Godigo Sęba Tagala Palai Bidigo Po 16:25 - Godigo dwagi yai po buku

²⁵ Te huli tomode mu Pol dali Sailas dali sigo Godibolo po weyu, aga nogi ugwaba sabo balia dabe weyu bidali. Tama te kalabus bede bidali bidi dabe me badu augwaligo te balia po wabo odali.

Godigo Sęba Tagala Palai Bidigo Po 16:25 Referans Kwoze

Jems 1:2

Eno ama dedeo, haniani sęgę dagebolo pedalobaso da, teda dwagi yai homu yao.

Godigo Nogi Ugwaba Sabo Tęąbi Po Wabo Buku Dabe 119:62

Te hulide mu ena hodaluama, nago nogi ugwaba siyu, te me badu doloba pai po nago po tų ilibode wali tiai.

Polgo Po Pas Rom Dabeba Asęani 5:3

Tama dago tede naga wiegi yai homu pemene me egobeo. Menio. Te sęgę dali, dene dali daba pedalubode me te dago wiegi yai homu pemene ebo dao. Dago koneani, dago te sęgę toloyu tama tebogo da homu bomo ilibo dao, tama dago te sęgę bugagia tolaluyu bidibo dao.

Godigo Nogi Ugwaba Sabo Tęąbi Po Wabo Buku Dabe 77:6

Te hulide eno homu kone paludubo sę yali. Eno homu hauwa elama, tama enaba digi ena te tiwai hanalu wai.

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Efesus 5:19

Tama tiyu, dagego duga hasi duga ama dedego noma bidi mobo dąų omainogo, dagego haniani dwagi yai balia po wao. Tama te lotu balia wabo buku nogi Sam, te bukude elalubo Godigo nogi ugwaba sabo po me, te Jisasgo nogi ugwaba sabo tęąbi po me, te po tama duga ama dedebolo wao. Tama tiyu, bomo eyu te dago Genuai Bidibolo me aga nogi ugwaba sabo balia po dali lotu tęąbi po dali wao.

Kolosi 1:24

Ena megi e kalabus bede bidiyu tama dene sobao. Tiali goli eno dage tau somainogo eyu, tama te dene sobaso, eno dwagi yai homu ebao. Magi baso menio. Da Godigo po odobo we bidi da, te Krais aga tigi tiwai bidibao. Tama aga tigi tobade te dene tolobo sę me elalubao. Tama eno tigide te dene me sobaso da, teda eno te agai aga tigi tau sabo dene meba toloyu, tama te dene silibo sę eno tama tau sabo dao.

Polgo Po Pas Rom Dabeba Asęani 12:12

Dagego agade konealubo po dąų olama, tama Genuai Bidigo dage tau sabo tonalubadi tama dagego wiegi yai homu pemene dali yao. Te sęgę dageba pedalobaso da, teda dage bomo elama bugagia dolaluao. Dagego tigidali sogo gedu haluasa po wao.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Jopgo Po Asęani Elalubo Buku 35:10

Tiali goli, bidi mego e tama tiwai i me wabo menio, ‘Te Godigo ena nigai da. Aga menade bidibowe? Agai da dwai sogo pedalobo si agai dago tabi dili ilama, tama da dwagi yai homu iliyu, balia dabe wabo dao.

Aisaia 30:29

Tiali goli, Genuai Bidigo we bidi dagego da, te sę dabe ebo subo sogo da, teda dagego homu gana pabo balia te genuai lotu wabo sogo wabo tiwai waibao. Dagego te bidi dabe te Genuai Bidigo bulu duba holama, tama wiegi yai homu eyu, te genagego ona dabe elebo tiwai yaibao. Genuai Bidi da, te genuai bomai masigi tiwai dao. Tama aga te Israel dabego duala sabo pesage tiwai dao.

Godigo Nogi Ugwaba Sabo Tęąbi Po Wabo Buku Dabe 71:7

Te we bidi hauwago ena sulama, tama eno ebo sę dabede te augwali homu hauwa dogia pai. Tiali goli, te eno bomogo me ebeo. Menio. Nago naga te ena tonalubo bomo mu ebo dao.

Godigo Nogi Ugwaba Sabo Tęąbi Po Wabo Buku Dabe 34:1

Te eno Godiba usu da weyu, gedu haluasa po weyu, tama eno aga nogi sesemane sogo ugwaba sobao.

1 Pita 4:14

Tama dage Krais wali pobaso augwaligo dage dali te nogi posobo dwai po weyu da, teda dage dwagi yai homu yao, God aga moni ula yai Mobo Bidi aga dage dali bugagia bidibaso.

