego te po dąų wabo po munu me wagio. Mu menio. Dagego po me deli dąų waliyu, dagalu me nogi ilamuo. Magi basowe, dagalu da, te God dulalubo sia sai dao.

Aisaia 40:12

Te me deli bidibo bidi agai nogode te tamu ąį tigidali sabua sabo bidi bidiba, agawe? Te dagalu daide ugwadu usu siyu ebo bidi me deli elaluba, agawe? Te tǫ tigidali kabude bubo bidi me deli elaluba, agawe? Te bulu du dabe te skelba munama, skel ebo bidi me deli bidibawe?

Godigo Nogi Ugwaba Sabo Tęąbi Po Wabo Buku Dabe 24:1

Te tǫ dali, tigidali tǫde elalubo nai, te tigidali Godigo nai naga dao. Tigidali bulu me, te Godigo nigali nai dao. Tama tigidali bulude bidibo we bidi me, augwali me te Godigo hani we bidi naga dao.

Hibru 1:2

Tiali goli megi e sogo da, te nosali pedalobo sogo tiwai mu yali, te Godigo aga Ogwago pedauwalidu agai po dabolo pusai dao. Te aga Ogwago nogogo me te Godigo te tǫ dali dagalu dali te tigidali nai nigai dao. Tama Godigo agai te tigidali nai nosali somainogo aga sa muai.

Dwagi Yai Gesi Po Jongo Asęani 1:1

Polobadu polobadu mu, te tigidali nai pedalisiąma, meni yai digi, Po bolo bidai. Po God dali bidai. Tama te Po aga digi God dao.

Aisaia 40:28

Te dagego konebe da, agawe? Te dagego odobe da homu eba, agawe? Genuai Bidi te sesemane bidada pabo God dao, tama agai te e tǫ tigidali badu sese nigai bidi dao. Te mena bidi mego agai homu kolesaga tigidali me konea siligobeo. Agai bomo kimi te meniama, te me sia sogobeo.

Sekaraia 12:1

Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali,

Godigo Nogi Ugwaba Sabo Tęąbi Po Wabo Buku Dabe 148:13

Mu tama, tigidaligo te Genuai Bidigo nogi ugwaba sao. Te agaduba genuai nogigo deli te tigidali we bidigo genuai nogi aiyaba mu elalubao. Agai genuai nogi te ugwanu mu elalu, te dagalu me tǫ aiyaba elaluai dao.

Daniel 4:35

Agai suali, te tǫde bidi dabe te olo nai tiwai yali. Te dagalude ensel mobo bidi dabe, me tǫde bidi dabe, te aga dologode bidiyu, tama agai augwali tonalubao. Te agai magi sę me deli yainu ebo sogo, te niwai bidi me deligo te paligobeo. Tama te niwai bidi mego agaba te tama po me hanalu, “Nago magi yainu ebawe?” te po me wagobeo.’ Eno te po wai.”

Jeremaia 32:17

“O God, Genuai Bidi, te nago genuai bomogo nago te dagalu me tǫ nigai dao. Te nago isą yabo sę deli me elalube dao.

Aisaia 45:18

Genuai Bidi naga te God. Agai te dagalu dali, tǫ dali si nigali bomo mu pedelali. Agai te tǫ olo elalumainu nigibeo. Menio. Agai te tǫ page bugagia dodolama, tama tigidali nai tede elalumainu nigali. Agai te tiwai po obao, “Enaduba deli naga ena Genuai Bidi, te gasa god munu me bidibeo.

Godigo Nogi Ugwaba Sabo Tęąbi Po Wabo Buku Dabe 146:5

Te bidi me deligo te Jekopgo Godiba homu kęą pelama, te agai aga tau siyu, te God dali kęą pelama, te aga Genuai Bidi da homu eyu da, teda aga pemene emainao.

Tigidali Nai Gagalama Nigali Side 14:19

Tama Melkisedekgo dwagi yai po e tiwai te Abrambolo wali, “Eno homugo te God Ugwadu Mu Bidibo Bidigo te dagalu dali tǫ dali nigali, agai te wiegi yai sę nage dali yao.

Tigidali Nai Gagalama Nigali Side 14:22

Tiali goli, Abramgo te po wali, “Yawe da, te Ugwadu Mu Bidibo God da, agai te dagalu dali tǫ si nigali. Tama eno nogo me deli ugwaba siyu, tama aga gedude te dąų wabo po wai, ‘Eno te Sodom bidigo doado bage me sogobeo, te dwasianunu nai me deli sogobeo. Eno tiyu da, teda Yawe nago ena ela muao,’ eno te dąų wabo bomai po wali. Magi baso meni, nage Sodom tuni bidi nago te po weyu, ‘Ena digi eno te Abram te doado bage hauwa elalubo bidi pedalumainu ilai da,’ po waidalio.

Tigidali Nai Gagalama Nigali Side 1:1

Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio.

Malakai 2:10

Da tigidaligo Aya te deli naga elalubao. Te God deli naga te agai da nigali. Tialima, magi baso dago te dena abagi dabe dali dąų wali po bolobo dawe? Tama magi baso dago te dena wąį nǫų dabe dali dąų wali kontrak po te dago wali pabewe?

Polgo Po Pas Rom Dabeba Asęani 1:19

Augwaligo te mu po page konebo tų elaluali, tiali goli augwaligo te tų wali pisiąbaso, Godigo augwali dali sębę ebo dao. Magi baso meni, te tigidali Godigo kolesaga te geme me dualalubeo. Te augwaliba hania hanilani, God aga digi augwalibolo ola mawai dao.