Godigo Sęba Tagala Palai Bidigo Po 15:39 - Godigo dwagi yai po buku

³⁹ Tama Pol dali Barnabas dali si deli homu ebe, tama tilama, augwa si ma wado po olama, bobegali. Tama Barnabas agai Mak selama, augwali si moni geba selama, tamu ąį tomode elalubo Saipras tǫ teba pai.

Godigo Sęba Tagala Palai Bidigo Po 15:39 Referans Kwoze

Kolosi 4:10

Aristarkus, te ena dali Jisasgo sęde kalabus elama bidibo bidi, agai siade dao te po dagebolo e pasgo ola tolobao. Tama Mak, Barnabas aga hai, dage dali agai siade dao te po ola tolobao. Dage bidibo digi aga sabaloyu da, dagego aga bugagia sao, te eno dagebolo polobadu ola tolali po tiwai agade yao.

Jems 3:2

Tama hauwa sogo da tigidali bidigo te pode geda muyu haniani sę ebo dao. Tama tibaso, bidi mego agai wabo pode dwai sę me esiąyu da, te aga te wiegi yai bidi mu dao. Tama te bidi aga tigigo ebo sę tigidali bugagia tonaluyu te bidi usu yaibao.

Godigo Sęba Tagala Palai Bidigo Po 4:36

Te augwaligo te tobage sę ebadi, te bidi me deli bidali, agai nogi Josep. Augwaligo nogi me poai, te nogi Barnabas. Te nogi page, ‘Abagi pogo bidi tau sabo da.’ Agai hani nogi Livai, agai page bulu te Saiprus tǫde, te tamu ąį tomode elalubo tǫ dao.

Kolesaga Koneai Bidigo Pusali Po Elalubo Buku 7:20

Te doloba pai bidi me deligo wiegi yai kolesaga sesemane sogo me idugobeo. Menio. Me sogo agai me sęgę sabo dao.

Godigo Sęba Tagala Palai Bidigo Po 11:20

Tialima, te Saiprus bidi dabe me, te Sairini tǫ bidi dabe me badu augwali Antiok buluba sabolama, tama te Israel hani isąwai bidi dabebolo Jisas Genuai Bidigo dwagi yai po pusa mani.

Godigo Sęba Tagala Palai Bidigo Po 6:1

Te nosali Jisas wali pabo we bidi dabe genilama pedelali, dwasianu hani augwa hasi tomode wado po wali. Me hanigo te Grik po weyu, me hanigo te Hibru po weyu yalio, te Juda dabego po mu dao. Tama te hani si da Juda bidi hani da. Tama te Grik po wabo Juda dabego te po wai, “Te dagego nai dobabo sogo, dago bidi isai we nai bugagia mabo meni, deli deli sogo mayu ebo,” te po wai.

Godigo Sęba Tagala Palai Bidigo Po 27:4

Tama nosali dago te Saidon bulu tagalama, ma pelama, te moni bomai wali da pabo guni badu asobaso, dago geba guni tubo bidigo te tamu ąį tomode dwasianu bulu elalubo, te bulu nogi Saiprus, teba guni dodolali. Te tǫ pąde moni wali meni yai.

Godigo Sęba Tagala Palai Bidigo Po 15:2

Tama Pol dali Barnabas dali augwali sigo te po wabo mu hagela yali. Tama augwali sigo te Juda bage dali moni pogo wąbi hwįani, tama augwali sigo moni wado mu yali. Tama Antiokde bidali Jisasgo po wali pabo we bidi hanigo Pol dali Barnabas dali si, te bidi dabe me badu me, augwali Jerusalemba moni po miboba augwali pomainu homu yali. Jisasgo tagala palai bidi dabe me, tobolu bidi dabe me, augwali deliba sisinama, te po dodolomainu yaibao.

Godigo Nogi Ugwaba Sabo Tęąbi Po Wabo Buku Dabe 119:96

Eno megi konebao, te mena nai te wiegi yai deli mu me elalubeo. Tialima, te nago po te mu polalubao, tama tego te tigidali nai usu elama, te tigidali side elalua pidu, elalueibao.

Godigo Nogi Ugwaba Sabo Tęąbi Po Wabo Buku Dabe 106:33

Augwaligo te Moses haliga dwai mu yabo sę ebaso, tama te agai te dolo isąbo po wai.

Godigo Sęba Tagala Palai Bidigo Po 12:12

Te Pitago te homu elama, aga te we nogi Maria, Mariago beba pali. Te Maria aga ogwa agai nogi Jon, agai nogi me Mak. Tama te bede we bidi umabo sisinagaselama, Godibolo po weyu bidali.

Godigo Sęba Tagala Palai Bidigo Po 15:37

Barnabas agai homugo te bidi Jon, agai nogi me da Mak, aga dali pai homu yai.

1 Pita 5:13

Te Godigo hani we bidi meba augwali te bulu nogi Babilon tede augwali bidibao. Tama Godigo augwali te dage dali te hagea sai dao. Tama te we bidi dabe dali, te eno ogwa tiwai bidibo bidi nogi Mak dali, augwaligo dagebolo te dage bugagia bidao po obao.