Filipai 2:17

Dagego duga homugo Kraisde konealubo po dąų wabo kolesaga ebo, te kolesaga ebo te Godigo gedude te dagego agabolo te ofa nai mabo kolesaga ebo tiwai dao. Tama bidi dabe augwaligo ena ela mugowe, mugobewe, te eno konebeo. Tama augwaligo ena ela muyu da, teda eno kaneme dali te dagego ofa mabo nai dali te si dago agabolo mawaibao, te polobadu bidali bidi dabego te wain ąį te ofa nai daiba gelali tiwai yaibao. Awe, tama tiyu da, teda usu da, eno tede dwagi yai homu pemene ebao, tama dage dali hodobo eno dwagi yai homu ebao.

2 Korin 6:10

Da Godigo sę ebo bidi dabe, da te homu sęgę mu hauwa sogo ebo dao, tiali goli te magigo meni, sesemane sogo dago homu pemene wiegi yai ebo dao. Da te magi nai meni yai bidi tiwai bidibo dao, tiali goli tagala, dago te mu wiegi yai nai hauwa we bidi hauwabolo mabo dao. Da te bidigo gedude te magi nai deli me meni yai tiwai ebo dao, tiali goli te meni, dago tigidali nai mu elalubo dao. Tama tebogo te tigidali we bidibolo hania ola mabo dao, da te Godigo sę ebo bidi dabe mu dao.

Godigo Sęba Tagala Palai Bidigo Po 5:41

Tega sigo te kaunsil be tagalama pali. Tama te kaunsil bagego elali goli, mu ma bugai homu yali. Tama augwaligo te homu yali, ‘Da Jisasgo po wali pobaso, Godigo usu da olama, da te bidigo gedude naga moni hale mu selama, Jisasgo sę tau sali,’ te homu yai.

Sekaraia 3:8

Polalubo pris Josua, odao, me dage meba pris dabe me dagego me odao, dage te nosali pedalabo wiegi yai nai te magi tiwai me dage dao. Odao. Eno ena sę bidi odasa asaibao. Agai nogi da e dao, Ni Abu.

Godigo Nogi Ugwaba Sabo Tęąbi Po Wabo Buku Dabe 119:55

Genuai Bidi, hulide eno homugo nage koneyu, tama nago dwagi yai po eno wali pabo dao.

Godigo Nogi Ugwaba Sabo Tęąbi Po Wabo Buku Dabe 42:8

Tiali goli, eno homugo te Genuai Bidigo enabolo te olo tau sabo kolesaga te giligade emainu yali. Tama te hulide eno te agaba usu da weyu, gedu haluasa po wabo tęąbi po waibao, tama te ena bidabo ula mabo Godiba te usu da po wabo gedu haluasa po waibao.

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Godigo Nogi Ugwaba Sabo Tęąbi Po Wabo Buku Dabe 91:15

Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.

Godigo Nogi Ugwaba Sabo Tęąbi Po Wabo Buku Dabe 77:2

Te sęgę ebo sogo, eno te Genuai Bidiba gedu haluasa po agaba weyu yali, tiali goli, eno te nagame pai homu ebo me sabeo.

Jems 5:13

Te dage tomode bidi me deli aga te sęgę tolobawe? Tibaso da, agai te Godibolo gedu haluasa po hanalu wao, Godigo aga tau somainogo. Ma, bidi me aga homu dwagi yai eyu bidibawe? Te homu ebo bidi agai te Godibolo wiegi yai homu elama, tęąbi po weyu, Godigo nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 22:2

God, eno nageba te giligade i wabo da, tiali goli nago eno po odobeo. Eno nageba te hulide me i wali, tiali goli nago te po wei ponesiąbaso, eno dwasianu toma me nabeo.

Godigo Sęba Tagala Palai Bidigo Po 15:22

Te Jisasgo sa muai tagala palai bidi dabe dali, te tobolu bidi dabe me, te Jisasgo po wali pabo we bidi tigidali me, augwaligo deli homu elama, bidi me badu augwaligo Antiok buluba tagala palabo homu yali. Augwaligo bidi si dąį ilai, te Pol dali Barnabas si dali pomainu yali. Bidi si dąį ilai, te bidi nogi me Judas, agai nogi me Barsabas, te gasa bidi nogi me da Sailas. Jisasgo po wali pabo bidi dabe augwaligo te bidi side dwagi yai homu yali.

Godigo Sęba Tagala Palai Bidigo Po 16:19

Tama te wegigo te gasa bidigo nosali yabo sę po ma pusube. Te sogo te wegi tonalubo bidi dabego koneani, augwaligo mone sabo sę dolo baso, tama augwaligo Pol dali Sailas dali nogo tolasa, te tobolu bidi dabego po tų ebo pesageba odasa pali.

Godigo Sęba Tagala Palai Bidigo Po 16:33

Tama te sogo hulide te kalabus tonalubo tobolu bidi agai homu Jisasba mu muani. Agai tega si selama, te bidi dabego keloago elali madigi keni te ąįgo tedelama, ugwa nami selama, te kenide kęani. Pol dali Sailas dali sigo te kalabus bidi tonalubo bidi dali, aga bede bidibo we bidi dali te sogo tama baptais mani.