Godigo Sęba Tagala Palai Bidigo Po 16:37 - Godigo dwagi yai po buku

³⁷ Tiali goli, Pol agai te po selasa asali enesigi bidibolo te po wai, “Woo,” wali. “Tialima, dadi si kalabus yali, augwaligo te page me gegebeo,” wali. “Te magi baso augwaligo da elama, da tigidali we bidi gesabide hale mawai dawe? Da si Rom bidi mu dao, dadi sigo nogi te Rom gavmanigo bukude elalubo dao. Te gavman bidi dabego konebewe? Megi augwaligo homugo dadi sigo pedauwali paniama, dadi sigo augwali dali po wasiąma, geme paibao. Augwa dwai kolesaga dadi si dali elama, te ma dualaibawe? Te menio,” wali. “Dadi si olo me pogobeo,” wali. “Te Rom gavman genuai bidi dabe augwa digi aselama, dadi si tagala palomainao,” Pol agai te po wai.

Godigo Sęba Tagala Palai Bidigo Po 16:37 Referans Kwoze

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Bugagia Bidibo Kolesagade Po Asęai Buku 28:1

Te dwai kolesaga ebo bidi dabe te odolali wi elama, tama wi paibao. Tiali goli, te doloba pai kolesaga ebo bidi dabe da, te hasa laion tiwai gilama te bomo elama, dolalubo dao.

Godigo Nogi Ugwaba Sabo Tęąbi Po Wabo Buku Dabe 94:20

Te bomo yai po mubo bidi dabe augwaligo te we bidibolo augwaligo dwai sę emainao wai. Nago te tobage dwai sę ebo tobolu bidi dabe dali abagi homu ebo menio.

Matyu 1:19

Maria aga bidi Josep, aga te doloba pai bidi da, tama agai Maria haliga elalubo po odobaso, tama agai Mariabolo hale mabo hagela homu yai. Tama agai dua digi naga tama aga tagalai homu yai.

Dwagi Yai Gesi Po Lukgo Asęani 23:16

“Tama tibaso da, eno e bidi bįgo naga elama, olo tagala palaibao,” te po wai.