Godigo Sęba Tagala Palai Bidigo Po 15:20 - Godigo dwagi yai po buku

²⁰ Me ma, dago augwalibolo pas tolinao. Tama te pas tomode te po wainao, ‘Dagego te augwaligo te tibo godibolo ula mabo nai te dagego tugimio, dagego kibu me agai kaneme gelisąwai kibu tugimio, kaneme me tugimio. Te we sabo bomo yai po bolama, dwai penani sę egimio,’ waibao.

Godigo Sęba Tagala Palai Bidigo Po 15:20 Referans Kwoze

Godigo Sęba Tagala Palai Bidigo Po 15:29

Dago homugo e po naga dagego wali piąo. Dagego te augwaligo te tibo godibolo ula mani nai dagego tugimio. Kaneme me tugimio. Agai kaneme gelisąwai kibu tugimio. Dagego we sabo bomo yai po bolama, penani egimio. Tama dago e ola mani po dagego wali peyu da, te dage bugagia bidaibao. Tama dao. Dage tao,” te po asęani.

Kraisgo Geme Dualali Sę Pedelabo Po Jonbolo Ola Mani 2:20

Tiali goli, eno te po me nage dali elalubao. Nago te we Jesebel nage dali bidibo we, agai ola mabo po dagego odobo dao. Te wego te po wabo dao, ‘Ena da, te Godigo nosali yabo sę po megi pusubo we dao.’ Tiali goli agai eno sę bidi dabebolo te penani ebo kolesaga wali pomainogo ola mayu, tama augwaligo te tibo god dabebolo ula mani nai tumainogo ebo dao. Te kolesagade te wego augwali ili po ola mabo dao.

Kraisgo Geme Dualali Sę Pedelabo Po Jonbolo Ola Mani 2:14

Tiali goli eno po meba nage dali elalubao. Nage dali bidibo bidi meba, augwaligo te bidi Balamgo kolesaga wali pabo dao. Tama te Balamgo kolesaga e dao. Polobadu bidibadi agai te tuni bidi nogi Balak agabolo te Israel dabe gea gano bilabo kolesaga ola mawai. Tama ola menama, tama Balakgo te Israel we bidi homu hodolama, tama augwaligo te tibo god dabebolo ula mani nai tuyu, tama augwaligo te penani ebo kolesaga emainogo yai.

Pris Sę Ebo Bomai Po 3:17

Te dage Israelgo te kibu ili ma kaneme munu me tugio. Habu mu dao. Dage me te nosali pedalubo hani wąį dabego te bomai po sesemane wali pidubadi geao. Te dage menaba bidigi pali bulude me te bomai po tagaligio, dagego te bomai po wali pao,” te po wai dao.

Tigidali Nai Gagalama Nigali Side 9:4

Tiali goli, te nai me deli da dagego me tugio, te kaneme hauwa me elalubo mi, magi baso meni, te kaneme da, te bidibo ula elalubo page te dao.

Godigo Sęba Tagala Palai Bidigo Po 21:25

Me ma, te Jisasgo po wali pabo hani, te Juda hani isąwai we bidi, te dago augwalibolo te po pas asęnama, tolai dao. Dago augwalibolo te po tama wai dao, ‘Dagego te augwaligo te tibo godibolo ula mabo nai dage tugimio, dagego kibu me agai kaneme gelisąwai kibu tugimio, kaneme me tugimio. Te we sabo bomo yai po bolama, penani sę egimio,’ dago augwalibolo te po wai,” te bidi me deligo te po Polbolo wali.

1 Korin 6:18

Dage te penani kolesaga idali weyu te boi bidi tiwai wi pao! Te tigidali dwai sę te bidigo ebo, te tigi bulu badu ebo dao. Tiali goli te penani sę kolesaga ebo bidi, agai aga tigi aga digi dolobo dao.

