Godigo Sęba Tagala Palai Bidigo Po 15:33 - Godigo dwagi yai po buku

³³ Tama augwali si tede hauwa sogo bidama, tama nosali Jisasgo po wali pabo hanigo tega si Jerusalemba ma tagala palali. Tama augwaligo te po wali, “Dage dwagi yai homu dali pao, te dage tagala palali bidi dabe pageba,” te po wai.

Godigo Sęba Tagala Palai Bidigo Po 15:33 Referans Kwoze

1 Korin 16:11

Tama tibaso, bidi me badugo aga te olo nai tiwai bidi da homu eyu, tama aga tudiba me munamuo. Menio. Dagego aga homu nagame ilama, tama nosali aga te enaba asabo sunumiba bugagia tagalagaselama, tama aga ena pageba asomainogo yao. Eno te ama dede meba dali aga asobo tonaluaibao.

Hibru 11:31

Te sę pedalisiąbadi, tama te hanude bidali penani ebo we Rahap agai te Godigo te Israel dabe tau sali po odoyu, tama agai Godide aga homugo tiąluali. Tama tibaso, agai te bulu geme sa pelama sugi pali Israel bidi si tau salio. Tama te we aga te Godigo po sela sąwani we bidi augwali dali me dolobeo.

Godigo Sęba Tagala Palai Bidigo Po 16:36

Tama tibaso, te kalabus tonalubo tobolu bidi aselama, Polbolo wagasali, “Te Rom genuai bidi dabe augwaligo enabolo po ola tolalio, ‘Dage si megi pao’ po walio. ‘Dage si piąo, te po me menio,’ wali,” te po wai.

Tigidali Nai Gagalama Nigali Side 26:29

te nago da me dolamu dao. Dago wiegi yai kolesaga nagebolo yali, te nago dago bulu taga soali sogo te dago nage dali me hwįbeo, te nage homu nagame dali dua digi soai dao. Magi baso meni, te hania pedelalio, te Yawego te dwagi yai sę te megi nage dali ebo dao.” Augwaligo te po wali.

2 Jon 1:10

Tama tibaso, bidi me deli dage bidibo digi pedalama, tama agai Kraisgo ola mani po dagebolo sela asisąma olo asobaso da, dagego beba te bidi odasa pigio. Tama me dagego aga dali dwagi yai homu elama nage bugagia bidao po wagio.

Dwagi Yai Gesi Po Makgo Asęani 5:34

Tama Jisasgo agabolo te po wai, “Eno wegi, te naga enade konealubo po dąų weyu, enaba homu tialubo kolesaga ebogo te nage usu ma ilali dao. Nage pao, tama naga homu nagame wiegi yai elaluao. Nago gasi silimainogo yai,” te po wai.

Ma Dobola Sali 4:18

Mosesgo po God dali ola silama, tama aga te aga wąį Jetro bidibo teba ma pelama, tama agabolo te po wai, “Eno homugo nago ena te Isip tǫba ma pelama, te eno deli hani sugi painogo ebo, te nago ena pao po wabo te usu da wao. Eno koneama, augwali bidibowe, ma augwali isaliwe, te eno augwali sugi peyu pobao,” wali. Jetro agai te usu da po aga dali wai, “Te usu da, nage pao.”

Godigo Sęba Tagala Palai Bidigo Po 15:22

Te Jisasgo sa muai tagala palai bidi dabe dali, te tobolu bidi dabe me, te Jisasgo po wali pabo we bidi tigidali me, augwaligo deli homu elama, bidi me badu augwaligo Antiok buluba tagala palabo homu yali. Augwaligo bidi si dąį ilai, te Pol dali Barnabas si dali pomainu yali. Bidi si dąį ilai, te bidi nogi me Judas, agai nogi me Barsabas, te gasa bidi nogi me da Sailas. Jisasgo po wali pabo bidi dabe augwaligo te bidi side dwagi yai homu yali.

Godigo Sęba Tagala Palai Bidigo Po 15:34

Tiali goli, Sailas aga homugo nigilama, te Antiok bulude bidali.