Bib sou entènèt

Paj dakèy
Bib sou entènèt
Godigo Sęba Tagala Palai Bidigo Po 15:22

Godigo Sęba Tagala Palai Bidigo Po 15:22 - Godigo dwagi yai po buku

²² Te Jisasgo sa muai tagala palai bidi dabe dali, te tobolu bidi dabe me, te Jisasgo po wali pabo we bidi tigidali me, augwaligo deli homu elama, bidi me badu augwaligo Antiok buluba tagala palabo homu yali. Augwaligo bidi si dąį ilai, te Pol dali Barnabas si dali pomainu yali. Bidi si dąį ilai, te bidi nogi me Judas, agai nogi me Barsabas, te gasa bidi nogi me da Sailas. Jisasgo po wali pabo bidi dabe augwaligo te bidi side dwagi yai homu yali.

Gade chapit la Kopi

tounen moute ⬆

Godigo Sęba Tagala Palai Bidigo Po 15:22
29 Referans Kwoze

Godigo Sęba Tagala Palai Bidigo Po 15:27

Tialima, dago Judas dali Sailas dali te augwali si dage pageba tagala palobao. Augwali sigo dago pasde asęani po tiwai po dagebolo pusa mawaibao.”

Godigo Sęba Tagala Palai Bidigo Po 15:40

Tiali goli Pol agai Sailas dąį ilai dao. Tama Jisasgo po wali pabo bidi hani augwaligo Godibolo po olama, “Tega si Genuai Bidi, nago tau sao,” te po wali. Tama olama, augwaligo tega si tagala palali.

1 Pita 5:12

Te bidi nogi Sailas agai ena tau siyu, tama eno e pęwadage po dagebolo asęna tolobao. Tama eno homu te bidi Sailas da te aga nogoba muani sę bugagia tonaluyu sę ebo bidi dao. Tama eno e po dagebolo asęyu, tama bomo elama eno dage homu kęna sabo po weyu, tama te eno asęani po te God agai aga we bidi olo tau sabo kolesaga mu dao. Tama tibaso, te kolesaga bugagia dąų olama, tama dolaluyu bidiąo.

2 Tesalonaika 1:1

Pol, me Sailas, Timoti, te dago te po dagebolo asęna tolobao. Dage Godigo po odama wali pabo we bidi, te dage Tesalonaika bulude bidibo we bidi dao. Dage dago Aya God me Genuai Bidi Jisas Kraisde wadolama bidibao.

1 Tesalonaika 1:1

Pol, me Sailas, Timoti dali, da bidi selago te po dagebolo asęna tolobao, dage Tesalonaika bulude bidibo we bidibolo. Dage te God Aya me Genuai Bidi Jisas Kraisde wadolama bidibao. God agai dage olo tau selama, tama dage bugagia bidao, dago homugo tebo dao.

Godigo Sęba Tagala Palai Bidigo Po 18:5

Te nosali Sailas dali, Timoti dali augwali si te Masedonia tǫ taga solama, Korin be nanide Pol bidibo madigi sabolali. Tama augwali si asobo si, Polgo te ugwa be hobolobo sę tagalali. Agai tigidali sogo te Juda hani we bidi bidibo tomode po ola bilali. Tama agai po bomai mu pusuyu, te po wali, “Te dagego koneao. Te bidi Jisas aga Godigo aga sa muai bidi Krais da, te we bidi tau somainu.”

Godigo Sęba Tagala Palai Bidigo Po 15:32

Te Judas dali Sailas dali te bidi si Godigo pedauwalide po selama, pusubo bidi da. Augwali si da Jisasgo hani dali hauwa sogo mu bidali, tama augwali sigo augwalibolo po pusulama, tau siyu dąų walali.

Godigo Sęba Tagala Palai Bidigo Po 1:23

Te po obaso, te Jisasde homu dąų wabo we bidi augwaligo bidi sigo nogi muai. Me bidi nogi Josep, agai nogi me si elaluali, me nogi Barsabas, me nogi Jastus. Tama gasa me bidigo nogi Matias.

Godigo Sęba Tagala Palai Bidigo Po 17:14

Tama polo te Jisasgo po wali pabo bidi hani augwaligo Pol dali bidi me badu dali te nabisba tagala palali. Tiali goli, Sailas dali, Timoti dali te Beria be nanide bidaluali.

Godigo Sęba Tagala Palai Bidigo Po 17:10

Te sogo be huli asobo si, te Jisasgo po wali pabo hani augwaligo Pol dali, Sailas dali si te Beria be naniba tagala palai. Tama augwali si pelama, te buluba sabolali. Tama sabolama, te Juda dabego bomo yai po ola mabo be tomoba pai.

Godigo Sęba Tagala Palai Bidigo Po 17:4

Tama bidi me badu augwaligo te po odama, augwa homu te poba mu muani. Tama augwaligo Pol dali Sailas dali side wadolagasali. Tama me badu umabo bidi Grik po wabo bidi hani da, augwaligo Godibolo lotu po wabo, augwali me augwa homu te poba mu muani. Tama te nogi elaluai we dabe hauwa, augwali me augwa homu tigidali te Polgo wali poba muani.

Godigo Sęba Tagala Palai Bidigo Po 16:29

Tama te kalabus bidi tonalubo tobolu bidi agai te enesigi bidi i weyu, te po wali, “Sole selasa asao,” wali. Tama sole selama, agai te kalabus be tomoba polo pali. Agai moni wi mu elama, didibili yali. Didibili ebadi, agai tobolu Pol dali Sailas dali si sągą pageba muani.