1 Korin 6:9

Te dwai kolesaga ebo bidi dabe, augwali te augwali Godigo te we bidi tonalubo bomo tomoba me pogobeo. Te dagego konebewe? Tiyu dagego te duga homuba digi tibo po ola maiabuo. Te penani sę kolesaga ebo bidi dabe me, tama te tibo god wali pabo bidi dabe me, te we sabo kolesaga dolobo bidi dabe badi, tama te we dali ebo kolesaga tiwai eyu godolo ebo bidi dabe me, tama te hale ebo kolesaga te gasa bidi dabe dali ebo bidi dabe me,

Kraisgo Geme Dualali Sę Pedelabo Po Jonbolo Ola Mani 9:20

Tama tigidali gasa bidi dabe augwali te dwai nai selago ebo sęde isisąwai bage, augwali homu begelesiąma tama augwa nogogo nigali nai tagalama tudiba musiąyu me bidaluali. Tama tiyu augwaligo te dwai haubo noma bidi dabebolo lotu po wabo tagalobe. Augwaligo te tibo god dabe te kapa golgo dali silva dali te bras me, te masigi me, te nigo me, tama naigo nigai tibo god dabebolo augwaligo lotu po wabo tagalobeo. Te nogogo nigali tibo god augwaligo gedugo sugobeo, ma ologo odogobeo, ma biligobeo. Tiali goli augwalibolo te bidi dabego lotu po weyu bidaluali.

1 Pita 4:3

Tama polobadu te dagego te tǫde bidibo we bidigo ebo dwai dwai sę hauwa sogo yai dao. Tama tiyu, dagego te penani ebo sę te we bidi gabidide hania idu geai dao. Tama dagego te dwai meda yai penani yabo homu eyu, tama te bomai ąį tulama te polobo bidi tiwai idu geai dao. Tama tiyu, te moni nai hauwa mu nogelama, te nai daa mu te ma tuyu, ma tuyu ela pedubadi, tama dagego te bomai ąį subigila tuyu, te polobo bidi tiwai pedaluyu, tama dwai sę eyu bidai dao. Tama dagego te tibo god augwalibolo lotu po weyu tama augwaligo dage tau somainogo te dagego te dwai dwai penani ebo sę te polobadu idu geai dao.

Hibru 13:4

Tama te we sabo te wiegi yai kolesaga dao, te we bidi tigidaligo te homu yao. Dagego e tama yao, te bidi dali aga we dali augwa hasi te homugo kęą pai kolesaga naga yao. Dagego koneao, nosali Godigo te penani yali we bidi me, te we sabo kolesaga dolali we bidi dali, augwalibolo te wei ponabo te dwai dene genuai sabo te elalubao.

1 Tesalonaika 4:3

Tama te po page mu e dao, God agai dage dali ebo homu e tiwai, dagego magi dwai sę me isiąma, doloba pai we bidi mu bidao. Tama penani ebo sę dagego egimio.

Kolosi 3:5

Dage Kolosi bulude bidibo we bidi, dage Krais dali hodobo gų pagede ma hodaluali ąǫ tiwai ebaso, dagego te duga tigigo ebo dwai kolesaga tigidali isilao, te tǫde kolesaga ebo tagalao. Te tobage kolesaga e dao: dwai penani ebo kolesaga dali, meda yai kolesaga dali, te homu hodolobo dwai sę yabo kolesaga dali, te habu selali nai sabo homu ebo dali, tama doado bage hauwa sainogo godolo ebo kolesaga dali. Te doado bage hauwa sabo kolesaga da, te tibo god selama tama agabolo lotu po weyu aga dologode bidibo kolesaga tiwai dao.

Efesus 5:3

Te God agai dage aga hani we bidi nigaligo da, teda te penani ebo kolesaga me, te dwai dwai meda yai kolesaga me, te mena gasa bidigo nai pesa eyu godolo ebo kolesaga tigidali, te tebo dwai kolesagago ebo sę dwasianu munu me dage tomode te pedalamuo. Gasa we bidi dabe augwaligo dagego te tobage dwai kolesaga yali po waidali weyu, tama dagego doloba peyu bidiąo.

Galesia 5:19

Te bidigo tigigo tǫde ebo dwai dwai kolesaga te hania elalubo, te dago subo dao. Tama te tobage kolesaga nogi eno nedada paibao, e dao: te penani ebo sę me, te dwai meda yai kolesaga me, te homu hodolobo kolesaga hania ebo me,

1 Korin 8:1

Dagego te enabolo asęna tolali pode, tede dagego e po me ena hanalu wali, “Te gasa we bidi augwaligo hasa ela munama, tama te tibo godibolo te ofa tiwai eyu, te hasa mi meba te tibo god pageba mubo dao. Tama da Godigo po wali pabo we bidi dago te tobage mi tubo te usu dawe, ma meniwe?” te po dagego enabolo asęna tolali. Te kolesaga ebode eno wabo po elalubao. Dage mebago e po wabo dao, “Da tigidaligo koneani, te tibo god te olo nai dao.” Awe, te mu po dao. Tiali goli te olo konebo kolesagago te hagoma ebo kolesaga ebo homu hodolaibao. Tiali goli dago dena hasi te gasa we bidi dali wiegi yai homu eyu godolo ebo kolesaga selama, tama tebogo te da Godigo po wali pabo bomai we bidi pedalaibao.