Godigo Sęba Tagala Palai Bidigo Po 16:25

Te huli tomode mu Pol dali Sailas dali sigo Godibolo po weyu, aga nogi ugwaba sabo balia dabe weyu bidali. Tama te kalabus bede bidali bidi dabe me badu augwaligo te balia po wabo odali.

Godigo Sęba Tagala Palai Bidigo Po 16:19

Tama te wegigo te gasa bidigo nosali yabo sę po ma pusube. Te sogo te wegi tonalubo bidi dabego koneani, augwaligo mone sabo sę dolo baso, tama augwaligo Pol dali Sailas dali nogo tolasa, te tobolu bidi dabego po tų ebo pesageba odasa pali.

Godigo Sęba Tagala Palai Bidigo Po 15:25

Tama megi da deliba sisinagaselama, dago deli homu elama, te bidi si dage pageba tagala palali. Augwali si Pol dali Barnabas dali si hodobo pali. Pol dali Barnabas dali si te dago godolo mu ebo da.

Godigo Sęba Tagala Palai Bidigo Po 15:23

Tama augwaligo te pas sela pomainu, augwaligo te po asęani, “Da Jisasgo tagala palai bidi dabe me, tobolu bidi dabe me, te Jisasgo hani me, Jerusalemde bidibo bage, da tigidali dagego ama da. Dago te pas dage pageba te asęna tolobao wali, Siria bulu me, Antiok bulu me, Silisia bulu me, dage Israel hani isąwai bidi, dago dagebolo bugai homu ebao, te po wali.

Godigo Sęba Tagala Palai Bidigo Po 11:22

Te Jerusalemde bidali Jisasgo po wali pabo we bidigo te Antiok bulude Godigo genuai sę mu ebo po augwaligo odalio. Tama tibaso, augwaligo te bidi Barnabas tagala palali, te bulu Antiokba.

Godigo Sęba Tagala Palai Bidigo Po 8:14

Te Samaria we bidigo Godigo po bugagia odobo po te Jisasgo tagala palai bidi dabego odali, Jerusalemde. Tama tibaso, augwaligo Pita dali Jon si te Samaria we bidi pageba tagala palai.

Tuni Bidi Dabego Po Elalubo Buku Si 30:12

Tama God aga digi Juda dabe homu deli elama augwaligo te king aga ofisa dabe dali augwaligo po wali pelama, Jerusalemba sisinagasomainu ilali. Tama augwali Jerusalemba sisinagaselama, tama augwaligo te genuai nai ulali, te bomai pode wali gilama tama tiali.

Tuni Bidi Dabego Po Elalubo Buku Si 30:4

King me te we bidi augwaligo te pode usu dao olama, deli homu yali.

2 Samuel 3:36

Te we bidi dabego kingo te po wabo odobo si da, augwali haliga te wiegi yai pemene mu yali. Tiali goli, te sę deligo naga augwali wiegi yai homu pemene me ilibeo. Menio. Augwa te kingo ebo kolesaga tigidalide te wiegi yai homu pemene yai dao.

Godigo Sęba Tagala Palai Bidigo Po 11:19

Te bidi Stiven augwaligo ela munama isali sogo, te Jisasgo po wali pabo we bidi wi pelama, me badu te Finisia tǫba pali, me badu te tamu ąį tomode elalubo tǫ nogi Saiprus, teba pali, me badu te Antiok buluba sabolali. Tiali goli, augwaligo po te gasa hani dabe augwaliba me pusubeo. Menio. Tama augwaligo Godigo po te Juda dabebolo naga pusa mani.

Godigo Sęba Tagala Palai Bidigo Po 11:20

Tialima, te Saiprus bidi dabe me, te Sairini tǫ bidi dabe me badu augwali Antiok buluba sabolama, tama te Israel hani isąwai bidi dabebolo Jisas Genuai Bidigo dwagi yai po pusa mani.

Godigo Sęba Tagala Palai Bidigo Po 11:27

Te sogo me, Godigo po pusa mabo bidi te profet dabe me badu Jerusalem taga pelama, augwali Antiok buluba sabolali.

Godigo Sęba Tagala Palai Bidigo Po 15:3

Tama tibaso, Jisasgo hani Antiok be nani bidigo augwali Jerusalemba pabo bidi dabe tagala palali. Tama augwali Fonisia tǫ dali, Samaria tǫ dali, te bulu si tomodu augwali pali. Tama te sogo augwali Jisasgo hani dali bidu, augwaligo sę ebo po dali pusali, me badu Juda bidi hani isąwai bidi, augwali te sogo Jisasba augwa homu mu muani, te po augwalibolo pusa mani. Tama te sogo augwaligo te po odama, augwaligo moni bugai homu mu yali.

Godigo Sęba Tagala Palai Bidigo Po 15:30

Augwaligo te pas asęnama, te bidi dabego sela pelama, te Antiok be naniba sabolali. Tama augwaligo tigidali Jisasgo po wali pabo hani deliba sisinama, te pas augwalibolo mani.

2 Korin 1:19

Ena me Sailas me Timoti, dago dage tomode pusali po, te Godigo Ogwa Jisas Krais agade te po pusali. Tama Krais aga subigila hasegelebo menio, aga da te aga homu polo subigila hasegelebo bidi meni. Agai aga dąų walali po togogobeo, aga yaibao wali sę te aga mu yaibao.

Swiv nou:

Lyen patwone

Piblisite

Piblisite