1 Korin 7:2

Tiali goli te haniani penani ebo kolesaga te tǫde elalubao. Tama dagego te kolesaga idali weyu, te tigidali bidi deli deligo te augwa we sao, tama tigidali we dabe deli deligo me te augwali sali bidi dali bidao. Te bidigo tigi te aga wego da, tama bidigo me geą siyu tama dąų munu me olamuo. Te tiwai naga, wego tigi te aga bidigo da, tama wego me geą siyu tama dąų munu me olamo dao.

1 Korin 5:11

Tiali goli eno asęani po page te e tiwai dao: te bidi me deligo aga dage dali ama da wabo bidigo te we sabo kolesaga dolobo me, agai te gasa bidigo naide pesa eyu, me agai tibo godibolo lotu po weyu, me agai posobo po obaso me, ma agai bomai wę tubaso, ma agai te gasa bidigo nai anoma elama te tigidali kolesaga ebaso da, teda dagego aga dali kisasa biligio, aga dali abagi me wagio. Menio. Dagego te tiwai sę ebo bidi dali te nai me munu me tulamo dao.

Esekiel 4:14

Ena Esekiel eno te tama po odama, eno te tiwai po wei ponani, “God Genuai Bidi, hobede mu ebao. Eno te tama kolesaga munu me ebeo. Mu menio. Eno digi eno meda yai sę nago gedude me ebeo. Te ena dwasianu ogwade bidali sogo, te eno te kibu aga digi isai kibu me, ma hasa mi, te uni hasa dabego ela muani tusiąbadi, te megi bidibo sogoba usu nagasobao. Te bomo yai pode habu seleyu, te nago gedude meda yai nai, te tiwai nai deli eno me tubeo,” eno te po wali.

Bomai Po 15:23

Tiali goli, dagego te hasa dabego kaneme tugimio. Menio. Dagego olo wę yali gilama tǫba gea palao,” Mosesgo te Israel dabebolo te po wai.

Bomai Po 12:16

Tiali goli, dagego augwaligo kaneme tulamo dao. Mu menio. Dagego tǫba olo wę yali gilama, olo tǫba gea palao.

Kraisgo Geme Dualali Sę Pedelabo Po Jonbolo Ola Mani 10:8

Tama te eno polobadu dagaludu po me deli asiyu wali po odali tiwai, agai enabolo te po ma wali, “Te dagawai elaluali buku te tamu ąįde me te tǫde dali me te dolalubo ensel mobo bidigo nogode tolalubo buku nage pelama sigi pao,” te po wali.

Kraisgo Geme Dualali Sę Pedelabo Po Jonbolo Ola Mani 10:2

Tama agai nogode dwasianu buku tolaluai, tama te buku dagawai elaluai. Tama aga dolo sągą te tamu ąį daide muai elaluali, tama aga pobase sągą te tǫ daiba ugwadu munama elaluai.

Hibru 12:16

Tiyu bidi me deligo te penani ebo kolesaga wali pabuo. Tiyu bidi me deligo te God tudiba muyu, te polobadu Isogo yali tiwai idalio. Te aga amade te tubo nai deli sogo naga abela tuali, tama agai te aga digi gomunai ogwa da wali bomo me, nogi me, te sigo te tubo nai abelama tama aga olo sąwai dao.

2 Korin 12:21

Eno e homu me ebao, ena dage bidiboba ma asobo si tama ena God agai ena te dagego gesabidide aiyaba elaluaibao. Tiyu eno dage hauwade gela waibao. Magi baso meni, te we bidi polobadu augwaligo te dwai sę yali te tagalama tama homu begelama, tama te meda yai kolesaga me, te penani ebo kolesaga me, te hale isąbo dwai dwai sę subigila ebo kolesaga, te augwaligo polobadu yali te dwai kolesaga tudiba me mube. Tama tede eno dage dali yabo sęde homu eyu tama homu sęgę elalubao.

1 Korin 6:13

Gasa bidigo eno po aiyaba elalumainu eyu e tiwai po waibao, “Tubo nai te tabigo sabo nai da, tama tabigo te nai sabo dao.” Agai homu te tiwai me aga tigigo te dwai penani sę ebo te me usu dao, te aga tigigo yabo sę dao. Awe, agai te tubo nai dali te tabi dali side wali po te mu dao. Tiali goli Godigo te si dali nosali silaibao. Tiali goli dago tigigo te penani kolesaga yabo nai meni. Menio. Dago tigi da te dago Genuai Bidigo nai dao. Tama Genuai Bidi te tigi tau sabo nai dabolo mabo dao.

Daniel 1:8

Danielgo te kingo bede te nai me wain wę te augwaligo mabo nai tubo te aga hagela yali. Te kingo bede elalubo tobage nai dabe, te Godigo Juda dabeba habu selai. Tama tiyu, Daniel aga te mabo nai me wę tuabo hagela homu yali, tiyu aga te God gedude meda idali homu yai. Tialima, agai te polalubo ofisa bidi Aspenasba hanalu wali, te augwaligo agaba te gasa tobage nai mobaso usu egowe po hanalu wai dao.

Esekiel 33:25

Tama tibaso, megi da eno homugo nago te po augwalibolo pusa mao. Ena God Genuai Bidi eno te po e obao. Dagego dwai kolesaga hauwa ebo dao. Te dagego te hasa dabe tuainogo elebo sogo, dagego kaneme dabe sela sąbo menio. Me, dagego tibo god dabeba lotu po weyu ebo dao. Me, dagego bidi dabe ela muyu ebo dao. Mena tibaso dagego te tǫ saiba homu ebawe?

1 Samuel 14:32

Giliga degasa dulai madi, teda augwali udulama, te sipsip me bulmakau dabe te boi bidi dabego nai dabe sali, te nai dabe sigi pali. Tama augwaligo ulama, tama te mi kaneme elalubadi tuali.

Bomai Po 14:21

“Dagego te hasa dabe olo dali isai tulamo dao. Te gasa bulu bidi dagego bulude bidiba, te bidi dabego te hasa tumainogo tagalao, ma augwaligo dageba abelemainogo yao. Tiali goli, dage da, te God Genuai Bidigo we bidi dao. Dage aga tedali gasagi yai hani we bidi mu dao,” wali. “Dagego te meme kibu so me deligo ame pę te senede tabilama, tama te meme so kibugo digi gǫų tede ma ulamo dao,” wali.

Israel Hanigo Namba 25:2

Tama te we dabego te Israel dabe te Moap dabego te tibo godibolo ofa elama, lotu po wabo pesageba odasa pali. Tama te Israel dabego te ofa yali nai tulama, tama tibo godiba lotu po wali.

Ma Dobola Sali 20:23

Odiąo, dagego te tibo god dabe te gol me silvago nigilama, tama te nai dabeba lotu po me wagio. Dagego ena delibolo naga lotu po wao.

Tigidali Nai Gagalama Nigali Side 35:2

Tialima, Jekopgo te aga we waibolo, me te augwali dali bidaluali we bidi tigidalibolo wai, “Dagego duga tibo god dabe tigidali te sela sąyao. Dage te wę bugagia paluama, tama meda meni yai ugwa naga muao,” wai.

Pris Sę Ebo Bomai Po 18:6

“Ena Genuai Bidi, eno te po obao. Nago te naga deli hanide we me deli sabo homu elama, nago aga gedu eyu, aga dali gagali me igio. Te tobage kolesaga habu mu selibao.

Pris Sę Ebo Bomai Po 19:26

“Dagego te kaneme elalubo kibu mi tugio. Te dagego haniani pobi wabo sę me te kebele aubo sę me igio.

1 Samuel 14:33

Tialima, bidi meba pelama, Solbolo wagi pali, “Odao. Te ami bidi dabego te kibu mi kaneme elalubadi tubo sę yai! Augwaligo te Genuai Bidiba sęgę sabo sę yalio,” te po wai. Solgo te po odama, teda agai te tiwai i wai, “Tegobao, augwaligo te God tudiba muani dao.” Tama agabolo te po sesali bidi dabebolo te tiwai po wai, “Dagego te genuai masigi me deli sigi pelama, tama hogogobele aselama, ena pageba sabolao.